¹ Mbusa muaka mako na lalo enge na Yelusalema apumoti na Barnaba. M'pa mekumbi Tito apumoti na eme. ² Inge anga Akodola ehangi si awami anga amongodu inge. Imbisi musa labo elehe inda ilapi awa bato nde baupa Akodola. [M'pa iluhuu esomea awabande bamemusa banze] Ikoli bende a nga mesa abi na ndati, kusa iti busa. ³ M'pa nangebe Tito, abi apumoti na eme, abi Myunani, amungodeiione kanza. ⁴ Elehe nde ahobili anga bato bami la mbea bande bapu esomea akangisa tambela anza inde le bebime suba Yeso Klisto .Babiba kondi kola lasu ba lasu wakobe langoli. ⁵ Inda besami anga ekukumisa nangebe a saa imoti, anga elehe toto asa ke hanga haliana awa nu. ⁶ M'pa bando bae luhuli babi bamangese inda batada puli awami.Puli puli inde biba bakola inda biabi na sei awami. Akodola inda kondi kondela la bato. ⁷ Mbusa li, bamomoni kea be nde bamolebei lapa elehe Akodola awa bande nda baoni kanza. Abi sinda Petelo aluhue elehe awa bande bamupa Akodola. ⁸ Anga Akodola, akili n'kasi suba Petelo anga ekobe awa bande baoni kanza, M'pa abiakoli n'kasi suba mi awa bato nde nda baupa elehe la Akodola. ⁹ Sua Yakobo, Kefa na Yoane, baupilani bande bahii ama tundana, baupi ngebe inde bakapi ami, basubo ndei suba tondana eme na Barnaba. Bakoli bende anga beke awa bato na bande bemupa, na bende mba batoe ka awa bande baoni kanza. ¹⁰ M'pa bakondi besu bekanise bakwe na. Na eme beu bikondi kola ema ndo. ¹¹ Sua nde Kefa apiine Antiokia, abimekomi anga abinakoli achede. ¹² Mbusa bato toa awa Yakobo, Kefa abina aliana apumoti na bato nde nda baoni kanza.M'pa batonde obibapii, obiadu na toa awa bato nde nda baoni . M'pa aeti bato, bande bakondi onakanza. ¹³ Na Bayaudi bande bato batondani na emanza nde apumoti na Kefa . Hobelali abi kea la bato nde nda badomi. ¹⁴ M'pa boni kea bende babi nanda babelea elehe toto, mengendei Kefa musa labo sulanabo,abe na benu nde Bayaudi m'pa bobelei tambela bato nde baoni kanza na mbusa tambela Bayaudi anga emasinabo kumbisi bato nde nda baoni kanga ika sinda Bayudi? ¹⁵ Besu nde nde Bayaudi aboteana Na nda bato nde nda baoni kanza bato eloloi. ¹⁶ Upa kea bende inda na n'toto a tambela mbusae a lebea suba. Yesu Klisto, Bepii alebea suba Yeso Klisto anga basomupe a domi a lebea suba Yeso na kanga suba ngoli. Atambela la ngopa inde batangea domi. ¹⁷ M'pa abe nabe kaba Akodola atanga lasu bato toto suba Yeso Klisto betondi besu na yasu nde bato eloloi? Inda boo. ¹⁸ Abe na hii kimia lami a bongisa kimia abi na ngobi toisali na hangia pakumi balae nto la pona elehe holo. ¹⁹ Nyenela ngoli iku suba ngoli abende uke anga Akodola. ²⁰ Iku apumoti na Klisto. Indae eme nde eme be, ande Klisto abe suba mi. Buki nde alebea suba Muna Akodola , inde amo kondi na abasama anga mi. ²¹ Pedelani ngebe nda Akodola, angedomi anyenela ngoli, m'pa Klisto abenabina ku besa.