¹ Kushila agho,Yesu endagha mu misumba nu myelo ,kusansa nu kusambala musaghu musogha wa bukota bwa Ghongo. ² Ikumi na babili babagha ghamoi nawe nu bakashi bamoyi ku babo balamagha nsambo nu basumbu : Malia , wa ku Magadala,watukwagha mo na basumbu mutubakamo, ³ Jani,mughole wa Kusa,mulangi wa butumba bwa Helode, Susana,nu bango bengi bamukitilagha bisogha. ⁴ Kikembe kinene cha bantu chatukagha ku misumba insayi ,chakulumanilagha bwighi na Yesu, ik'ababula mashumo seno: ⁵ Mushiki umoyi endagha kushika mbuto saghe.Bwabagha akushika, mbuto emoyi sakolokelagha mu nsila ; sanantwagha na bantu nu kulibwa na tusoni. ⁶ Engo sa kolokelagha ku mutalo ; mu kwasa sakamagha ,kubuno sindagha masi. ²⁶ Bikagha ku kisi cha ba Gelasania,cheli maleshilya na Galilaya. ²⁷ Yesu mukutuka mu bwato ,kwashwagha kubusho kwaghe muntu umoyi wa musumba wite basumbu. Bindi bingi ntashwalile nshulu , nu kishiki chaghe tachabagha mu numba,tondo ku kisi kinene. ⁹ Begheshibwa baghe ba mubushagha buni bwatenda mashumo mamo. ¹⁰ Aabakulagha : Mweleshibwe kumana kindo cha bukota bwa Ghongo; tondo ku bango,bikutendwa mu mashumo, kubuno mu kulola,tabamone,nu mu kwongwa ta bategheleshe. ¹¹ Lola bwatenda mashumo mano: Mbuto, u kitondo cha Ghongo. ¹² Babo beli mu nsila,u babo bakwongwilila ; musumbu nti ashwa nu kutucha kitondo mwa mu mitima sabo, buno tabakatishe nu koona. ¹³ Beli ghantata n'ikoi,u babo bakwongwilila kitondo , bakisekela na mboghombogho; tondo tabite mishi,bakukatisha ku bindi bikeke, nu mu bindi bya kulingikwa nti basubya kumbusa. ¹⁴ Eso sakolokelagha mu mikele u babo,mu kwongwilila kitondo,nti biendela,nu nti basishigha sikundeghelele na bongwa,butumba nu nkasa sa kalamo,nu tasiku konamya bighuma bya kula. ¹⁵ Eso sakolokelagha mw'itete lisogha,u babo, mu kwongwilila kitondo mu mutima wa bulili nu musogha, bakikatilila busogha nu kukonamya bighuma mu kulindila bwingi. ¹⁶ Taku muntu u nabanja tala,nu ku sikunukila na kikai,ali kusibika munda na ntangi ; tondo nti asibika ghantata gha kasasa ,kubuno ba kwingila bamone ku chengeshi. ¹⁷ Takuli chabisilwe kitaka bisulwa, taku mbiso sik'inda kumanwa nu kubikwa bwasi. ¹⁸ Mwindange kw'ibyo bimukwongwa ; kubuno bakelesha olya wite, tondo utite,akanaghwa chabagha akulemalila. ¹⁹ Nina nu bisakwabo na Yesu bashwagha ku musona ; tondo tabamumonagha ko kubushi bwa kikembe . ²⁰ Inga bamubula : Noko nu bisakwinu beli gha mbugha,nu bakulonda ku kulola ko. ²¹ Tondo abakulagha : Mama nu bisakwitu u babo bakwongwilila kitondo cha Ghongo,nu ba kukikatilila. ²² Busi bumoyi,Yesu ingilagha mu bwato ghamoyi na begheshibwa baghe.Ababulagha :Twende mu waungo muse wa kitatenge.Nu bendagha . ²³ Gha babagha bekulugha,Yesu ayamagha .Malingi manene mikagha ku kitatenge,nu kwisasha bwato masi ,nu balondagha kukwa. ²⁴ Bamushighelelagha nu kumubucha, mu kutenda: Mweghesha, Mweghesha,twashika ! Mu kubuka,akakishagha lumpumpu nu malingi, makobagha ,nu kwabagha koleshi . ²⁵ Agho ababulagha : Kuni kweli lukatisho lwinu ? Mu kukatwa na boba nu kutangala,bimbushagha : Nayi ghono,ukukakisha lumpumpu nu malingi,nu nti bya mwongwa? ²⁶ Bikagha ku kisi cha ba Gelasania,cheli maleshilya na Galilaya. ²⁷ Yesu mukutuka mu bwato ,kwashwagha kubusho kwaghe muntu umoyi wa musumba wite basumbu. Bindi bingi ntashwalile nshulu , nu kishiki chaghe tachabagha mu numba,tondo ku kisi kinene. ²⁸ Mu kulola ku Yesu, alakagha bubibu ,nu kw'indekela ku