¹ Benywe bakelenge, ko kùba mùntù mugwele mu bùbè, byenywe balunda nege mu musipilitu mu mwibweleshe kùhya gujo mùntù mu mutema gwa kwêtùkya no kwèlola munda mobe kibalo no katompwa no gwe ³ Mone ntè muntù wa kwemona kùba kintù noge kintù, wakwebemba ge mwine. ⁴ ano muntù ge gense etompe mugelo gwege ge mwine ù ahon we bùba no kintù kya kwejanja. ⁵ Kibalo kila muntù wekesigèka lùtùndù lwege ge mwine ⁶ Mone ge gùlya mulangwe mu myanda gyonse amusehele mulangi wege mu tùntù tonse tùsoga. ⁷ namukabembwa, Kabesha Mpùngù e kūnikwa, kyo kyonse kikakuna muntù wekembùla kyo. ⁸ Kibalo ge gùlya wakukuna ku mubèlè wèkembùla bibole, mone ge wakukuna ku musipilitu wekembùla bùkome bwa milembambagala ⁹ Na mukakimi mukwèla bintù bisoga, kibalo twakembùla mu byaba biyenene ntè atwèbapondoke, ¹⁰ mone nte twambùla kyaba, twèle bintù bisoga ku bantu bonse, oso balya basanganwe mu nsese gya lwetabesho. ¹¹ Mulole bya n'nasitika no musiko gùkata ku kùboko kwane nene mwine. ¹² Bonse bakampwe kwèswagasha ku mibele kukeba kumiekenenya mwanda gwa kutwela balè nansho nabakasusulwi ibalo kya Musababa gwa Kilisitu. ¹³ nobo batwele bale abakyakùlama bisila, mone bo bakukeba mutwesibwe yando kibalo besasule kù mibele gyetù. ¹⁴ Mone nene no ene asho siisasuli kibalo kya kintù gonka Musalaba gwa Yesu Kilisitu, kibalo kyege kanje konse kasùndwa kwandè no nene kù kanje. ¹⁵ Kibalo kutwela yando a kabalo bù kwène kùba basùla a kantù ko kiyenene kùba lùbyalo lùhya. ¹⁶ No bonse bakulama bino bisila, talala no lùsa libe kwa bale, no byo ku Isalela lya Kabesha Mpùngù. ¹⁷ Kubamba léno, muntù ne ka nsusuli, kibalo ni mwitwashe biene bya kilisitu mubele gwane. ¹⁸ Benywe balekwa kwane, kyabùntù kya Kolo Yesu Kilisitu, kibe kwa mulè no mitema gyenyu amina.