¹ Uchasula,mu kushigha kitondo kitangi cha Kilishitu,tuyangilile cha bulili,ta kukulukila lingo meghisha ma mikolo satingile kalayi, ² sa lukatisho mu Ghongo,mu meghesha ma lupatisho,mu kubikila maboko,nu kutuka ku bakuyi, nu kulughaghyo lwa milyalya. ³ U bitukakita ibyo ndi Ghongo ashima. ⁴ Kubuno ta bunakoshibwa ku babo babagha mu chengeshi tangu,batomagha ku lukaso lw'ighulu, beleshibwagha kibhu na Muusa Musogha, ⁵ basondagha kitondo kisogha cha Ghongo nu bwangato bya bindi bikashwa, ⁶ nu bashigha nsila,baghalulwe lingo nu beleshibwe nyomolo,buno bise anga bakulucha Mwana wa Ghongo ku musalaba nu kumwitya nsoni . ⁷ Gha kuba itete lyabola na masi ma mbula ma kuloka, nu kisughu ki kwasa mulyo,kisogha ku babo balimilwa cho,lyaghaluka lukasanilo lwa Ghongo; ⁸ tondo, ndi lyabuta mikele nu bisughu bibi,nti lya nanwa nu kushulilwa,nu kushila agho nti lya ghishwa. ⁹ Tunatenda ubo,nshimwa, tukulindila ku mweli mikolo nsogha satunganana na lonio. ¹⁰ Buno Ghongo eli wa bulili, nta n'ebelela mulimo winu nu lutundo si mwaloshishe kw'ishina lyaghe,mu kukitila lingo basanana nkashi. ¹¹ tukushima n'omoyimoyi ku benywe aloshe bwa ghulubanila ibyo kwikila malelamilo ma bulili, ¹² kubuno mushighililanaghe ,muyange inso nsila sa babo,kutingila lukatisho,nu kwimala busogha,beleshibwa mwandu w'indaghi. ¹³ Gheleshibwagha Bulaimu indaghi na Ghongo,nta lumbinde kungo mukulu anga we,ndi ta kuw'inene nu kutenda: ¹⁴ Bulili nkakukasanila nu kibuti chobe nkakikita kibe kingi. ¹⁵ Nu Bulaimu mu kulindila bwingi,eleshibwagha chalaghwagha. ¹⁶ Buno bantu bakulumbila ku olya mukulu kubo,nu kulumbila u kitondo cha shililisha matenda gha basambana. ¹⁷ Uchasula Ghongo, mu kulonda kulosha ku bisa mwandu,mulenganya waghe utanaghaluka,alumbilagha, ¹⁸ kubuno, kutingila bikayi bibili bitanaghaluka mubyo,Ghongo ntanakosha kweka bwisa.Tweleshibwe maghala ma kwenda kubusho,beshwe twakatilinde malelamilo,matwalaghaghwa. ¹⁹ Mano malelamilo, twite mo anga mosa mu mutima,wa bulili nu wanaka; wakomwa nu kwingila mw'itete, ²⁰ agho u ghikominde Yesu kubushi bwitu,anga alhuta,wabikilwe bindi binsayi Sankogha munene mu lughiso lwa Melekisedeki.