1
Lingo namonagha ku nama satuka mu kitatenge,site megha ikumi nu matwe mutubakamo,nu ku megha mabo,nkumbu ikumi;nu ku matwe mabo mashina ma kwenegha Ghongo .
2
Nama si namonagha ko,sabagha sasusana ngoyi ; manshinshi maso anga ma mpagha,nu bushundo bwaghe anga bushundo bya mbunga. Eleshibwagha bwangato na bulighi,nu kishumbi chaghe nu bukulu bunene.
3
Nu nalolagha itwe lyaghe limoyi anga lyeli mu lukwo;tondo kubabalwa kwaghe kubibu kwa lamagha.Nu kisi kinsayi cha bagha mu nganingani kumbusa kwa seso nama.
4
Nu bakumbamilagha bulighi, kubuno eleshagha nama bukulu; bakumbamilagha nama mu kutenda :Nayi wasusana nama,nu nayi unakosha kulwana naso?
5
Nu eleshibwagha kanywa mwatukagha bitondo bya kabengo nu bya kwenegha Ghongo;nu eleshibwagha bwangato kukola milimo myeshi makumi manayi nw'imbili.
6
Nu ashibulagha kanywa kaghe buno eneghe Ghongo,eneghe ishina lyaghe nu numba saghe,nu bansayi byeli mw'ighulu.
7
Nu ashighililwagha alwane na basanana,nu abakinde.Nu eleshibwagha bukulu mu bilongo binsayi,bantu bansayi,mitendeshi insayi nu bisi binsayi.
8
Nu bansayi beli mu kisi bamukumbamila,babo kulingila kubumbwa kwa kisi mashina mabo tamatililwe mu kitabo cha kalamo ka Mwana wa Mbuli waketulwagha kinsansa.
9
Olya wite matuyi,ongwe!
10
Ndi muntu eka ungo mu bukobe,akenda nuwe mu bukobe;ndi muntu ita ungo na mwele , emana nuwe itwe na mwele. Ghano u gheli kulindila bubibu nu lukatisho lwa basanana.
11
Nu namonagha kwengo nama satuka mu kisi,sabagha na megha mabili masusana na mamo ma Chana cha Mbuli,sabagha sikutenda anga bulighi bunene.
12
Mu kusimona ko,abagha ite bukulu anga nama ntangi,nu alhutile kisi nu beli mo bakumbaminde nama ntangi,walamagha chulu chaghe kinamwikishe ku lukwo .
11
Nu namonagha kwengo nama satuka mu kisi,sabagha na megha mabili masusana na mamo ma Chana cha Mbuli,sabagha sikutenda anga bulighi bunene.
12
Mu kusimona ko,abagha ite bukulu anga nama ntangi,nu alhutile kisi nu beli mo bakumbaminde nama ntangi,walamagha chulu chaghe kinamwikishe ku lukwo .
13
Akitagha bighanaghana bingi kwikila kutucha kaya kwighulu nu kukicha mu kisi mu miso ma bantu.
14
Ashimishagha bantu ba mu kisi kutingila bighanaghana byeleshibwagha akite mu miso ma nama, mu kubula beli mu kisi buno bakitinde chaso eso nama sababalwagha na mwele nu secheli gho.
15
Nu eleshibwe maghala ma kutendya eso nama buno chaso kitende,nu akite bunsayi babo batakumbamila echo chaso bitwe.
16
Nu akitaba buno bansai,banabato nu bakulu,batumba nu bakene,beli bulya nu bakobe,babikwe kama mu maboko mabo m'indume nu ku malanga mabo,
17
nu takube muntu wa kughula nu wa kughusha ndi ntite kama, ishina lya nama ali lughanso ly'ishina lyaghe.
18
Ghano u bulenganya,Olya ukulenganya aghanse lughanso lya nama.Buno u lughanso lwa muntu,nu lughanso lyaghe u maghana mutuba makumi mutuba nu mutuba.