¹ Ingwe banya galatia bakirü, obusatsi obukabateba ni bwahi kwehi? nenyu mwakungiriribawa ndeke-ndeke ngoko kristo abambawa oko musalaba embere sy'abandu bosi. ² Muleke ngatababulaya kughuma, momwangirira omûlimû busana n'erikirirya engulu yowene kwehi? ³ Bhusana naki mukabya bakiru kwehi? mwamabitsuka omo mulimu wa kathutshi, muhahikana lino busana n'omubiri kwehi? ⁴ Mwabiriaghalwa omo mwatsi yosi eyi mo buyira kwehi? Muti, siyabya mobuyira. ⁵ Omughulu kathutshi akabaha omulimu, n'erikola ebi kusangwa mukakola emighambo, kutse kusangwa mukowa n'erikirirya engulu yowene kwehi? ⁶ Ngoko kisakire busana na abrahamu kiti, mwikirirya kathutshi, neryo busana n'erikirirya liwe, kathutsi mwamughanza mo mutungarere. ⁷ Neryo, mumiye ngoko ebandu ababirikirirya engutu yuwene, nabo ni bana ba abrahamu. ⁸ Neryo amasako mwaminya erimbere ngoko kathutshi asyatunganania ebihanda busana n'erikirirya. neryo mwatuta engulu yowene uku abrahamu ati, omwisi syawe, ingye kathutshi nasyatsumula ebihanda byosi. ⁹ Neryo abosi abakikiriraya ba kabana omûyisa ogho abrahamu abana busana n'erikirirya liwe. ¹⁰ Kusangwa abosi abakayiketera erikola emighambo babiritakirwa; kusangwa kisa kire kiti, obuli mundu oyuteyitsinga omo myatsi yosi eyisakire omo kitabu ky'emighambo, n'erikolayo, omundu oyo abiritabirwa. ¹¹ Nikwa kimwinyikere ko hate mundu oyukayirawa mo mutunganene embere sya kathutshi busana n'emighambo, kusangwa kisahire kiti, omutunganene asyabyaho busana n'erikirirya. ¹² Nikwa emighambo siyirihangana okw'ikirirya, nikwa kisahire kili, oyukahola emighambo asyabyaho busana nayo. ¹³ Kristo abiritutongolya okw'itakirwa ly'emighambo, iniabiritakirwa omo mwanya wetu, kusangwa kisakire kiti, obuli mundu ogûhaminikirwe oko muti abye mutakirwa. ¹⁴ Kusangwa kristo mwakota atya neryo ab'ebihanda ibatoka eribana omûyisa omwisi wa kristo yesu, ogho abrahamu abana. Netu itwatoha eribana omûlima ogho kathutshi alagha busana n'erikirirya lyetu. ¹⁵ Balikyetu, ngabakangaya ekikakolawa n'abandu. endagane y'abandu babiri yamabigoribwa, sihali bandu bangabindulayo kutse eritomekera kuyo. ¹⁶ Neryo, kathutshi mwaha esyndaghane siwe uku abrahamu n'oko lubuto luwe. sialibugha, ati, oko lubuto lwawe mundu mughuma, iniakahula kristo. ¹⁷ Ekyo ngabugha kyehi, endaghane eyagimeribawa na kathutshi siyangabindulwa n'emighambo eyahika emyahana ani n'amakumi asatu enyuma. neryo emighambo siyangalimya erilagha liwe. ¹⁸ Kathutshi amabya akatuha ebyo atulagha busana n'erilagha liwe; kusangwa kathutshi mwahabyo uku abrahamu kusangwa mwamughabyo. ¹⁹ Neryo emighambo ni busana naki kwehi? Emighambo yahirawa busana n'erikangya amaloloerihika aho mwana wawe asyahikira. Endaghane eyo yahabawa oko mwana oyo. Emigambo ya letawa n'abamalaika omo byala by'omûsangania. ²⁰ Nikwa ahali omundu mughuma musa sihali musangania, na kathutshi ni mughuma. ²¹ Neryo emighambo ikaghana erilagha kumbe kathutshi aha omughambo owangatoka eriha engebe, kumbe ebitunganene byangabanisha omo mighambo. ²² Nikwa amasako mwahira abandu bosi ng'abakolanabi, eryo erilaga lihabawe oko bosi abakikikriraya yesu-kristo. ²³ Nikwa embere w'erihiha ly'erikirirya, emighambo moyatuyira ng'abandu b'omuliki erihika oko kiro ky'ebisula erikirirya. ²⁴ Neryo emihambo yabya ng'omulemberi wetu erihika aho kristo asyasira, itwatoka eritungananibwa embere sya kathutshi omwikirirya. ²⁵ Nikwa lino erikirirya lyabirikika, situkiri oko mulemberi. ²⁶ Kusangwa busana n'erikirirya, inywe bosi muli baghala ba kathutshi n'erimatikana na kristo yesu. ²⁷ Kusangwa inywe bosi mwabatisibawa erimatikana na kristo mwabiriambala emibere ya kristo. ²⁸ Sihali omuyuda n'omûghiriki, sihali omukoba n'ag'obwiranda, sihali w'obulume kutse w'obukali; kusangwa inywe bosi muli mughuma erimatikana na kristo yesu. ²⁹ Neryo mwamabya muli ba krito, muli bana ba abrahamu, mwasyabana ebyosi kathutshi alagha.