1
Kama kanene kamonekagha ko mw'ighulu;mukashi watimbilwe na musi, mweshi weli munda na mashinshi maghe,nu nkumbu sa tumbalumbalu ikumi na tubili seli kw'itwe lyaghe.
2
Abagha mwemeshu,nu abagha akutenda bubibu,atengindwe nu akwongwa lubabasho lwa kubuta .
3
Kango kama kamonekagha ko lingo mw'ighulu;nu lola,kwabinde bulighi bunene bwasusa mikilha, bwite matwe mutubakamu nu megha ikumi,nu ku matwe maghe nkumbu mutubakamu.
4
Mukila waghe wabulutagha kamoyi ku tusatu ku tumbalumbalu twa mwighulu nu kutulekela mu kisi.Bulighi bwikalagha bwighi na mukashi u kulonda kubuta,buno gha kushila kubuta bumele mwana waghe.
5
Abutagha musikila,u kulanga bilongo binsayi na mushumbo wa chuma .Nu mwana waghe akukumwagha kweli Ghongo nu kweli kishumbi chaghe cha bukota.
6
Nu mukashi atinilagha mu kalula u kwabagha na kishiki cha mubikilagha Ghongo,buno alile uko bindi elefu emoyi maghana mabili nu makumi mutuba.
7
Nu mwabagha bita mw'ighulu,Mikaili nu baghenshi baghe balwana na bulighi .Nu bulighi nu baghenshi baghe balwanagha,
8
tondo tababagha na maghala kughimba bango,nu tababinde lingo na kishiki mw'ighulu.
9
Nu alekelwagha we bulighi bunene, bulighi bwa kalayi,bwa managhwa Musumbu nu Kahinga,ghoso ukubulughanya kisi ,alekelwagha mu kisi ghamoyi na baghenshi baghe,
10
Nu nongwagha mw'ighulu ishuki linene lyatendagha :Lino,lonyo lwika,nu bwangato,nu kwema kwa Ghongo witu nu bukulu bwa Kilishitu waghe, kubuno atebilwe mutaliki wa bisakwitu,olya wendagha wabatalikila musi nu kindi kweli Ghongo witu.
11
Nu bamukindagha kutingila mikilha sa Chana cha Mbuli nu kubushi bwa kitondo cha buteneneki bwabo,nu tabashimagha kalamo kabo mu kukwa lukwo boba.
12
Uchasula,ighulu boghabogha,nu benywe beli mw' ighulu.Musambo mu kisi nu ku kitatenge!Kubuno musumbu enda ku mweli ,ashibukile bubibu,kumana buno ite bindi bikeke.
13
Bulighi mu kulola buno alekindwe mu kisi,ayangililagha ghoso mukashi wabutagha mwana wa mulume.
14
Nu mukashi eleshibwagha byubi bibili bya indyo inene,buno alenge mu kalula mu kishiki chaghe,u kwatinjagha kindi,bindi,nu nusu sa bindi bulayi na bulighi.
15
Nu,mu kanywa kaghe ,bulighi atuchagha masi mengi kumbusa kwa mukashi,buno amugheshe .
16
Nu itete lyalamyagha mukashi,mu kumela masi ma matukagha mu kanywa ka bulighi.
17
Nu bulighi bwa shibukilagha mukashi,nu bwendagha kulwana na kibuti cha mukashi,u babo bakulanga nkakisho sa Ghongo,nu bite buteneneki ku Yesu.
18
Nu bwendagha kwikala mu miseghe sa kitatenge.