1
Mu kushila kutenda ebyo bitondo bingi mu miso ma bantu babagha bakumwongwililagha ,Yesu ingilagha mu Kapelenaumu.
2
Mukulu umoi wa basula ighana abagha na mukiti umoi washimagha bubibu, nu wabagha musambi wakulonda kukwa .
3
Gho ngwile ku musaghu wa Yesu,amusingilagha bakungu bamoyi ba Bayuda, buno bamuseghe ashwe kulamya mukiti waghe.
4
Bikagha kweli Yesu,nu ku musegha na lukakisho lubibu, mu kutenda:Bweli busogha umukitile ubo ;
5
kubuno ashima kilongo kitu,nu we u watobakinde Sinakoki situ.
6
Yesu mu kwenda ghamoyi nabo,bikagha bwighi na numba, mukulu wa basula asingagha binda baghe bamubule : Mukota,ntw'inkutyaghe ; kubuno nshatunganana wingile mu numba sani.
7
Nti k'obo u chasulagha nshende ine i'nene ku weli. Tondo tenda kitondo kimoyi,nu mukiti wani alame.
8
Kubuno,ine nite ba ntoghamila,nite nu basula beli ku bwangato bwani;nu ndi nabul 'omoi: Nda ! nu nti enda! nu'ngo: Shwa ! Nu nti ashwa;nu ku mukiti wani : Kita kicho!nu nti akikita.
9
Yesu mu kwongwa kw'ibyo bitondo, atatagha uso mukulu wa basula, nu kughalukila kikembe chabagha ki kumuyanga, ik'atenda : Nababula,nu ku Isilaeli nshamonile lukatisho lunene anga luno.
10
Mu kukuluka ku numba,bantu basingwagha n'oso mukulu wa basula basangagha mukiti wabagha musambi alama.
11
Munindu,Yesu endagha mu musumba u kumanwa Naimu ;Begheshibwa baghe nu kikembe kinene chendagha ghamoyi nawe.
12
Gh'ikagha bwighi na mwingilo wa musumba, lola, kilunda kimoi, chekilwe,ngomo sa nina, musumbakashi ; nu ghabagha bantu bengi ba musumba ghamoi nawe.
13
Mukota, mu kumumona ko, amukwilagha lukogho ,nu kumubula : Ulilaghe !
14
Ashighelelagha nu kukata ku sanduku .Ba babagha bekile so bimalagha .Atendagha : Musikila,nakubula,imaluka.
15
Nu mukuyi imalukagha,nu kutenda. Yesu amukulukishagha nina.
16
Bansai bakatwagha na boba,nu kughanula Ghongo, mu kutenda: Mulenganya munene ikile ku tweli ,nu Ghongo atabanginde bantu baghe.
17
Icho kitondo cha Yesu chasandabanile mu Yudea insayi nu mu bisi bya bwighibwighi.
18
Yoani asambalilwagha ibyo binsai na begheshibwa baghe,
19
Amanagha babili,nu kubasinga kweli Yesu,buno bamubushe : Ndi uwe u wemana kushwa ,ali tulindile ungo?
20
Mu kwika bwighi na Yesu,bamubulagha : Yoani mupatishi atusingile ku weli,tukubushe : Ndi u'uwe u wemana kushwa,ali tulindile ungo?
21
Mweso nkungu,Yesu alamyagha bantu bengi nsambo ,busokoluma,nu basumbu nu kushibula biku bingi miso.
22
Nu ing'abakula : Mwende musambalile Yoani ibyo bimwalola ko nu kwongwa : Biku byalola, babensekile batabanga ,babembi bengibwa,bashibile matuyi bongwa,bakwile batuka ku bakuyi,musaghu musogha wasambalwa ku bakene.
23
Akasanilwe ghoso u nshikaba kwaghe ikitalo .
24
Mu kukuluka kwa basingwa ba Yoani,Yesu atendagha na kikembe kubushi bwa
Yoani : Ki kimwendagha kulola ku kalula? Lubateka lukutenjwa na lumpumpu ?