mashinshi maghe ,nu kutanda mulenge : Ki cheli gha tusambana ,Yesu,Mwana wa Ghongo W'ighulu ? Nakulilila,ntu nubye. ²⁹ Kubuno Yesu akakishagha musumbu wikalile bindi bingi mwoso muntu,atuke ; Endagha akandwa manshinshi na miyololo nu byuma ,tondo endagha abiketula nu kubulutwa na musumbu mu tulula. ³⁰ Yesu amubushagha ishina lyobe u nai ? Amwakula : Leshioni. Kubuno basumbu bengi babagha mu we. ³¹ Nu balilinde Yesu ntabalekele mu mushinga wa minubo. ³² Kwabagha mweso ntulungu,ighimba linene lya mpunu likulya. Nu basumbu baseghagha Yesu abashighe bingile mweso mpunu. Abashighililagha. ³³ Basumbu batukagha mwoso muntu,bingilagha mu mpunu,nu ighimba lyakumbagha nu kw'indekela mu kitatenge. ³⁴ Bamingele ,gha bamonagha kubo,batinagha nu kwenda kusambala musaghu mu musumba nu ku myelo. ³⁵ Bantu bendagha kulola ku byatingile. Bashwagha kweli Yesu nu basangagha ghoso muntu watukilwe mo na basumbu, ikalile ku mashinshi maghe , ashwalile,nu ite mulenganya waghe unsayi ; Nu bakatwagha na boba. ³⁶ Babo balolagha ku byatingile basambalilagha bango bwa lamile wabagha na basumbu. ³⁷ Bantu bansai ba kisi cha Gelasania bemagha Yesu ende kulayi nabo, kubuno bakatwagha na boba bunene. Yesu abakamagha mu bwato , nu kw'ikulukila . ³⁸ Muntu watukwagha mo na basumbu amwemagha ikale ghamoyi nawe. Tondo Yesu amunaninde,nu kumubula : ³⁹ Kuluka ku numba sobe,nu ghanikisha binsayi bya kukitinde Ghongo. Endagha,nu kusambala mu musumba binsayi bya mukitinde Yesu. ⁴⁰ Mu kukuluka kwaghe ,Yesu asekelwagha na kikembe ,kubuno bansayi babagha bakumulindila. ⁴¹ Nu lola,kwashwagha mulume umoyi,ukumanwa Yailo,wabagha mukulu wa sinakoki. Indekelagha ku manshinshi maghe ,nu kumulilila ingile mu numba saghe, ⁴² kubuno abagha na mukinga umoyi ngomo wa myaka ikumi n'imbili wabagha bwighi na kukwa .Ghabagha Yesu akwenda ko ,akundegheleshibwagha na kikembe. ⁴³ Nu,kwabagha mukashi umoi ukusulula mikilha myaka ikumi n'imbili ,nu ashikishe bikulo byaghe binsayi ku basakishi, nu taku wampa wamulamishe. ⁴⁴ Atotelagha ku mughongo,nu kutubya nshulu sa Yesu.Mwako kaluma ,mikilha sa kamagha. ⁴⁵ Nu Yesu abushagha : Nayi w'intubya kw'ine ? Bu babagha bansayi bekunana,Petelo nu bansai babagha ghamoyi nawe ,bamu bulagha : Mweghesha,kikembe chakutimbile,nu kuku kundeghelesha,nuwe ukubusha : Nayi wintubya kw'ine ? ⁴⁶ Tondo Yesu akulagha : Muntu umoyi intubishe kw'ine, kubuno maghala mankokoka ko. ⁴⁷ Mukashi, kulola buno amanwa , ashwagha ekughilimila nu kw'indekela ku manshinshi maghe, nu kubula bantu bansayi ki chasulagha intubya kuwe ,nu bwalamagha mwako kaluma. ⁴⁸ Yesu amubulagha : Mukinga wani,lukatisho lobe lwakulamya ; nda na boolo. ⁴⁹ Bwabagha echeli atenda lingo ,muntu kwa mukulu wa Sinakoki abasagha nu amusambalilagha : Mukinga wobe akwa ;ntu kutye lingo mweghesha. ⁵⁰ Tondo Yesu,mu kwongwa ku bo ,abulagha mukulu wa Sinakoki : Ntukwe boba,katisha umpanga ,nu alame. ⁵¹ Ghikagha ku numba,ntimilagha muntu ingile nawe,ndi ta Petelo,Yoani,nu Yakobo ,nw'ise nu nina wa mwana. ⁵² Bansayi babagha bekulila nu bekwighanisha kubushi bwaghe. Agho Yesu atendagha : Mulilaghe ;ntakwile, tondo ayamile. ⁵³ Nu bamusekagha,mu kumana buno akwile . ⁵⁴ Tondo,amukatagha mu kuboko,nu kutenda bubibu : Mwana,imaluka. ⁵⁵ Nu kalamo kakulukagha mu we,nu mwako kaluma,imalukagha ; NuYesu akakishagha bamweleshe indya. ⁵⁶ Babuti ba mukinga bikalagha mu nganingani,nu abakakishagha tabasambalile muntu byatingile.