¹ Uchasula,bisakwitu basanana,bite kibhu mu mubila wa kw'ighulu,mumane busogha ntumwa nu mwami munene Nsakogha wa lukatisho utukughanula, ² Yesu,wabinde wa bulili ku olya wamwimikagha,anga bwabagha Musa mu numba saghe insayi. ³ Kubuno u wemanilwe kughanswa wa bulili mu lukumbu lwaghimba lulo lwa Musa ali wobaka numba nsogha ite lukumbu lunene kughimba numba so'ngo. ⁴ Nu numba insayi sobakwa na muntu, tondo olya ukobaka binsayi u Ghongo. ⁵ Kweli Musa ,abagha wa bulili mu numba insayi sa Ghongo, anga mukiti ,buno atenenekele kicho chemanagha kusambalwa; ⁶ tondo Kilishitu eli nu we ubo anga Mwana wa numba saghe; nu numba saghe u beshwe, ndi twikokomesha kwikila kubika mulenganya wa bulili muwe,nu malelamilo bitukwitatila. ⁷ Uchasula,kuyangana na bikutenda Muusa Musogha : Buno busi,ndi mwongwa ishuki lyani. ⁸ mukitaghe mitima sinu kuba mbibu , anga busi bw'ishibo ,anga busi bwa kulingikwa mu kalula, ⁹ u kwandingikagha ba So buno bangeleke,nu bamonagha ku mikolo sani myaka makumi manayi. ¹⁰ Nwine nashibukilagha ulo lughiso,nu natendagha:bindi binsayi bite mutima washimila.Tabamanile nsila sani. ¹¹ Nalumbilagha lino mu mishibu wani: tabakika mu kishiki cha kwomulilwa ko. ¹² Mwindole busogha bisakwitu,takubaghe umoyi ku benywe wite mutima mubi nu wa kwinda kukatisha, kwikile kwindekanucha na Ghongo weli gho. ¹³ Tondo mwanane gha musambana bindi bunsayi , kwikila bunatendwa: Buno busi!Kubaghe umoyi ku benywe akitaghe mutima waghe kuba mubibu mu kuyanga nsila sa bwaghi. ¹⁴ Buno nu beshwe twasangila na Kilishitu,ndi twakokomesha bubibu kwikila kindi kishinda mu mulenganya wa bulili utwabagha nagho mu ndighililo, ¹⁵ Anga bukutendwa:buno busi,ndi mwongwa ishuki lyaghe mukitaghe mitima sinu kuba mbibu ,anga busi bwishibo. ¹⁶ Bulili,babo bakitagha ishibo,mu kushila kongwa kugho,ndi ta babo bansayi batukagha ku Misili mu kusondolelwa na Musa? ¹⁷ Nu nayi u washibukilwagha na Ghongo mweso myaka makumi manayi,ndi ta babo bakitagha bwaghi,nu bakwilagha mu kalula? ¹⁸ Nu ku banayi u kwalumbilagha buno tabakika mu kishiki chaghe cha komulilwa ko,ndi ta ku babo bananagha kongwa ishuki lyaghe? ¹⁹ Twalola nu beshwe buno tabakoshagha kwika ko,kubushi kwa kwinda kukatisha kwabo.