¹ Yesu abulagha lingo begheshibwa baghe : Mutumb' umoi abagha na mulangi wa bikulo byaghe,bamusambalilagha bwa kushimisha bikulo byaghe. ² Amumanagha,nu kumubula : Ki kinongwa ko kuwe ? Ndoshe biukukita ,kubuno ntu nalanga lingo bikulo byani. ³ Mulangi wa bikulo ik'itendya : Nakite buni ,kubuno mukota antibita ku bulangi bwa bikulo byaghe ? Kulima ?Nshakoshe.Kwema? Nakwa nsoni. ⁴ Nkumana bunakite ,inga bantu bansekela mu numba sabo gha natibitwe mu mulimo. ⁵ Nu ,mukumana umoyi umoyi ku b'isombyagha bikulo bya mukota waghe,abulagha musoki : Binga bya mukota wani biwinsombyagha ? ⁶ Amwakulagha : Mibile ighana sa makiti .Nu amubulagha: Tola kai kobe, bunda ghansi lubilo, nu tilha makumi matano. ⁷ Abulagha ungo : Nuwe binga biwite ?Amubulagha: Bigholo ighana bya ngano . Nu amabulagha :Tola kayi kobe,nu tilha makumi munane. ⁸ Mukota atatagha uso mulangi mukongobanya ku milenganya saghe. Kubuno bana ba bino bindi beli benge ku banabo kughimba babo ba chengeshi. ⁹ Nu'ine,nkubabula : Mube biinda ba butumba bubi ,bukabasekela gha mukinda bo mu numba sa kukumbamila mu milyalya. . ¹⁰ Olya uli wa bulili ku bikayi bikeke eli we mu bibyo bingi,nu olya uli; mukongobanya mu bintu bikeke eli we mu bya bingi. ¹¹ Nu ndi twabinde wa bulili mu butumba bya bukongobanya,nayi ukabelesha byatunganana ? ¹² Nu ndi ntunaba wa bulili ku by'ongo muntu,nayi ukakwelesha byobe ? ¹³ Taku mukiti una kitila bakota babili nkashi. Kubuno akasomba umoyi nu kushima olya ungo ; ali akakomya n'omoi nu kubeng' ungo . Tamunakosha kukitila Ghongo nkashi nu kukitila musanga. ¹⁴ Abo Bafalisayo babagha batughu,babagha bakwongwilila ibyo binsayi nu kumuseka. ¹⁵ Yesu ababulagha : Benywe mukushima mulolwe basogha na bantu,tondo Ghongo akumana mitima sinu ; kubuno cha chatatwa na bantu,chabigha mu miso ma Ghongo. ¹⁶ Milembe nu bulenganya byashindinde ku Yoani ; ku tukila agho bukota bwa Ghongo bwasanswa nu nawenawe ekulwanila ingile mo. ¹⁷ Bwatamba ighulu nu kisi bitinge,nu ka nsasanya kamoi ka mulili wa mulembe takakatuka. ¹⁸ Olya watibita mughole waghe nu kusonga ungo,nti atensha,n'olya wasonga mukashi watibitilwe na munachaghe, nti atensha. ¹⁹ Kwabagha mutumba umoyi,washwalagha lopo lusogha nu wa leluka,nu wabagha n'ighuma . ²⁰ Mukene umoyi wamanaghwa Lasalo,wite byulu endagha ayama gha kitiko , ²¹ nu ashimagha ikute na byendagha byakoloka ghansi na mesa ma mutumba ;nu mbwa sendagha sashwa kulamba byulu byaghe. ²² Mukene akwagha nu kwekwa,na baghenshi ku bukuba bwa Bulaimu.Mutumba nuwe akwagha,nu kukundwa . ²³ Ku kishiki cha bakwile,imaluchagha miso ; nu mu minubo ,alolagha Bulahimu ,nu Lasalo gha bukuba bwaghe. ²⁴ Atandagha mulenge : Tata Bulaimu,nkwile lukogho ,nu singa Lasalo,inde munywe waghe mu masi nu ambobye lulame ; kubuno na nuba bubibu mu lwembe lwa kaya. ²⁵ Bulaimu amusubishagha : Mwana wani,kengela butumba buwabagha nabo mu kisi ,nu Lasalo bukene ; lino omulwa ghano nu,uwe ukunuba. ²⁶ Tanga,kuli mushinga wite mpena indayi gha twasambana ,buno bakulonda kwika ku mweli,ta banakosha,nu bakulonda kwika kuno nubo ta banakosha. ²⁷ Mutumba atendagha : Nakulilila tata Bulaimu,singa Lasalo mu numba sa tata ; kubuno nite mibuto etano. ²⁸ Kubuno abakengeshe nubo banashwa kwika kuno ku kishiki cha lubabasho. ²⁹ Bulaimu amwakulagha : Bite Musa nu balenganya ; babongwilile. ³⁰ Nu ikatenda : Tobo,tata Bulaimu,kubuno ndi umoyi atuka ku bakuyi nu kwenda ku beli, nti binsungula. ³¹ Nu Bulaimu ik'amubula :Ndi tabongwilila Musa nu balenganya,tabanongwilila muntu watuka ku bakuyi.