¹ Ande awa Klisto asupi bokolo anga bike suba bokolo, bema kili kili kanga bota na siana suba ekobe. ² Ondani Eme Palo, monungadea inda ba na ema atata nu pulipuli. ³ M'pa me meleli maoo nde aoni kanza atoa abanyangeana a selia . ⁴ Benu kolaha na Klisto, bande Pulanabo'' baetangela domi'' a selia bo ku kolaha na ngebe. ⁵ Anga ahe la Mema, a lebea bebondei kia na domi. ⁶ Suba Klisto Yeso beoni kanga eka kanga ona kanza inda tina la ema puli. Ande lebea nganga inde abongi n'kasi nyenela ekondi endo yeu hangisa ema. ⁷ Abi na tea binu auba mbongo kili kili. Ani anu konisi nde inda ika kanga wekukumisa lanu? ⁸ kola lanu indo inda toi awae iye ende anu koki. ⁹ Ema nda chede hauchisa auchisa nda anza inda ngbo. ¹⁰ Ema na evesobela awanu suba epa inda boha kela ahe otopuli pulananu inde eaisa mbusa akumba nzumo ndae iye nga nga. ¹¹ Tobani abe nake luhua achede anga ema sena eme aamana n yombo? Elehe ndo inde nde kukala kpangbu atoa uchuana. ¹² Ikondi bende bato nde banulongomisa batene cyo labo. ¹³ Akodola anukoki, to bami. Mbusa li ekondi bokuliane ekala benu na benu. ¹⁴ Anga selia puli ame suba elehe imoti na yu ande ande domi okonde mangzao sinda awe mayao. ¹⁵ M'pa abe na behumani na lebana kanga bouchisa mayanu. ¹⁶ Iluhuu betambe a mema na inda bokoba sei a ngopo. ¹⁷ Anga ngopo ana sei ema angbo nena nema na mema anasei ema angbo la ngopo inde asana na inda to toana ande inda bokoka nde nda emaxbokondi kolali. ¹⁸ M'pa senda mema abe na anu meleli, benu nda husia selia. ¹⁹ M'pa tambela ngopo aonean na yu nde: etele, eliloi, enzee. ²⁰ Mamusa la ekiti elemba, enziu, esani, boso, kabu, engomba, mema achede, ngboho. ²¹ Ika kanga ookana na bato, moa n'to, noa mwenge, leana angbo na Akodola. ²² M'pa mbua indaamema ande ekondi, echelo, bokolo, mata mema, bana melela, kola anza, lebea. ²³ Bokola na sisa mema mbusa, inda na selia atata elehe sinda. ²⁴ Bande bana Klisto Yeso bakapi ngopo apumoti na sei a ema ndabo achede. ²⁵ Abe na beiki suba mema, mpa betamba suba mema. ²⁶ Kanga beba na wepepa kanga bedo ngana moti na tae, kanga beo neleana enzu.