¹ Nu lingo nalolagha mu kuboko kw'indume kwa ghoso wabagha wabundile mu kishumbi cha bukota,kitabo chatilwa munda nu ku mughongo,kite kama ka tumanililo mutubakamo. ² Nu nalolagha mughenshi wa maghala walekelagha mulenge bwa bubibu: Nayi watunganana kukandula kitabo nu kushimya tumanililo? ³ Nu ta ku muntu mw'ighulu ali mu kisi ali munda n'itete,unakosha kukandula kitabo nu kuchengelesha ko . ⁴ Nu nalilagha bubibu kubuno takwamonekile muntu una kandula kitabo nu ku chengelesha ko. ⁵ Nu umoi kwabo bakungu ambulagha :Ntulile lingo;lola, mbunga sa kilongo cha Yuda,wa kibuti cha Daudi,akindile buno akandule kitabo nu tumanililo twaghe mutubakamo. ⁶ Nu nalolagha, munkatighi na kishumbi cha bukota,nu bibumbwa byeli gho binayi nu munkatighi na Bakungu, Chana cha mbuli chabagha gho anga cha ketulilwe kisansa. Chabagha na megha mutubakamo nu miso mutubakamo,u myusa mutubakamo sa Ghongo,sasingilwe mu kisi kinsai. ⁷ Kikagha nu kutola kitabo mu kuboko kw'indume kwa ghoso w'ikalile mu kishumbi cha bukota. ⁸ Mu kutola kitabo,ibyo bibumbwa binayi byeli gho nwabo bakungu makumi mabili nu banai bakomelagha mashwe Chana cha mbuli ,nawe akatilinde kansambi nu twaata twa nolo twisala ngenge u masegho ma basanana, ⁹ Nu bakwemba engo nembo mu kutenda :Watunganana kutola kitabo nu kukandula tumanililo twaghe;kubuno waketulwagha kinsasa ,nu waghulinde Ghongo kutingila mikilha sobe,bantu ba bilongo binsai,mitendeshi insayi,bantu bansayi,nu ba bisi binsayi; ¹⁰ wabakitile babe bukota nu Bansakogha kweli Ghongo witu,nu bakimalila kisi. ¹¹ Nengaleshagha,nu nongwagha ishuki lya baghenshi mu ntungo sa kishumbi cha bukota,nu lya bibumbi byeli gho nu lya bakungu, nu mughanso wabo wabagha kashi kashi,elefu nu elefu anga imbashi. ¹² Batendagha n'ishuki linene:Chana cha mbuli cha ketulwagha kisansa,cha tunganana kweleshibwa bwangato,butumba,bulenganya ,maghala,wanso,lukumbu nu kwembelwa nembo. ¹³ Nu bibumbwa binsayi byeli mw'ighulu,ghansi,munda na n'itete,ghantata na kitatenge ,nu binsayi byeli gho,na byongwagha bikutenda:Kweli whoso wikalile mu kishumbi cha bukota, nu kweli Chana cha mbuli ,kube kwembelwa nembo,lwanso,lukumbu nu maghala mu nkiko nu nkiko! ¹⁴ Nu ebyo bimbumbwa binai byeli gho byabagha bikutenda:Amina! Nu bakungu bakukoma mashwe,nu kukumbamila.