¹ Kibalo kya bwana habo ù kibalo Kilisitu utubikile mu bwana-habo, ù nansho mwimane bulule si wanda na muketweshi mu lugobo lwa bugya. ² Mulole, nene Polo milombwele kwana, nte mwatwela bale Kilisitu aso kumielela kantu. ³ Nakusitekekya kwana mukwana ge gense wakùtwela bale mu yenene kulama bisila byonse. ⁴ mwa bèkwa a nkondo no Kilisitu, benywe bakampwe kùkalwa nsambù munda gya kùlama bisila, mwibagwele no kuima mu kya buntu. ⁵ Kibalo mungya Musipilitu ,betwe twa kùlwegelela lilya sitè mungya lwètabesho. ⁶ mwanda munda gya Kilisitu kutwela bale a kintù ko, bu bwene bùsùla, onka lwetabesho lwe kwela mugelo mu bukampwe. ⁷ mubele mwagya lùbelo bisoga mpe, ù ge ùmisèbèle a mukakolilya sitè? ⁸ kuko kùsongakanibwa a kuhime kwè gùlya umîtile benywemhm mhm. ⁹ CHACHU gisho gi kubaha lùsamba lugima. ¹⁰ munda gya Kolo ninolukujagelo kwa mule, kibalo amwikaba no bulule bunge; mone gùlya umwyonine mitèma, waketenteka tusume, kwege wê pô. ¹¹ na bi nene benywe balùnda, ne kusaula mwanda gwa kùkalwa yando, n'nakususukela kibalo kya ke na bi leno? no ahon kikukasi kya musabala kwa hima. ¹² n'nankampwa bantù bi bano bamisùsùla benywe baswele kwè kala malango gabo ¹³ Ù n'nansho benywe bale kwane, mwitilwe kùba no bwana-habo, mone bubo bu bwana habo nabubi kibalo kya kùlonda mubele, oso kwela kwa bukampwe. ¹⁴ Kibalo bisila byonse bibingwe mu kuta limo: nolyo ù lino: kampwa mwikani nobe bî gwe mwine. ¹⁵ Mone nte mwa mwakwisumena no kulyana mulole bisoga na tobeshani. ¹⁶ Ahon na nimilombola, mutambe mumusipilitu, nansho amunyonghoni kutamba mungya mubele. ¹⁷ kibalo mubele gwa kukeba kwekokena no musipilitu. no musipilitu gwa kwekokena no mubele, kibalo bino bya kwisumena kiki no kilya ahon amunyonghõni kwèla kilya kya mutokele. ¹⁸ No ntè mwa kugisibwa no musipilitu a mwi kùnse gya mukanda gwa bisila. ¹⁹ No byo bilongwa bya mubèlè bi amunke nobyo ù bino: makosi, busompe, buseki, ²⁰ kùtota mikisi, bùtè, bu mangi-myanda, lùgosi, mukago, nsùngù, tùmbikilisi,lwejogolo, twa kusùla-sùla, ²¹ twa kwekalakala bungyagani, bukolwa, kùlesèkanya, no binge bîgùlane no bino, nantangèsha kwimilombola byonka bya milombwele kala, balya bantu bakulonga bintù bi bino abekabèkala bukolo bwa Kabesha Mpungu. ²² Mone bihelo bya Musipilitu ù bino: bùkāmpwe, ndoge, talala, kwètùkesha mutèma, lùsa, bùntù, kwetabelesha. ²³ Kwetùkèsha, kisîko, akùlè bisila kù bino byonse. ²⁴ no balya bantù bonse bena Kilisitu bawele kùgyaga mibele gyabo amo no maninga gabèale no lwèso. ²⁵ Ntè twa kwèkana mu Musipilitu, tùgelelele monka mu Musipilitu. ²⁶ natukakebi bùtùmbe bwa silesile mwikwebùlena no kwèhajena bano no balya