¹ M'pa ilu huu aba koma ebondea, sua nde abi mi, ao neani bia kobe nangebe abae na bato pulanabo. ² M'pa yeu kusia ba bameleli na nde asine asosea la epa. ³ Na besu inde bebine ba nii, benyangiani kusia kisolo la lengo: ⁴ M'pa na sua toto akidine, Akodola atei nae, inde aboteani na n'ke, aboteani kusia selia ⁵ Anga eomboe bande babi kusia selia, anga bek'pe tatambela banii. ⁶ M'pa ange benu nde bana, Akodola atei mema inda nae sula su, ende angamo: Sinda, Epa. ⁷ M'pa, ue ndae n'to, m'pa nii: na sinda nii, m'pa muna Akodola awa Klisto ⁸ M'pa sua ndo na nda bomupi Akodola, boo kolela no bond nda bana eketi esome. ⁹ M'pa nae bokoki upa Akodola, kusa m'pa Akodola anumupa, anga emasina bahaliani, mpa elehe holona kuena, inde bokondi kolelali kendo oto? ¹⁰ Bomesi sua, na amelua, na sua na mwaka. ¹¹ Eme atea lanu, kanga ba kusa mehangisi awani busa ¹² Imemi awanu, bato bami, bube sinda mi, anga eme sinda nu. Inda bomokoleli buchede: V 13 M'pa boup kea bende abido ko la ngopo, me nungodei mbino toto: ¹⁴ Na elehe abi subq ngopo awa mi inda boponi, na inda bokomi, m'pa aba bumusomoa sinda malaika nde ma Akodola; sinda Yeso Klisto. ¹⁶ M'pa aengobi ba nzui anu anga mengodei benu inde nde domi? ¹⁷ Ibo banu kondi, m'pa nda a bunga: m'pa bakonde '' anyanga la nu na senge, bokabebo'' ¹⁸ M'pa aanze kaba elehe toto sua buli, mpa inda metondi eme apumoti na benu maha. ¹⁹ Bana mi nde bedede, eme na elbeli anga nu sua nde Yeso Abaoneana suba nu. ²⁰ Na kondi ba waa apumoti na benu na halia beso ami anga eme na maha atata nu. ²¹ Bomongodeane benu ndo bokondi kusia selia inda baoka inde selia aluhuu? ²² Anga badindii kea babali baboo, moti awa n'ke la kobe na moto awa n'ke toto. ²³ Nange bo inde ma kobe babotoani ngopa naha. N n'ke toto abotani a matentatena. ²⁴ Elehe nde atoana, aluhuali suba makoko, anga bake nde basosani malena tena.Moti labo toa a mamba la sinai. Botabanu bande nde ba kobe inde nde takili. ²⁵ M'pa takili ande mamba la sinai inda na Arabini sosanisa na Yelusalima inda ndie nde, anga nde kobe apumoti na nae. ²⁶ M'pa Yelusalema anga ande bongali na indo yeu nde ama su. ²⁷ Anga badindii'' ube na echelo uwe n'ke ngumba nde ndoboti ulenge aleso ao echelo ue nde ndo obate . Anga bangbo ande bana ngumba, nyena Bande nda na moo. ²⁹ A mbeno ndo inde nto inde abo teanisi nyombo inde aboteani a mema, A mbende ande boo. ³⁰ Edindia aluhuu ema sina?'' botoise n'ke la kobe apumoti na nae nyi moo''. Anga nu la n'ke nde nde kobe inda ika apumoti na muna nde. ³¹ Ai ndo, to bami, besu nda banu la n'ke nde kobe besu banii la n'ke toto.