¹ Nabema lino ,bisakwitu,kutingila lukogho lwa Ghongo,musighe mibili sinu sibe kinsasa kisogha,chasanana,cha shimwa na Ghongo,u'melelo minu matunganana. ² .Mususanaghe na bantu ba bino bindi, ,tondo mughalule milenganya sinu,inga mwamana bwashima Ghongo,cheli kisogha,chashimwa nu cha shililila. ³ Ku mpang'inene si neleshibwe,nkubula umoyimoyi ku benywe,mwintumbyaghe,tondo mube na myanya nsogha kuyangana na lukatisho lweleshibwe umoyi moyi ku benywe na Ghongo. ⁴ Anga bw'ite mubili witu bighansa bingi,nu bighansa binsayi tabite mulimo umoyi, ⁵ nubo butweli bengi,tweli mubili umoyi mu Kilishitu,nu tweli bighansa gha tusambana. ⁶ Kubuno twite nkanso satingana,kuyangana na mpang'inene si tweleshibwe,olya wite lukaso lwa bulenganya,alenganye mu lukatisho; ⁷ olya wamanilwe mu nkanshi sa Ghongo,akite so;olya kweghesha,ikale mu kweghesha, ⁸ Olya wa kwimwisha,imashe .Olya ukwesana, esane na mutima musogha,olya wa kwimalila bantu,abimalile busogha ,olya wakwila lukogho,alukwile na mboghimboghi. ⁹ Lutundo lubaghe lwa bwengelela. Mukwe bubi bogha;mukokomeshe mu bisogha. ¹⁰ Mu lutundo lwa mubuto,mushimane ghamusambana ;mukute binsayi mu lwanso. ¹¹ .Mube na maghala nu ta butambi.Mube na mitima sa naka.Mukitile Ghongo milimo. ¹² .Mubogheboghe mu malelamilo,nu nkiki mu lusungyo,nu mukutwaghe na masegho. ¹³ Mweleshe benga mitima bi bite nkasa nabyo.Musekele bantu bansayi. ¹⁴ .Mukasanile ba bakubanubya ,mukasanile,nu mushulilaghe muntu. ¹⁵ Mubogheboghe ghamoyi na ba kuboghabogha;mulile na bakulila. ¹⁶ Mube na mulenganya umoyi gha musambana.Mulondaghe kwitumbya. Mulutwe na bya bota.Mwindolaghe anga bite mulenganya mwingi. ¹⁷ .Mukuluchaghe bubi ku bubi,mulonde bisogha bya bashima bantu bansayi. ¹⁸ Ndi bwakoshibwa,mube na boolo ku bantu bansayi. ¹⁹ Nshimwa sani,mwindighilaghe bubi benywe binene,tondo,mushighile Ghongo mushibu;anga bwatilwa:Ine k'indighila,indigho lyeli ku neli,bwatenda Mukota. ²⁰ Tondo ndi mughini wobe ite nsala,mweleshe indya,;ndi ite mpusha ,mweleshe masi kubuno mu kukita ubo ,nti wamukulumanishila makangalya ma kaya kw'itwe lyaghe. ²¹ Ntukindwe na mabi ,tondo kinda bubi na busogha.