¹ Mwibyo bindi Mwami Helode ingilinde kunubya bantu bamoyi ba Kanisa, ² nu itile kutingila mwele, Yakobo iselenshi wa Yoane. ³ Mu kuba buno icho kitondo cha boghyaboghyagha Bayuda,akitile kukanda Petelo.Bwabagha mu bindi bya tumpampa tute ghagha. ⁴ Gha shilile kumukata nu kumwinda mu kahombo ,bamubikile mu maboko ma basula banayi banayi bamulange na mulenganya buno bamutitike mu kantighi ka bantu mu kushila kwa Pasaka. ⁵ Petelo alangilwe mu kahombo nu Kanisa takashighagha kumuseghela kuli Ghongo. ⁶ Mukindi kya yangagha ubo busi bwa Helode ku mutitika, Petelo,wakandwagha na miyololo imbili,ayamagha ghasambana basula babili;nu balangi balangile kahombo u babesagha ku mwingilo. ⁷ Nu lola,Mughenshi wa Mukota ashwile nu kyengeshi kyasanile munda na kahombo.Mughenshi abukishe Petelo,nu kumutubya mu mpeghe,nu mu kumubula:Bhuka kano kaluma!Miyololo sa kalikile ku maboko maghe. ⁸ Nu Mugheshi amubulile:shwala mukaba wobe nu kilato kyobe..Akitile ubo.Mughenshi amubulile lingo:wimbike mw'ikoti lyobe,nu njange. ⁹ Petelo atukile nu amuyangile,ntamanilinde ndi bikukita Mughenshi bili bya bulili,nu amanagha buno e mu ndoshi. ¹⁰ Ghabinde batinga balangi batangi,nu ba babii,bikile ku mwingilo wa byuma isala ku mwelo,.nu w'ighulile wo w'inene ku busho kwabo,nu batukile,nu bashighelinde ku mwaka munene.Mweso nkungu Mughensi ashighile Petelo. ¹¹ Petelo mu kwisanga w'inene inga tenda:namona buno Mukota mu mango menge ,asingile Mughenshi waghe nu ankandula mu maboko ma Helode nu ku bibyo binsayi byabesagha bikulindilwa na kilongo cha Bayuda. ¹² Gha shilagha kulenganya ,endile ku numba sa Maliya,nina wa Yoane wamanaghwa Maliko,kuko u kwa kulumanagha bantu mu masegho. ¹³ Ashumyagha ku lumbi lwa mwingilo,nu mukiti moyi Loda,atibitinde kwongwilila. ¹⁴ Amanilinde ishuki lya Petelo;nu ,mu mboghimboghi saghe,ntighulile neshi,endile lubilo kusambala buno Petelo u uli ku lumbi. ¹⁵ Bamubwinde:uli mushile.Tondo atendagha bwasibwasi buno bitondo bili bubo. ¹⁶ Nu batendile:Nti mughenshi waghe.Tondo Petelo endelinde kushumya.Bighulile,nu ba ghanileghanile kumumona ko. ¹⁷ Petelo,mu kubashimila na maboko buno bakobe, abaghanikishishe bubo bwa mutukishe Mukota mu kahombo,nu atendile:Mwasambalilagha Yakobo nu bisakwitu.Nu atukile,nu iendinde kingo kishiki. ¹⁸ Bwakinde busi,basula babinde mu ku tubatuba kwingi,buno bamane buni bwabinde Petelo. ¹⁹ Helode,mu ku mulonda nu ntamonekile,abushishe balangi,nu akakishishe buno batakwe ku miti.Nu akumbile ku Yudeya sa Kaisaliya,buno atingye bindi'ko. ²⁰ Helode abesagha na ngini ku bantu ba Tilo nu baSidona.Tondo bashwile kumusona na mutima umoyi;nu gha bashilagha ku komya na Balasite,mulangi wachumba chaghe cha kuyama,baseghili boolo,kubuno kisi chabo cha tuchagha bintu bingi kuli Mwami. ²¹ Busi bumoyi bwabikilwe,Helode,mu nshulu saghe sa bukota,nu mu kishumbi chabukota,eneghagha bantu bwasibwasi. ²² Bantu bakughile:Ishuki lwa ghongo ,nu ta lya muntu! ²³ Mweso nkungu,Mughenshi umoyi wa Mukota amukamile kubuno nteleshishe Kalagha lukumbu.Nu akwile,nu kulibwa na minyole. ²⁴ Nu kitondo cha Ghongo kyasandabanile nakonako,nu mughanso wa begheshibwa wa bakamile. ²⁵ Balanaba nu Saulo,mu kushila ku nsasa misaghu sibabinde naso,bakulukile ku Yelusalema,ghamoyi nabo Yoani wamanaghwa Maliko.