¹ Tobani, awa n'o inde bambe di suba bochede, benu nde suba mema benu yeu bosisa mema la bokolo. Oni na bomondi benu mayanu. anga kanga banu donga. ² Bo humbiane n'kumba, na aindo bomesa selia inda Klisto. ³ Abe na nde bato pulanabo emani aonga sua inda ema ae temi mayae. ⁴ Motimoti lanu akengee n'kasi ndea. Mbusa aba na ema ndae ye nganga weke ngisa ye ma yae na n'to moto. ⁵ Aga n'to akumba ndae ye nganga. ⁶ N'to nde bango dei elehe siaile bunza amwalimo andae mae. ⁷ Kanga botemaana. Akodola inda batelemele. Inde n'to akomi, yeu akupaka. ⁸ M'pa n'to nde akomi mboo suba we somea la buchede akupa bochede. M'pa inde akomi mboo suba mema akupa ekuyo la esa toa a mema ⁹ Kanga beloha akola anza. Anga a sua e bekupa abe na nda beloki. ¹⁰ Amande nde boo, sua nde bebane na ama bekole anza a n'to motimoti. Bekole anza k'pe bande suba lebea. ¹¹ Boondeni bongbo la mapasia idindii anu acheka mi mayami. ¹² Bande bakondi kola anza aondelelea ngopo ande bande bengodea aone kanza. Bakoli boo anga konga banga suba nyombo la kpangbu la Klisto. ¹³ Anga nabo baedu yii inda bapedeli selia. Mbusa li bakondi ema sina basosana anga bepepe anga ngopoabo. ¹⁴ Kanga hobela wepapaawemi na naa kepangbu la Epa Yeso Klisto. Ande angae lengo alo ngomani na eme suba le ngo. ¹⁵ Abe na ona naika kanga ona kanza indo nda na ema. Mbusa li eboti nda ito anga. ¹⁶ Apulabo bonde babe elehe nde, babe na kolo na ekaba abe atatabo pulanabo na Iwae inda Akodola. V 17 Toa ndunde bato pulanabo konga mudanga anga ikumbi mahua inda Yeso a ngopo ami. ¹⁸ ngebe inda Epa nde ;asu Yeso Klisto abe na mema nu bato bami isoo