¹ Kandi nyiti, omughulu omuli w'omwandu akine mwana, siatengire omukobe nomo angabya mukoma w'ebindu byosi. ² Nikwa omugulu akine mulere, abalemberi n'abateya baka mulembera n'eriteya ebindu biwe erihika oko mugulu owahirawa n'ise. ³ Netu nibya omugulu twabya bana, twabya bakobe b'emyatsi y'ekikugho kino. ⁴ Nikwa omugulu amabiberera, kathutshi mwatuma omughala wuwe. omughala oyo mwabatwa n'omukali kandi mwabutwa omo mitsye y'emighambo y'abayuda, ⁵ Iniatoka eribohola ababya omo mighambo, netu itwatoka eriyirwa mo baghala ba Mungu. ⁶ Kandi kusangwa muli baghala, Mungu abirituma omulimu w'omughala wuwe omwisi w'emitima yetu, owahabirikira ati, thatha, thatha! ⁷ Neryo suli kandi wamabya uli mughala, kathutshi asyakuha ebyosi abirilagha. ⁸ Erimbere, omughulu mwabya mutasi kathutshi, mwabaya ba kobe b'esyo kathutshi esite kûndû, ⁹ Nikwa lino mwabiriminya kathutshi. Kwilaba aho, kathutshi abiri baminya. Neryo busana naki mukasuba oko myatsi y'ekihugho kino eyite n'amaka. Mwanzire eriswabya ba kobe bayo kwehi? ¹⁰ Mukakwama ebiro, n'emikera, n'ebirimo, n'emyaka. ¹¹ Ngubuha busana nenyu, nyiti mbino nabiribaluhira busa. ¹² Abaghala betu, ngabalemba-lemba nyiti inywe mubye nga ngye. kusangwa naghe nabiribya nga nywe, momutangira nabi. ¹³ Nikwa munasi ngoko nabya nyilwene omo mubiri omughulu natsuka eribatulira engulu yowene. ¹⁴ Nomo mwanatengawako erinyipona kutse erinyi ghana busana n'obukoni bwanghe, momutakola mutya, nikwa momwanyikokya ng'omulaika wa kathutshi, ngoko mwanganakikya kristo. ¹⁵ Neryo lino omuyisa wenyu oyo ali hali kwehi? Ngababwira nyiti, kumbe kyangatekekana, ngamwanabirikula ameso wenyu n'erimbagho. ¹⁶ Lino nabiribya nzighu yenyu busana n'eribabwina ekwenene kwehi? ¹⁷ Abandu abo bakabasonda-sondaya kutsibu, nikwa butsira omo mwatsi owene, nikwa banzire eritughaba mukwamebo kutsibu. ¹⁸ Nikwa lyowene erikwama n'omuhwa omwatsi owenw, nomo nyitane haghuma nenyu. ¹⁹ Inywe bana baghe, ng'omukali oyukabuta, ko ngakunda nyitya busana nenyu, nyiti kristo aminyikale omwisi wenyu. ²⁰ Nikwa nyiti kumbe nangabya haghuma nenyu lino n'eribugha nenyu omo gundi musindo. kusangwa ngalemawa busana nenyu. ²¹ Munyibwire, ingwe mwanzire erinzire eribya oko mighambo, mikowa ebyo mighambo ikabagha kwehi? ²² Kusangwa kisakire kiti, abrahamu abya n'abaghala babiri. Omukali w'obukobe abutawa ng'abandu bosi, nikwa omughala w'omukali w'obwiranda mwabatu mughala mughuma. ²³ Omughala w'omukali w'obukobe abutawa ng'abandu bosi. nikwa omughala w'omughala w'omukali w'obwiranda abatuwa busana n'endaghane ya kathutshi. ²⁴ N'eyi ni misyo. Abakali aba ba kakanyaya ndaghano ibni. Omughuma akalia oko kitwa kye sinaï omo kihugho ky'earabia, kiri ng'eyerusalema ya lino, kusangwa eyerusalema ya lino iri omo bukobe haghuma n'abana bayo. ²⁵ Neyi ni misyo, abakali abha bhakaka ngaya ndaghano ibhiri. omughuma akalwa oko tsitwa tse sinaï, naye akabhuta abhana bhobukobe. ²⁶ Nikwa eyerusalema y'endata iri n'obwiranda, nayo ni koyo wetu. ²⁷ kusangwa kisakire kiti, utseme, uwe mukati mughumba oyutabuta; uyitsangure, wamaye,iwe utekunda, kusangwa omukali oyû alekeranibawa, awite abana kwibalaomukali oyuwite iba. ²⁸ nikwa inywe, bali kyeta, nga isaka, tulibana b'endaghane. ²⁹ Ngoko mughulu oyo, oyo wabutawa busana n'omulimu, ko liri ritya lino. ³⁰ Nikwa amasako atiki? athi, ihighe omukali mukobe na maghala wuwe. kusangwa omughala w'omukali mukobe, siendisyasangira obûsoki bw'ise haghuma n'omughala w'omukali w'obwiranda. ³¹ Neryo, balikyetu, situli baghala bomukali mukobe, nikwa tuli baghala bomukali g'obwighanda.