¹ Feshitusi ghi kagha mu musumba munene,ku bindi bisatu atukagha ku Kaisalia kwenda ku Yelusalema. ² Bisankogha banene nu bakungu ba Bayuda,batalikilagha Polo kweli.Bamukakishagha mu kumulosha mabi, ³ bamwemagha mu kulosha buno abashima,amwiche ku Yelusalema.Bamuteghagha itebo buno bamwitile mu nsila. ⁴ Feshitusi atendagha buno Polo akulangwa ku Kaisalia nu mu bindi bikeke w'inene akwenda ko. ⁵ Ababulagha,bakungu bamoyi ku benywe bende n'ine ,nu ndi mweli kitondo kibi ku ghoso muntu bamutalikile. ⁶ Feshitusi akitagha nabo bindi munani ali ikumi kushila agho endagha ku Kaisalia.Bwa chagha busi ,mukuba akotama mu kishumbi cha matenda,akakishagha bamane Polo. ⁷ Gha binde ika,Bayuda batukagha ku Yelusalema bamutimbagha,nu kumushingila bitondo bingi nu bibi bi batanakoshishe kulosha. ⁸ Polo itendelagha:Nshakitile bubi kuli mulembe wa Bayuda,ali ku numba sa kukumbamila ali ku bwami. ⁹ Feshitusi mu kushima aboghyeboghye Bayuda aakulagha Polo:"Ukushima ubakame ku Yelusalema ,nu kughayibwa ko mu miso mani? ¹⁰ Polo atendagha:Ku bwami,u nkwintendela,nu agho u gha nema kwaghibwa.Nshakitinde Bayuda bubi bwampa, ukumana uwe winene. ¹¹ Ndi nakitile kite cha bulili,ali bubi bunanicha ku lukwo,nshanana ku kwa;tondo ndi bi bantalikila byeli bya bwisa,muntu ntanesana ku beli.Nti nenda ku bwami. ¹² Agho Feshutisi mu kushila kughonsola bitondo ghamoyi na lusu lwaghe atendagha: Buwashimagha kwenda ku bwami;nda ku bwami. ¹³ Ku bindi bikeke,Mwami Agilipa nu Belenise bikagha ku Kaisalia buno bakeshe Feshutusi. ¹⁴ Anga bu bashilagha agho bindi bingi ,Feshutisi abasambalilagha bitondo bya Polo,nu kutenda:Felisi ashighagha akanda mulume umoyi , ¹⁵ nu gha nabagha ku Yelusalema,Basankogha banene nu bakungu ba Bayuda bamutalikilagha ,mu kusegha aghibwe. ¹⁶ Nabaakulagha buno ta ntungo sa Baloma muntu aghibwe nu ntika ku bataliki baghe,nu intendele ku bitondo bi bamutalikinde. ¹⁷ Bike ghano,nu takwindisha munindu,nikalagha mu kishumbi cha matenda,nu nakakishagha bashwe n'oso muntu. ¹⁸ mu kwika kwabo bataliki baghe bamushingilagha bibagha nshikulenganya ko; ¹⁹ Bendagha nawe myango sa meghesha mabo nu ku muntu umoyi Yesu wakwagha ,nu Polo atendagha buno ghoso echeli atenja. ²⁰ Mu kwinda bya kughaya,namubulagha ndi akushima kwenda ku Yelusalema,nu ende kughayibwa kwamo matenda. ²¹ Tondo Polo,mukwitendela buno matenda maghe makalwe na Mwami munene wa Kisi,nakakishagha alangwe kwikila gha nkamusinga ku Bwami. ²² Agilipa abulagha Feshutusi:Nkushima nongwilile n'ine ghoso muntu.Feshutusi amwakulagha wamwongwilile munindu. ²³ Mu nindunindu,Agilipa nu Belenise bashwagha bashwalile busogha nu kw'ingila mu kishiki cha matenda ghamoyi na bakulu ba basula nu bakulu ba musumba.Ku lukakisho lwa Feshutisi,Polo amanaghwa. ²⁴ Agho Feshutisi atendagha : Mwami Agilipa nu benywe ba nsai mweli ghamoyi n'ine,mukulola ghono muntu , Bayuda batendagha n'ine kubushi bwaghe kuko ku Yelusalema ,buno akwe,nta naba lingo mu kisi. ²⁵ Kw'ine,mu kumana buno ntakitile kena kinamwicha ku lukwo,nuw'inene mu kwitendela kuli Mwami Munene wa Kisi,nakalile itenda ende. ²⁶ Nshite cha bulili cha kutilila Mwami Munene wa Kisi ku matenda maghe; U chasula namwicha mu miso minu,nu tanga kobe uwe Mwami Agilipa buno umane bya kutila,gha kashila kutenda. ²⁷ Kubuno ta busogha nikandule muntu nu nshamana ki bamu talikindile.