¹ Bisakwitu, bwashima mutima wani nu masegho mani kwa Ghongo kubo,buno bansayi b'one. ² Nabatenenekela buno bakokomesha mu Ghongo,tondo ta mu mulenganya; ³ mu kwinda kumana bulili bwa Ghongo, nu kulonda kw'imika bulili bwabo,ta bishighililagha mu bulili bwa Ghongo; ⁴ Kubuno Kilishitu u kushililila kwa mulembe,buno olya wakatisha aghansilwe bulili. ⁵ Agho, Musa akumana bulili bwatuka mu mulembe:Muntu ukakita bino bitondo,akalamila mubyo. ⁶ Tondo,lola bukutenda bulili bukutuka mu lukatisho:Utendaghe mu mutima wobe: Nayi ukenda kw'ighulu,nti ise anga wa kumbya Kilishitu; ⁷ Ali nayi uk'ingila munsi?Nti ise anga ukutucha Kilishitu ku bakuyi. ⁸ Chatenda buni lingo?Kitondo cheli bwighi nowe, mu kanywa kobe nu mu mutima wobe.Tondo ,kitondo cha lukatisho,u kitukusansa. ⁹ Ndi kanywa kobe katenda byatuka mu mutima wobe buno Yesu u' Mukota, nu ndi wakatisha mu mutima wobe buno Ghongo amutuchagha ku bakuyi,u k'ona. ¹⁰ Kubuno, mu ku katisha mu mutima ukwicha mu bulili,'nu mu kutenda bya bulili na kanywa kobe, u kwicha mu lonio,anga bwatenda kitondo cha Ghongo: ¹¹ Olya muntu wamukatisha ko,nta kakwa nsoni. ¹² Ta batingana ,Bayuda nu Bagiliki,kubuno bansayi bite Mukota umoyi ,uli mutumba wa bansayi bakumumana. ¹³ Kubuno olya ukamana mu mutima waghe ishina lya Kilishitu,akona. ¹⁴ Nu buni bu banamana mu mutima olya ubatakatisha? Nu buni bu banamukatisha olya ubatongwagha ko?Nu buni bubakamwongwagha ko,ndi nta ku muntu wa ku sansa? ¹⁵ Nu buni bukika misaghu nsogha,ndi takweli basingilwe?Anga bwatililwe:bwaswagha manshinshi ma babo basansa boolo, ma babo ba kunsasa musaghu musogha ! ¹⁶ Tondo bansayi tabiminde musaghu musogha.Isaya nuwe atenda: Mukota,nayi wakatishishe ku meghesha mitu? ¹⁷ Ubo lukatisho lukutuka mu bi kongwibwa ko,nu bi kongwibwa ko, kitondo cha Kilishitu. ¹⁸ Tondo natenda:Ta bongwile?Tobo !Ishuki lyabo lyongwibwe ko mu kisi kinsayi ,nu bitondo byabo bikile kushinda kisi. ¹⁹ Tondo,natenda:Isilaeli ntamumanagha ?Musa u mutangi watendagha: Nkabucha lughi lobe ku ghoso uteli lingo na kilongo,nu nkalubha mushibu ghobe kutingila kilongo kitite kulenganya. ²⁰ Nu Isaya mu kutucha boba,amu tendagha: Namonekile na babo ba tandondagha ,nindoshishe ku babo ba tambushagha. ²¹ Tondo ku Isilaeli,atenda:Nalambishe maboko mani bindi binsayi ku kilongo cha miyabuyabu bantu ba miyabuyabu nu ba myango.