Kikando 22
1
Gha lembekelagha kisaghulo cha tumpampa tute ghagha, kikumanwa pasaka.
2
Bisankogha banene,nu basanshi balondagha menge ma kwita Yesu,kubuno bakwagha bantu boba.
3
Nu Kahinga ingilagha Yuda wa manwagha Ishikaliota,wabagha umoyi kwabo ikumi na babili.
4
Nu Yuda endagha kukala lwango na bisankogha banene nu bakulu ba balangi,buni bwanakita abeleshe we.
5
Babagha na mboghimboghi,nu bimilagha kumwelesha bikulo.
6
Gha shilagha ibyo ,ing'alonda nkungu nsogha sa kwesana Yesu nu bantu ta bekumana.
7
Busi bwa tumpampa tuteghagha,busi bwa kuketula mbuli,bwikagha,nu Yesu asingagha Petelo nu Yoani
8
,mu kubabula : mwende mutulongomanishe pasaka buno tulye.
9
Bamubulagha : Kuni ku ukushima tusilongomanye ?
10
Abakulagha : Lola,gha mwingile mu musumba ,mwasange muntu 'moi w'ite i'ndegha lya masi ;mwa muyangagha mu numba singile mo ,
11
nu mwabulagha nene numba : Mwegheshi akubusha,ghani gheli kishiki ghanalila Pasaka na begeshibwa bani?
12
Nu abaloshe chumba kinene cha kw'ighulu muli bishumbi,agho u gha mu longomanishaghe Pasaka .
13
Bendagha, nu basangagha binsayi anga bwa babulagha;nu balongomanyagha Pasaka.
14
Gha binde
nkungu sika, alyagha ghamoyi na begheshibwa .
15
Ababulagha :Nashimile kulya Pasaka na benywe nu nsi nuba ;
16
Kubuno nababula : Nshi kalya lingo,kwikila bukota bwa Ghongo bukuke.
17
.Nu atolagha kaata nu kukasanila, ikababula : Mutole kaata kano,nu mubeghanye ko gha musambana ;
18
kubuno nababula,nshikanywa lingo masi ma misabibu ; kwikila gha kika bukota bwa Ghongo.
19
Atolagha lingo kampampa;nu kushila kukasanila ,aketulaketulagha ko,nu kubelesha mu kubabula :Uno u mubili wani, umweleshibwa; mwakitagha bubo mumakengelo mani.
20
Kushila indya l'igholigholo atolagha kaata nu kubelesha, mwa mukubabula :Kano kaata u indaghi lighu lya mikilha sani,sa sululile kubushi bwinu.
21
Tondo lola,kuboko kw'olya ukunesana kweli ghamoyi nine ku mano mesa.
22
Mwana wa muntu iyendela anga bwatililwe ,tondo musambo ku muntu wa mwesana.
23
Nu bimbushagha,nayi gha basambana wakite ubo.
24
Kwabagha myango gha sambana ntumwa :Nayi u nabimalila ?
25
Yesu ababulagha : Bami ba bilongo babema,nu bakwangata bekumanwa baghumi.
26
Bibaghe ubo ku mweli.Tondo olya u nabimalila abaghe anga mwana muto.Nu wa kusondolela bango abe anga mukiti.
27
Kubuno nayi mukulu ghasambana,olya ukulya nu olya uli mukiti ? Ta ghoso u kulya ?Nu 'ine nili mukantighi na benywe anga mukiti.
28
Benywe,muli bakokomesha ghamoyi n'ine mu malingiko mani;
29
uchasula nababikila bukota,anga bwambikinde Tata wani,
30
buno mulye nu munywe ku mesa ma bukota bwani,nu mukotame mu bukota, ku ghagya bilongo ikumi nu bibili bya Isilaeli
31
Mukota atendagha : Simoni,Simoni Kahinga ekubalutha ababulunganye anga ngano.
32
Tondo nakuseghinde buno lukatisho lobe talushime,nu we gha wakokomeshe mu lukatisho,w'imikagha baninu.
33
Petelo abulagha Mukota,nimila kwenda nowe mu kahombo nu mu lukwo.
34
Nu Yesu amubulagha : Petelo,nakubula nkoko tasabike buno busi ndi ntutuna ngendw'isatu buno ntu kunimana.
35
Ababulagha lingo : Gha nabasingagha nu tamwite kakulo,tamwite nsagho nu bilato,mwindagha kena ? Bamwakulagha : Nu kilo.
36
Nu ababulagha : Eno mpina, olya wite kakulo eke ko ,nu olya wite nsagho eke so,olya utite mwele aghushe nshulu saghe nu kughula gho.
37
Kubuno,nababula,bwatunganana icho kitondo chatililwe ki belelele ku neli. Abikilwe mu kikembe cha bisa bwaghi.Nu byatendilwe kwine bise bwighi na kwika.
