¹ Kushila agho,nengeleshagha,nu lola,lumbi lwighulilwe mw'ighulu.Ishuki litangi linongwagha ko, anga ishuki lya tolompeta,nu lyatendagha nine,nu kumbula:Bakama ghano nu nkakulosha bikika kumbusa kwa bino. ² Agho lino,Muusa isalilanagha munda nine.Nu lola, mw'ighulu mwabagha kishumbi cha bukota nu kikalilwe ko na muntu umoi.3 Olya wabagha wikalile kwicho kishumbi abagha asunsana ikoyi lya yasipi,nu lya salidiyo;nu kishumbi cha bukota chabagha chatimbwa na munkuluma wasusana na emelode. ⁴ Mu ntungo na kishumbi cha bukota namonagha ku bishumbi bya bukota makumi mabili nu binai,nu kwebyo bishumbi bya bukota makumi mabili nu banai bya bundilwe ko na bakungu makumi mabili na banai,bashwalile nshulu senga,nu ku matwe mabo kweli nkumbu sa nolo. ⁵ Mwecho kishumbi cha bukota ,mukutuka nkenunkenu,mashuki nu mikulumilo.Ghabusho na kishumbu cha bukota ghakusana tala mutubakamo,u sili myusa mutubakamo sa Ghongo. ⁶ Gheli lingo ghabusho na kishumbi kicho cha bukota , kitatenge chenga anga kiyobo. Mukantighi nacho nu muntungo nacho,gheli bibumbwa binayi bikwisa,bite miso ku busho nu kumbusa. ⁷ Kibumbwa kitangi cheli gho,chasusana na mbunga,cha bibili cheli gho , chasusanya chana cha nkambu,kisatu cha cheli gho ,chasusana muntu,nu cha kinai cheli gho,chasusana na ndyo sikulenga. ⁸ .Ebyo bibumbwa binayi nacho nacho kite byubi mutuba,nu bite miso mu ntungo nu munda.Tabikukutwa kutenda musi nu kindi:Wasanana,wasanana,wasanana,u Mukota Ghongo nene maghala mansayi,wabagha,weli gho nu ukushwa! ⁹ Gha kuba ebyo bibumba byeli gho bikughanula,nu kutata,nu kukasanila whoso wikalile ku kishumbi cha bukota,ku whoso weli gho mu nkiko nu nkiko, ¹⁰ abo Bakungu makumi mabili nu banayi bakukomela mashwe ghoso wikalile ku kishumbi cha bukota,nu ba kukumbamila ghoso weli gho nkiko nu nkiko,nu bekulekela nkumbu sabo gha busho necho kishumbi cha bukota mukutenda: ¹¹ Watunganana,Mukota witu nu Ghongo witu,kweleshibwa lukumbu ,nu lwanso ,nu bwangato;kubuno wabumbagha binsayi, nu kutingila buwashima u bu byeli gho,nu ubu byabumbwagha.