¹ Tutende lingo buni ku Bulaimu tata witu ,bya monagha kutingila mubili? ² Nu ndi Bulaimu amanwagha wa sanana kutingila mikolo, anitata tondo ta kweli Ghongo. ³ Kubuno buni bwatenda kitondo cha Ghongo? Bulaimu akatishagha Ghongo, nw'ibyo byasulile aghanswa wa bulili. ⁴ Tondo, ku ulya wakita mulimo,ndi alighwa,ta ku mpang'inene , tondo anga indigho lyaghe; ⁵ Nu ulya utakita nkashi, tondo akatisha ghoso ukughansa babi, lukatisho lwa ghoso lwa ghanswa lwa bulili. ⁶ Tondo Daudi nu we alosha ighuma lya muntu waghanswa wa bulili na Ghongo nu ntakitile milimo. ⁷ Mboghimboghi ku babo bashighililwa mabi mabo, nu bwaghi bwabo bwakunikwa ! ⁸ Mboghimboghi sa muntu utaghansilwa bwaghi na Mukota. ⁹ Kashi ighuma lyeli umpanga ku bamonywa mpala sa munganga nu kubatamonywa? Kubuno tukutenda buno lukatisho lwaghanswagha kweli Bulaimu. ¹⁰ Buni bwa ghansilwagha lo? Lwabusho ali kumbusa kwa kumonyeshibwa kwaghe? Abagha nte monywa nenshi. ¹¹ Nu eleshibwe kamanililo ka kumonya kabe anga kama ka kumughansa wa bulili keleshibwagha kutingila lukatisho,nu nte monywa,kubuno abe tata wa bansayi betemonywa bakatisha,inga baghanswa ba bulili, ¹² nu tata wabamonywa ,ta wabamonywa umpanga,tondo babo bakutabanga mu nsila sa lukatisho lwa tata Bulaimu nu nte monywa. ¹³ Kubuno,ta ku mulembe chasula Bulaimu ali ku kibuti chaghe eleshibwa mwandu wa kisi , nti kutingila lughanso lwa bulili lwa lukatisho ¹⁴ . Kubuno ndi bisa mwandu bite gho kutingila mulembe nti lukatisho lweli lwa tughutughu.Nu indaghi nti lyashima, ¹⁵ kubuno mulembe ukubuta mishibu,nu gheteli mulembe tagheli kukita bwaghi. ¹⁶ Uchasula bisa mwandu bite gho kutingila lukatisho,kubuno kutingila mpang'inene,inga indaghi lyaba ku kibuti,ta ku kibuti kikuyanga mulembe,tondo kicho kite lukatisho lwa Bulaimu tata wa bansayi anga bwatililwe: ¹⁷ Nakwimikile ube tata wa bilongo bingi. Eli tata w'olya wakatisha,Ghongo, ukwelesha kalamo ku bakuyi,nu akumana byeli anga bitabagha. ¹⁸ Mu malelamilo,akatishagha nu kuba tata wa bilongo bingi anga bwabulaghwa:Buno ubukaba kibuti chobe. ¹⁹ nu kwinda kukutwa mu lukatisho ntikatile buno mukungu nu abagha na myaka ighana,Nu mughole waghe Sala abagha ta wa kubuta lingo. ²⁰ Ntendagha myango kw' indaghi lya mulaghagha Ghongo: tondo abagha na lukatisho maghala mu lukatisho,mu kughanula Ghongo, ²¹ Nu abagha na ndemalilo buno bya bulwa bikaba. ²² Uchasula aghanswa muntu wa bulili . ²³ Tondo ta ku winene uchasula bibo byatilwagha aghansilwa byo; ²⁴ Tondo ku beshwe,tukaghansilwa byo,ku beshwe twakatisha k'ulya watuchagha Yesu Mukota witu, ku bakuyi, ²⁵ Ulya wesanwagha ku bwaghi bwitu nu atukagha ku bakuyi buno tushighililwe bwaghi bwitu.