38
Bamubulagha : Mukota lola myele imbili. Nu abakulagha : Sakuk'e so.
39
Gha kukukagha,endagha kuyangana na ntugo saghe, ku mwinduko wa Miseituni .Begheshibwa baghe bamuyangagha .
40
Ghi kagha mwecho kishiki, ikababula : Museghe.Munashwa ku kindwa na malingiko.
41
Nu itukishe ku beli anga lughendo lwa kulekela ikoyi,nu akomagha mashwe ik'a segha ,
42
mukutenda: Tata,ndi washima kano kaata katinge kulayi nine . Tondo ta bunashima, tondo buwashima bube.
43
Agho mughenshi atukagha kw'ighulu ku mwelesha maghala.
44
Mu bongwa bwa lukwo, aseghile bubibu mweso nkungu,nu kilungu chaghalukagha anga mikilha si kusululila ghansi.
45
Gha shilagha ku segha,ik'imaluka nu kwenda kuli begheshibwa baghe ,abasangagha bayamile na bongwa.
46
Nu ababulagha :Ki chasula mwa yama?Mubuke nu museghe,buno munashwa kukindwa na malingiko.
47
Gha bagha echeli atenda,lola,kikembe chabasagha na ghoso ukumanwa Yuda,umoyi ku babo ikumi na babili,u wabagha gha busho nacho. Ashighelela kweli Yesu buno amumume.
48
.Nu Yesu amubulagha :Yuda ,mu kumuma umu wesana Mwana wa muntu !
49
Babagha na Yesu,mu kulola kwibyo bika, bamubulagha : Mukota,twishungule na mwele ?
50
Nu umoyi wabo aketulagha kutuyi kw'indume kwa mukiti wa sankogha munene.
51
Tondo Yesu,ik'ababula : Mushighe,mukitaghe u'bo ! Nu,gha ketulagha kutuyi kw'oso muntu ,amulamyagha.
52
Yesu abulagha basankogha banene,bakulu ba balangi ba numba sa ku kumbamila ,nu bakungu,ba babagha bekumughinika :Mwashwile kunkata na myele nu mbando anga kisungu .
53
Nabagha ghamoyi na benywe bindi bisayi mu numba sa kukumbamila,nu tamwankatagha .Tondo u nkungu sinu seno,nu bwangato bwa bulimaswa.
54
Gha bashilagha kukata Yesu,bamwekagha ,nu kumwicha mu numba sa Sankoka munene. Petelo ayangililagha bulayi.
55
Bakonjagha kaya mu nkatighi na mulungu,nu bikalagha.Petelo ikalagha ghamoyi nabo.
56
Mukiti mukashi umoyi,amumonagha ko ikalile bwighi na kaya, amwengeleshagha,nu kutenda : Ghono mulume abagha ghamoyi nawe.
57
Tondo ik'amutuna mu kutenda : Mukashi,nshikumumana.
58
Mu nkungu nkeke,mu kumulola ko,ik'amubula : Uwe weli umoyi wabo bantu. Nu Petelo atendagha : Muntu,ine nsheli nabo.
59
Kutinga elyanga nkungu ngimangima,ungo akokomeshagha nu kutenda : Bulili ghoso muntu abagha ghamoyi nawe, kubuno eli mu Galilaya.
60
Petelo amwakulagha : Muntu,nshikumana biukutenda.Mwako kaluma,bwabagha echeli atenda,nkoko sabikagha.
61
Mukota,mu kukebatuka,alolagha Petelo.Nu Petelo akengelagha chamubulagha Mukota : Nkoko tasabike lelo,nu ntutuna ngend'isatu.
62
Nu mwa mukukukuka ,alilagha bubibu.
63
Bantu bakatagha Yesu bamusekagha,nu kumupunda.
64
Bamushibagha miso na nshulu ,nu kumubusha :Losha nayi wakupunda ?
65
Nu bamutukagha bituko bingi.
66
Mukucha kwa busi, lusu lwa bakungu ba bantu,bisankoka banene nu basanshi,bakulumanagha,nu kweka Yesu mu lusu lwabo lwa matenda.
67
Bamubulagha : Ndi uwe Kilishitu,tu bule. Yesu abakulagha :Ndi na babula tamwimile ;
68
Nu,ndi nababusha, tamwankule.
69
Kulingila lelo ,Mwana wa muntu ikikala kw'indume lya Ghongo.
70
Bansayi bamubushagha : Kashi weli Mwana wa Ghongo ? Nu abakulagha : Mwabutenda,nili we.
71
Agho batendagha: Kiki kitukulonda lingo?Twiyongwila beshwe binene ku kanywa kaghe.