¹ Tondo Muusa Musoga akutenda bwasibwasi buno, ku bindi bishinda bantu bomoyi bakashigha lukatisho lwabo, bak'ikatilisha ku mitima sa kwabucha bantu ku meghisha ma basumbu, ² kutingila kwengelelwa na basanshi ba bwisa bite kama ka kuya mu milenganya sabo, ³ kunania kusonga,nu kwinania malya mabumbilwe na Ghongo,manalibwa mu kukasanila Ghongo na babo bakatisha nu babo bakumana bulili. ⁴ Kubuno, binsai byabumbilwe na Ghongo bili bisogha, nu ta kuli kinatebwa ndi chalibwa mu kukasanila Ghongo, ⁵ Kubuno, binsayi byaghalulilwe kuba bisogha kutingila kitondo cha Ghongo nu masegho. ⁶ Mu kulekanucha ibyo bitondo kweli bisakwitu,nti ukaba mukiti musogha wa Yesu Kilishitu,wisalilana na bitondo bya lukatisho nu meghisha masogha ma wakatilila. ⁷ Watagha bulayi ngano sa batakumana Ghongo nu sa tughutughu. ⁸ Yanga nsila sa kusanana;tondo kusaghalusha mubili kweli busogha kakeke,tondo kusanana kuli kusogha ku binsai ,mu kuba n' indaghi lya kalamo keli lelo nu kako ka kashwa. ⁹ Agho u gheli kitondo cha bulili nu chemana kukatililwa na bansayi ¹⁰ Bulili, tukakita mulimo nu tukulwana, kubushi twite malelamilo mu Ghongo weli gho,we ukonya bantu bansayi,tanga ba bakatisha. ¹¹ Tenda ibyo bitondo bwasibwasi nu eghesha byo. ¹² Muntu abengaghe busikila bobe , tondo ba kalolesho ku babo ba bulili, mu kutenda ,mu myanya,mu lutundo, nu lukatisho,mu kusanana. ¹³ Kwikila gha nkashwa,ikala mu kusoma bitabo, mu kwana ,mu meghesha. ¹⁴ Ntu kate tughutughu lukaso luli munda nowe,luweleshibwe kutingila bulengania ghamoyi na kubikilwa maboko na bakungu. ¹⁵ Ntushighilile ibyo bitondo , wakatilila byo busogha,inga biukukita busogha bindi binsayi bibe kweli bantu bansayi. ¹⁶ Indole ko w'inene na meghesha mobe.Kokomesha mu bibyo bitondo;kubushi mu kukita ubo ukindamya w'inene nu kulamya babo bakukwongwilila.