¹ Kino kitondo cheli cha bulili; ndi muntu alonda kuba "Pashitele" nti alonda mulimo musogha. ² Bwemana Pashitele abe muntu utanakutekulwa, wasonga mukashi umoi,ta mutughu,ta wa nkasa sa bya bwingi,wite myanya nsogha, muntu ukusekela bantu, ukumana kweghesha . ³ Ntabaghe munywighi wa maku,ta mutumbitumbi, tondo wite lukogho lwa bantu,washima boolo nu utashima bikulo bubibu. ⁴ Imalile busogha numba saghe , nu abike bana baghe mu kwikumbya nu kulingimana; ⁵ Kubuno olya utakosha kwimalila numba saghe , buni bwanakosha kwimalila Kanisa ka Ghongo? ⁶ Abaghe utindisha mu kukatisha,buno anaba na bulumelume,nu anashwa kubulutwa na musumbu. ⁷ Atenenekilwe busogha na bantu ba kumbugha, anashwa kwitya nsoni nu kukatwa mu kateo ka Kahinga. ⁸ Badiakono nubo babe bantu ba balingimana, taba kughalukaghaluka, ta balefi ba maku, ta bakukata bikulo bya nsila mbi. ⁹ Bakubika busogha kindo cha lukatisho mu mulengania musogha. ¹⁰ Balingikwe tanga, inga bashinda kukita mulimo wabo ndi tabaghanulwa bubi. ¹¹ Bakashi nubo, bemana kulingimana,ta bakutenda bitondo bibi,betite nkasa sa bingi,nu ba bulili ku binsai . ¹² Badiakono bemana kusonga mukashi moi tughu,nu kwimalila bana babo nu mashumba mabo busogha. ¹³ Kubuno, babo bakukita mulimo wabo busogha, bakwiyelesha lukumbu lunene, nu malelamilo manene mu lukatisho mu Yesu-Kilishitu. ¹⁴ Nakutilila bino bitondo ,ghamoyi na malelamilo ma kwika ku weli mu bino bindi, ¹⁵ Tondo,buno umane ,ndi nindisha,myanya ki si unaba naso mu numba sa Ghongo,seli Kanisa ka Ghongo weli gho,iyango nu kisusu cha bulili. ¹⁶ Nu ta bwisa, kindo cha kusanana cheli kinene;olya wamonekagha ko mu mubili, abulilwe na Muusa Musogha buno eli wa bulili,walolilwe ko na Baghenshi, wasansilwe kweli bakatisha ba bilongo,wakatishibwe mu kisi,endile mu lukumbu.