¹ Nu muntu unsayi angatwe na bakulu;,kubuno taku bukulu butatuka kwa Ghongo,nu bakulu beli gho babikilwe na Ghongo. ² Uchasula olya wanana bukulu nti anana Ghongo wabubikagha,nu balya batab'imila,bak'imbulutila lwaghyo bo binene. ³ Ta ku kintu kisogha uki kusula bashushi bekukubwa boba.Ukushima ntukwe mukulu boba?Kita busogha nu ukimilwa nawe. ⁴ Shushi eli mukiti wa Ghongo ku bya busogha kobe,tondo ndi wakita mabi, kwagha boba; kubuno ta kutughu kwe kusumbagha na mwele nu eli mukiti wa Ghongo,buno akite indigho lya mabi,nu ku nubya wakita bubi. ⁵ Bwaswagha lino kwangatwa,ta kukwa lusungyo boba,tondo ku mulenganya witu wa munda. ⁶ Kubo uchasula mwaligha mpalata,kubuno bashushi beli bikiti ba Ghongo babikilwe mu ghoso mulimo. ⁷ Mweleshe bantu bili byabo ,mpalata kwa olya umwema kwelesha so,mutulo kwa olya wema kwelesha gho,boba k'olya wa kukubwa boba,lwanso ku olya unanswa. ⁸ Mubaghe na kikayi cha muntu ndi ta kushimana gha musambana;buno washima banabo nti akucha mulembe. ⁹ Kubo,nkakisho:Ntukatensha,tukita,ntukimba,ntukaba na nkasa sa bya bene,nu bingo byasusana nebyo,bya kandwa mu kino kitondo kimoyi: Ukashima muninu buw'inshima uw'inene. ¹⁰ Lutundo ta lukukitila muninu mabi: lutundo u kubelelela kwa mulembe. ¹¹ Mukumana bindi bitweli mo:U nkugu sa kubuka, kubuno lonio lu bwighi na beshwe,kutinga gha twakatishagha. ¹² Kindi chaba kilayi, busi bwacha,tute myanya sa bulimaswa,nu tushwale ngabo sa musi. ¹³ Tutabange busogha anga mu musi,bulayi na butughu,nu bulefi,nu n'saki,nu lughi. ¹⁴ Tondo,mushwale Yesu Kilishitu,nu tamuswaghye mubili buno mukuche nkasa mbi sagho.