¹ Bagalatia bahenga, ande iso sina la elabi inde anumuchisi? Yeso Klisto inda ehangise sena kuu musa iso anu. ² Eme ekondi ika kanga inde taoa awenu. Ande boni inde bakpe mema atambela la ngoli kusa alebea inde boo ki? Boni, lenu nde bayenga bend? Ande boni bokengetisi a mema anga bokobe a ngapo? ⁴ Ande ema sina bomani nyombo elehe nda ngbo busa, abe nande domi abi inda bisa? ⁵ Boni iye inde esami ekua awanu na kola tambela la ngoli kusa aoka apumoti na lebaea? ⁶ Abulahamu abianebei Akodola abatangiana ba n'to tot. ⁷ Ae ma sinda indo baupe kea bende, bondo balebei ande bana Abilahamu. ⁸ Edundio aluhui Akodola abamutanga domi bato nde nda bamupa, Akodo ahe la lebea. Balapi; sunao bato pulanabo abab ekenga. ⁹ Anga mbusa bande bana bana lebea bae kenge apumoti na Abilahamu, Ainda nde abi na lebea. ¹⁰ Binda bande bahe leli tambela achede ba kusia nzumo. Anga badindii, achomuani nto inde nda melelina elehe puli inde badindii Auba mapapasia la ngoli, akolali puli. ¹¹ M'pa asama akea Akodola inda tanga domi suba ngoli, anga N'to toto aika suba lesbea. ¹² Selia enda toani na lebae, M'pa mbusa li '' na kala ema nda suba selia, anga aosi a selia'' ¹³ ''Klisto asutoisi toa suba nzumo la ngoli anag abi esisi ba lae nzumo, anga au anga badindii,'' achomuani n'to inde ekpei atata mee. ¹⁴ Anga bumba inda Abihamu ekidibe bato awa Yeso Klisto? bekidie matenala mem la lebea tena. ¹⁵ Bato bami, eluhui sinda awa bato, nangebe matena tena inda bato, aeme kilikili, inda na n'to nde apisa kusa todisa elehe. ¹⁶ M'pa awa Abilahamu, matenatena inda eluhuu eboti sinda bato, m'pa sinda moti, eboti lao yeu nde Klisto. ¹⁷ Ilu huu elehe nde, ngali nde ngali nde apie a mwaka 430 mbisa inda toisi matenatena l'endu inde episi na Akodola. ¹⁸ Anga mande ebondea abe a ngoli indae a matenatena, m'pa Abilahamu bakapi matenatena inda Akodola. ¹⁹ M'pa Aelia ande ema sina? angi anga nda pia inde bakapiae matenatena: basosii na Bamalaika auba ngka la tandanisa. 20 Inde ndondisani inda ndondinisi inde na moti; m'pa Akodola moti. ²¹ Aindo ande boni selia nde kolaha na matenatena inda Akodola? Inda bo nange na edee. Anga mande selia imbe ikapi inde atoi kolali ekoyo, abe domi beli a selia. ²² M'pa edindio enyangi bato pulanabo kusia eloloi, anga bande balebea bakape matenatena a lebea la Yeso Klisto. ²³ M'pa musa la pia a lebea, basu kungi kusia selia, benyangeani a lebea inda ahuluna na mbusa. ²⁴ Aindo selia abi mwa limo kapalasu awa Klisto, bakape domi sula lebea. ²⁵ M'pa mbende lebea apii, besu ndae kusia bamwa limo. ²⁶ Anga pulananu nde bana Akodola, a lebea, m'pa Yeso Klisto. ²⁷ Anga pulananu nde banubatisi na ngisi nanu suba Klisto, bonoli Klisto. ²⁸ Aoni enda na Muyaudi, na Bayaunani, inda na n'kobe nanda kobe n'ke . inda na moo inda n'ke. Anga benu pulananu ande bato bimoti suba Klisto. ²⁹ Nabe na benu nde ba Klisto, m'pa, bachi to eboti nda Abulahamu na bemenea matena tena.