1
Ghakandulagha kamanililo ka mutubakamo,mw'ighulu mwabagha kakobi kindi cha nkungu.
2
Nu nalolagha baghenshi mutubakamo bikalile bwighi na Ghongo nu beleshibwe tolompeta mutubakamo.
3
Nu mughenshi ashwagha,nu kwikala gha ntata gha kasasa,ite kanungu ka nolo ka kughishisha mo bwagha;eleshibwagha ngenge ningi buno asitule ,ghamoyi na masegho ma basanana bansayi gha ntata gha kasasa ka nolo keli bwighi na kishumbi cha bukota.
4
Muuki wa ngenge wabakamagha ghamoyi na masegho ma basanana mu kuboko kwa mughenshi mu miso ma Ghongo.
5
Nu mughenshi atolagha ako ka nungu kakughishisha bwagha,akishashagha na kaya ka kasasa,nu akalekelagha mu kisi.Nu kwabagha mashuki,mikulumilo,nkenu nkenu,nu kalingini.
6
Nu baghenshi mutubakamo ba babagha na tulompeta mutubakamo balindilagha kw'ipila muto;
7
mutangi ipilagha tolompeta.Nu kwabagha lubula nu kaya kaswana na mikilha,byalekelwagha mu kisi.Nu kibe kisatu cha kisi chayagha,nu kibe kisatu cha miti chayagha .Nu kisughu kinsayi cha susa ntungu chayagha.
8
Mughenshi wa babili ipilagha tolompeta.Nu kikayi cheli anga mwindiko munene waya na kaya chalekelwagha mu kitatenge;Nu kamoyi ku bisatu cha kitatenge chaghalukagha mikilha.
9
Nu kimoyi ku bisatu cha bibumbwa byabagha mu kitatenge nu byabagha gho cha kwagha,nu kimoyi ku bisatu bya bwato chashikagha.
10
Mughenshi wa basatu ipilagha tolompeta .Nu kw'ighulu kwa kolokagha kambalumbalu kanene kenga anga kasuku; nu kakolokelagha ghantata ka kamoyi ku bisatu ka nusi inene nu ghantata na ghasolela tusi.
11
Nu ishina ly'ako kambalumbalu u lubaba,nu kamoyi ku bisatu bya masi kaghalukagha lubaba,nu bantu bengi bakwagha na masi, kubuno masi mabagha lubaba.
12
Mughenshi wabanayi ipilagha tolompeta , nu kamoyi ku bisatu bya musi,nu bya mweshi,nu bya tumbalumbalu,kubuno kamoyi ku bisatu kabe mu bulimaswa nu musi usimishe kamoyi ku bisatu cha chengeshi chaghe,nu kindi nw'icho bo.
13
Nalolagha,nu nongwagha indyo sabagha sikulenga munkatighi n'ighulu sikutenda n'ishuki linene: Musambo,musambo,musambo ku beli mu kisi,kubushi bwa mashuki ma tungo tolompeta tusatu twipilwe!