¹ .Nkutenda bulili mu Kilishitu,nshikweka bwisa,makengelo mani ma munda mankutenenekela kutingila Muusa Musoga. ² .Nite bongwa bunene nu nkubabalwa bubibu mu mutima . ³ .Kubuno inashimile in'inene nitundwe nu kushighana na Kilishitu ku bitondo bya bisakwitu,babuti bani kuyangana na mubili, ⁴ u Baisilaeli u baghalukile bana,nu kuba na lukumbu,nu manunsano,nu mulembe,nu melelo, ⁵ nw'indaghi,nu bikulukulu,nu u kwatuka kuyangana na mubili ,Kilishitu weli kw'ighulu na binsayi,Ghongo akasanilwe milyalya. Amina. ⁶ .Ta kutenda buno kitondo cha Ghongo takikukita kena.Kubuno, bansayi ba kibuti cha Isilaeli tabeli Baisilaeli, ⁷ Nu,kuba mu kibuti cha Bulaimu bansayi ta bana baghe;tondo bwatendilwe :Mu Isaka u mukatutukila kibuti, ⁸ u kutenda buno ta babutwa mu mubili u bana ba Ghongo,tondo babo b'indaghi u bakughanswa buno kibuti. ⁹ Lola,kitondo k'indaghi:Nkakuluka mu bindi anga bino,nu Sala akaba isite mwana. ¹⁰ Nu kutinga ubo,bwabinde ku Lebeka wabutagha na Isaka tata witu; ¹¹ Kubuno gha bagha bana ta bebutwa nu ta bekita bibi ali bisogha,kubuno kwisombolela kwa Ghongo kube ,ta kuyangana na mikolo ,tondo bwashima olya ukumana, ¹² _Lebeka abulwagha:Nkulha akakitila muto waghe milimo;anga bwatililwe: ¹³ Nashimagha Yakobo nu nasombagha Esau. ¹⁴ Tutende buni lingo ?Mu Ghongo mweli biteli bulili ?Tobo. ¹⁵ Buno abulagha Musa : nkaba na lukogho k'olya nkakitila lukogho,nu mponga ku babo banelesha mponga. Agho lingo,ubo tabwayangana ali n'olya washima,ali n'olya ukwenda lubilo,tondo na Ghongo u kukwila lukogho. ¹⁷ Kubuno,Falao abulwagha Kitondo cha Ghongo :Nakw'imikagha buno nikuloshe bwangato bwani,kubuno ishina lyani lisambalwe mu kisi kinsayi. ¹⁸ Nubo, a kukwila lukogho k'olya washima nu kwinda mutima mubibu mu muntu olya washima. ¹⁹ Ukambusha : Ki kinasula aghaya lingo? Kubuno unanana bwashima ? ²⁰ E muntu,uwe tanga,uwe nayi buno wende myango na Ghongo? Indegha likabula olya walibumbagha:Ki chasulagha wambumba buno? ²¹ Mubumbi to nen'itete,anabumba nalyo indegha lisogha nu indegha lya tughutughu? ²² Nu butendwe,ndi Ghongo mu kulonda kulosha mushibu waghe nu kulosha bwangato bwaghe,alindilagha bindi bingi,indegha lya mushibu likashililila. ²³ Nu ndi alondagha kulosha butumba bwa lukumbu lwaghe ku malegha ma lukogho lwa longomanyagha kalayi mu lukumbu? ²⁴ Ubo bwatumanagha tondo ta mu nkantighi na Bayuda umpanga, tondo lingo munkatighi na Bilongo. ²⁵ Anga bwatenda mu Hosea : Nkamana kilongo chani ghoso utabagha wa kilongo chani,nu shimwa ghoso utabagha shimwa; ²⁶ Nuko babulwagha:Tamu kilongo chani!Bakamanwa bana ba Ghongo. ²⁷ Isaya nuwe, atandegha mu Isilaeli: Ghakaba bana ba Isilaeli bise bengi anga museghe wa kitatenge,umoyi u kashighala u ukona. ²⁸ Kubuno Mukota akakita binsayi ighilighili mu kisi bwa bwashima. ²⁹ Nu bwatendagha Isaya kalayi : Ndi Ghongo wa maghana ntatushighilagha imbuta,tunabinde anga Sodoma,tunasusanile Gomola. ³⁰ Tutende buni lingo? Bilongo bitakulonda bulili,beleshibwe bulili,bulili bukutuka mu lukatisho, ³¹ nu Isilaeli walondagha mulembe wa bulili,,ntaumonile. ³² Ki chasulagha? Kubuno Isalaeli aulondagha,ta kutingila lukatisho, tondo anga u kutuka mu mikolo.Bakitalile kw'ikoyi. ³³ Anga bwatililwe :Lola, nabika mu Sioni ikoyi lya kukitala ko nu lughangala lwa kuselemucha bantu,nu olya wamukatisha ko ntakitwa nsoni.