¹ Agilipa abulagha Polo:Wimilwa witendele .Nu Polo mu kulambya kuboko,intendelagha : ² N'indola nakasanilwa,Mwami Agilipa,lelo nkwitendela bitondo binsayi binatalikindwe na Bayuda, ³ kubuno ukumana busogha ntungo sabo nu myango sabo.Na kusegha buno unongwilile busogha. ⁴ Kalamo kani kulingila bindi bya busikila bwani kakumanwa na bayuda bansai,kubuno katingilagha ku Yelusalema mu kilongo chani. ⁵ Bakumana kalai,ndi bashima batende,buno nakulagha mufalisayo kuyangana na kikembe chanaka k'indini litu. ⁶ Nu lelo,naghibwa buno nalelamila kubelelela kw'indaghi lyeleshagha Ghongo batata , ⁷ nu ubikulindila bilongo ikumi nu bibili bikukitila Ghongo milimo busi nu kindi.Nti kwel'indagha e,mwami u unatalikilwa ko na Bayuda. ⁸ Kiki ! Bweli bubibu ku weli buno Ghongo ntanatucha bantu ku bakuyi ? ⁹ Kwani ine,nakatishagha nshikutenda bubibu kw'ishina lya Yesu wa Nasaleti. Ubinakitagha ku Yelusalema .Nalekelagha basanana bengi mu kahombo,mu kweleshibwa bwangato na binsakogha banene,nu ,gha babitagha,nalenganyagha anga babo bango. ¹¹ Na banubyagha ngendo ningi mu ma Sinakoki,nu bakakishagha beneghe Ghongo.Mukukalama kwani kunene,naba nubyagha bubibu nu mwengo misumba sa kulayi. ¹² Nu ghoso mulenganya, u munendagha ku Damasiki, kwimilwa nu kusingwa na basankogha banene. ¹³ Mu nkatighi na musi,e,Mwami ine nu banitu ba lughendo,twalolagha mu ntungo situ ku chengeshi chatuka kw'ighulu nu cha ghimba cha musi. ¹⁴ Twawagha ghansi, nu nongwagha ishuki likutenda nine mu kiebulania:Saulo,Saulo,buni buwa nubya?Bweli bubibu kobe kw'intunga nshinge ku manshinshi. ¹⁵ Nabushagha:Uwe nayi,Mukota?Nu Mukota ambulagha :Ine u Yesu u kunubya. ¹⁶ Tondo,imaluka,nu imalila ku manshinshi mobe ; kubuno n'indosha ku weli,buno nikwimike ube mukiti nu muteneneki wa binsayi biwamona ko nu wa binsayi binkindosha ku weli. ¹⁷ Nakusombolile mu katighi bantu nu munkatighi na bilongo,kunakusinga, ¹⁸ kubuno ubashibule miso, buno batuke mu bulimaswa nu kwenda mu chengeshi nu mu bwangato bwa Kahinga ku bubo bwa Ghongo,buno basekele ,ku lukatisho lwani,kushighililwa kwa bwaghi,nu mwandu ghamoyi na benga mitima. ¹⁹ Ku bubo,Mwami Agilipa ,nshakoshishe kunana kako kalolesho k'ighulu; ²⁰ ku beli tanga ku Damasiki ,nu ba ku Yelusalema ,nu mu Yudea insayi,nu ku bilongo,negheshagha kwisungula mitima nu kughalukila Ghongo,ghamoyi na mikolo sa lingimana kwisungula mitima. ²¹ Lola,uchasula Bayuda bankatila mu numba sa kukumbamila,nu balondagha ku nitya. ²² Tondo,mu kushibwa na Ghongo,nikili lelo,mu kutenenakela bana nu bakulu,nu kwinda kushighila kena buno bikika byatendwagha na Musa nu balenganya, ²³ kumana buno Kilishitu akanuba,nu u mutangi u katuka ku bakuyi,akasansa musaghu wa chengeshi ku bantu nu ku bilongo. ²⁴ Abagha akwitendela ubo,Feshitushi atendagha n'ishuki linene:Polo,uli mushile!Mulenganya wobe munene wakubika anga utakulenganya . ²⁵ Polo atendagha: Mwami wani Feshitushi,nsheli mushile,tondo bitondo bisogha bya bulili u binkutenda. ²⁶ Mwami akumana ibyo bitondo,nu nkumusambalila byo bwasibwasi;kubuno naghanaghana buno ntakumana kena,binsayi tabyatingile mu lubisobiso. ²⁷ Mwami Agilipa,wakatisha ku Balenganya?Nkumana buno wabakatisha. ²⁸ Nu Agilipa abulagha Polo: Ukulonda mu bindi bikeke wanighaluke muklishitu! ²⁹ . Polo atendagha:Bunaba mu bino bindi ali kalayi Ghongo ashima,towe w'inene umpanga ,tondo,bano bansayi bakunongwilila buno busi,mube agha buneli,ta kumiyolo! ³⁰ Mwami,nu mukulu wa musumba, Belenise,nu bansayi babagha nabo bimalukagha, ³¹ nu,mwa mu kwenda ,batendagha ghabasambana: Ghono muntu ntakitile kena kinasula akwa ali akandwa. ³² Nu Agilipa abulagha Feshitusi: Ghoso muntu anakandulilwe,ndi ntanikishe matenda maghe kwa Mwami.