¹ N'enyuma w'emyaka erikumi n'eyini monahetukira kandi eyerūsalema hagumana naye nibya. ² Monayayo kusangwa kathutshi mwanyibisulira ati nyiyeyo. Mona kanirya abakulu omwatsi oyo w'engulu yowene eyo nabya ngatulira ebihanda, nabirikola kutse nyikinakola buyira. ³ Na tito, oyo wabya naye, nomo anabya mugiriki, mobata muhatihana eribanibwa. ⁴ Nikwa abandi abayahula mobalikyetu, mobasonda erimûbania. Abandi aba mobingire omo katikati ketu mo būbiso-biso, eriyanga obwiranda bwetu obo tuwite, itumatikene na kristo yesu, ibakasonda erituyira mo bakobe. ⁵ Motutaliya omwatsi wabo, n'ahake itwatoka eriteya ekwenene y'eengulu yowene busana nenyu. ⁶ Nikwa abobaya ng'abakulu, ngabya nyitya kusangwa sinyitsomenebo, kusangwa kathutshi sialiyira ebitaga, abakulu abo mobatamba mwatsi. ⁷ Kusangwa balangira ngoko kathutshi abirimba eritula engulu yowene oko bandu b'ebihanda bitabwene, ngoko kathutshi aha petero eritulayo oko bayuda ababwene. ⁸ Kusangwa oyo wakola naye omo ba kwenda bw'ebihanda. ⁹ Neryo ababya ng'abasonndoli, ye yakobo, na petero, na yoane, moba minya ngoko haguma na baranaba ng'abasangiri omo mubiri, bati itwe tukole omo katikati k'ebihanda, nabo bakole haguma n'abayuda. ¹⁰ Nikwa bati twibuke abera babo, naye nabya n'omuhwa w'erikola nyitya. ¹¹ Nikwa omugulu petero ahika aentioka, monamukungira embere sy'abandu, kusangwa isialitakola ndeke. ¹² Kusangwa ye petero abya akalya n'abalikyetu b'ebihanda, omugulu abandu abana ewa yakobo bate bahikaho. Nikwa abandu abo babere babihika, petero mwanyigabula oko b'ebihanda mwahana erirya haguma nabo kusangwa abya akubaha abakakwama omwatsi w'eribania. ¹³ N'abandi bayuda bosi mobayihindula nga petero, eriyitendererya, kyateka barinaba naye iniakwama omwiyintenderya tyabo. ¹⁴ Nikwa omugulu nalangira ngoko batalendera omo kwenene ngoko litolere engulu yowene, monabwira petero emuliro w'obasi nyiti, uwe muyuda, wabya ukalendela ng'omûyûda. Busana naki lino ukahatikana ebihanda erirendera ng'abayûnda kwehi? ¹⁵ Itwe twabutawa mo bayûda, situbakola-nabi b'ebihanda. ¹⁶ Nikwa tunasi omundu sialitunganana embere wa kathutshi busana n'erikola emigambo, nikwa busana n'erikiriya yesu-kristo. Netu twabirikirirya kristo, itwakoka eribya batunganene, busana n'erikwama emigambo. ¹⁷ Nikwa tunasi omundu tukasonda eritunga nanibwa busana n'erimatikana na kristo, itu kabanika mobakola-nabi ng'ebihanda, neryo kristo akatuyira mo bakola nabi kweli? Iyene, n'ahake! ¹⁸ Kusangwa namaswahimba kandi ebyo nasambula, inamayikangya ko nyiri mundu w'amalolo. ¹⁹ Nikwa omo mwatsi w'emighambo nabirihola, nyitoke eribyoho busana na kathutshi. ²⁰ Nabiribambwa oko musalaba haumana kristo. Nikwa lino nyineho, nikwa butsera ngye, kristo aneho omwisi waghe. N'engebe eyo nyiri nayo lino omo mubiri, nyiri nalyo busana n'erikirirya omughala wa Mungu, oyo wanyanza, n'eriyiha busana naye. ²¹ Sindighana olukogo lwa kathutshi, kusangwa omundu amatungananibwa busana n'emighambo, neryo kristo imwahola busa!