¹ Musekele ghoso musoshu mu lukatisho ,nu mwendaghe myango sa milengania. ² Wakatisha anashima kulya ku binsayi,nu musoshu,akulya tughu bisughu. ³ Olya ukulya ntabenge uta kulya,nu utakulya nt'aghye olya ukulya,buno Ghongo amusekinde. ⁴ Uwe unayi ,u kwaghya mukiti wa ungo ?Ndi imala ali awha,mukota waghe u ukumana.Tondo akimaluka kubuno Mukota ite bwangato bwa kumw'imika ⁵ Umoyi akulekanucha bindi,kweli ungo,bindi binsayi bigheshe.Na muntu ku babo babili akatilile bya lenganya mu mutima waghe. ⁶ Olya u kulekanucha bindi,akita ubo ku Mukota. Ghoso ukulya,nti kweli Mukota u kwa kulila indya,buno akasanila Ghongo; olya utekulya ,nti kweli Mukota u kwetekulilya indya,nu akukasanila nuwe Ghongo. ⁷ Naki,takuli unaba gho ali unakwa ku w'inene. ⁸ .Kubuno,ndi tuki twa tengya ,ali ndi twakwa,nti kutingila Mukota winene.Kashi ndi tucheli gho ali ndi twakwa,tuli mu Mukota. ⁹ Kubuno Kilishitu akwagha nu eli gho,kubuno angate bakwile nu bekwisa bansayi. ¹⁰ Tondo uwe,ki chasula waghya mubuto ghobe?Ali nuwe ,ki chasula wabenga muninu? Kubuno beshywe bansayi tuk'imala ku lubansa lwa Ghongo. ¹¹ Kubuno bwatililwe :Ine nkw'isa, u'bwatenda Mukota,n'ishwe linsayi likakomwa gha neli ,nu na lulame lukaghanula Ghongo. ¹² Ububo na muntu na muntu akalosha byaghe mu miso ma Ghongo. ¹³ Kashi ,ta twaghyane gha tusambana ;tondo ntu kite cha kukitasha ali cha kwenducha mubuto wobe. ¹⁴ Nkumana nu n'imila na bulili kutingila Mukota Yesu,buno takuli champa kitaswagha munda nacho kinene, nu kintu kinsayi ta chaswagha ku olya wakikata buno tachaswagha. ¹⁵ Tondo,ndi kutingila indya,muninu onganwa,ntuli lingo mu lutundo;kutingila indya,ntwimile ashimile ghoso wakwilinde na Kilishitu. ¹⁶ Mpanga sobe tasisule washingilila bango bitondo. ¹⁷ Kubuno,bukota bwa Ghongo ta bwa kulya ali kunywa,tondo bulili,boolo nu mboghimboghi kutingila Muusa Musogha. ¹⁸ Olya ukukitila Kilishitu anga bubo,imilwa na Ghongo nu kusekelwa na bantu. ¹⁹ Ubo lino,tulonde bya boolo nu bya kutwimasha mu lukatisho. ²⁰ Kutingila indya ,ntw'ite mulimo wa Ghongo;Ku bulili, bintu binsayi bya swagha;tondo ta bisogha ku muntu mwa mu kulya , ndi byaghaluka ikitalo. ²¹ Bweli busogha kutalya nama,kutan'ywa maku,nu kw 'inania binsayi binakitasha muninu ali,kumwitya mutima ,ali bya mabala ku busoshu bwaghe. ²² Lukatisho lu wite,katilila lo kobe nu Ghongo.Mboghimboghi ku olya utakwighaghya w'inene ku byaukita. ²³ Tondo olya wisikima ku byakulya ,aghibwa ,kubuno ntakita na mutima musogha.Binsayi byatuka mu mutima ute musogha ,nti bwaghi.