25
Tondo,ki kimwendagha kulola ko? Mulume umoyi washwalile nshulhu sa bikulo bingi ? Lola babo bashwalile nshulhu nsogha,nu baghuma,beli mu numba sa bami.
26
Kashi ki kimwendagha kulola ko . Mulenganya umoi ?Naki,nkubabula, nu waghimba mulenganya .
27
U olya watililwe :Lola ,nasinga mughensi wani mu miso mobe,buno alongomanye nsila sobe gha busho nowe.
28
Nkubabula,ku bansayi babutilwe na bakashi,takweli waghimba Yoani.Tondo ,muntu mukeke mu bukota bwa Ghongo amughimba.
29
Nu bantu bansayi ba mwongwililagha nu bantu ba kisungu baghanulile Ghongo ,mu kupatishwa lupatisho lwa Yoani ;
30
Tondo Bafalisayo nu ngatu sa milembe,mu kunana kupatishwa nawe,bashimyagha milenganya sa Ghongo.
31
Nai u nilingimanyaghe na bantu ba luno lughiso ?Nu basusana na nai?
32
Basusana na bana bikalile mu mulungu,nu bakw'itendya gha basambana : twabipilinde tupyele nu tamwaminile ; Twabembinde nembo s'indilo,nu tamwalilile.
33
Kubuno Yoani ashwile, ntalile kampampa ali kunywa maku,nu mukutenda :Ite musumbu.
34
Mwana wa muntu ashwile,kulya nu kunywa,nu mu kutenda:Eli mutughu nu munywanywa ,mwinda wa bantu ba kisungu nu wa bantu babi.
35
Tondo bwenge bwaghe bwamanilwe na bana baghe bansai.
36
Mufalisayo umoyi amanagha
Yesu alye ghamoyi nawe. Yesu ingilagha mu numba sa mufalisayo,nu kulya.
37
Nu lola mukashi umoyi wa bwaghi wabagha mu musumba, mu kumana buno Yesu akulya mu numba sa mufalisayo,ashwagha na mukomba w'isala mwambo wa ngenge,
38
nu kw'ikala kumbusa,ku manshinshi ma Yesu. Abagha akulila ; Nw'agho oyagha manshinshi ma Yesu na bisoshi byaghe, kukamya mo na nshuli saghe, kuma muma,nu kumabongya mwambo wa ngenge.
39
Mufalisayo wa mumanagha,kulola ku bo,itendyagha : Ndi ghono muntu anabinde mulenganya, anamanilinde nai nu wa myanya ki, ghono mukashi wamukata ko. Anamanilinde bweli mwisa bwaghi.
40
Mu kutenda ,Yesu abulagha Simoni : Nite kitondo cha ku kubula. Simoni amwakulagha, Mukota,tenda.
41
Mutumba abagha na Bisombyagha bikulo byaghe babili : Umoi insombyagha maghana matano, n'ungo makumi matano.
42
Ubo bu bindagha bya kuligha ,abashighilagha bansai indiko lyabo.Nayi ku bo ukamushima bubibu?
43
Simoni a akulagha :Nalenganya buno olya washighililwagha bingi .Yesu amubulagha : Waakula busogha.
44
Aghalukilagha mukashi, nu kubula Simoni: Walola ku ghono mukashi? Ningilagha mu numba sobe,ntwaneleshishe masi ma koya manshinshi mani ; tondo ghono oyagha mo na bisoshi byaghe.Nu kumakamya na nshuli saghe.
45
Ntwamumagha,tondo ghono gha ningilagha ntakutile kumuma manshinshi mani.
46
U chasula,nakubula,bwaghi bwaghe bwingi bwashighililwa : Kubuno ashima bubibu .
47
Tondo olya washighililwa bikeke, akushima bukeke.
32
Kwabagha mweso ntulungu,ighimba linene lya mpunu likulya. Nu basumbu baseghagha Yesu abashighe bingile mweso mpunu. Abashighililagha.
33
Basumbu batukagha mwoso muntu,bingilagha mu mpunu,nu ighimba lyakumbagha nu kw'indekela mu kitatenge.