¹ mone nene n'nanisamba bî mpyana, mu kyaba kyonse mwana wekùba mpyana, mone ahon amulekenkane no mugya kibabo mubikale bintu byonse. ² hola! wekunse gyabo balya bene mo, hoholo nfulo gya kyaba kitùngèlwe no ba tata. ³ na bi betwe mwanda tukibelele bânike tubele bakwekwe mu bisela bya ano a kanje. ⁴ mone byaba mwa bigwanine, Kabesha Mpùngù utumine mwanege, mubyalwe no mwanamukasi, kunse gya kisila, ⁵ kibalo abaandye balya babele kunse gya kisili, kibalo tutambule bwana habo. ⁶ Kibalo benywe mwi bana, no Kabesha Mpungu utumini Musipilitu gwa mwanege mwa mitema gyetu gwa kulela, Aba, Tata, ⁷ Ano gwe wè mwana awe mugya byonka, no ntè wè mwana ahon wè mpyana mbelelele gya Kabesha Mpungu kwe Kilisitu. ⁸ Mone kyaba kya musibasingùlùle Kabesha Mpùngù, mwikaba mwakwèlèla gilya ngùlù gya ASILI. ⁹ Mone ano ntè mwawa kumusingùlùla Kabesha Mpungu, kibalo kya ke mwakwalabuka mu myanda gya buhendalale no gya busigena gya mule bakampwe kugielela? ¹⁰ Mwakukwatelesha masigi, miesi, byaba no miaka. ¹¹ Ana kumitena benywe baba, n'nankabi bi nene wa kwesusula sile. ¹² N'nankùlomba kwa mule benywe bakelenge, mube bi nene, kibalo no nene bi benywe, ¹³ Mone ano mwibamanye kwana ntangile mwanda gùlùmbùlùke mu kùgongala kwa mubèle. ¹⁴ No kitompanwa kya mbele nakyo kù mùbele gwane amwiba mbeje bù kwène kùntonda. ¹⁵ Ahon ndoge gyenyu gi kwè?n'nankumisitekekya kwana kiswele kunyhõngokela kumpiminya meso genyu no kumpa go nene. ¹⁶ Ahon ande mulwi nenyu mwanda n'namilombola binengenwa bya sitè? ¹⁷ Babo baâ mikampwe, mone bùbo bukampwe a bwa bùntù, ola babo batokele bamikweke mulùgobo anje, kibalo bo balondwe. ¹⁸ Kibalo kine kisoga kù ba kintù kilùlame masigi gonse, nokyo akisoga ne mbe abùkata nenyu mhm mhm. ¹⁹ Benywe bana bane ni nenyu byonka kiisi onka mwikashela Kilisitu no komoneka munda mwenyu mbelelele. ²⁰ Ano nakukampwa mbe nenyu amoholo kibalo ngalabule jwe lyane kwa mule, kibalo nakusinsita a kibalo kyenyu. ²¹ Munombole benywe bakukampwa kwebeka kunse gya bisila, amwa kutegelela bisila? ²² Kibalo kisikelwe kwana: Bulahama ubele no bâna babele, gùmo ubyalilwa kwe mugya nô gûnge kù mwana habo, ²³ Mone gulya wa mugya ubyalilwe ki mubèle, mone gùlya mwana habo ge ù wa kilageno. ²⁴ Mone bino ù binfwa;mwanda bano bana bakasi kiigusi kya bilagen bibele, gùmo kuhima ku lùgùlù lwa Sinai lùbyalile mu bùgya ù ge Hagali, ²⁵ Kibalo Hagali ù lo lùgùlù lwa Sinaï lwe mpenga gya bu Alabù lulo lwegulane no Yesulema lya ano ano, noge mugya amo no bana bege. ²⁶ Mone Yelusalema lya mwigùlù we no bwana habo, ge ù nyetù betwe bonse. ²⁷ Kibalo bisînte kwana: sekelela gwe mugùmba, bùlùla jwè, lèla, nokabi no misa ya lùbyalo kibalo bana bege babusigena bëngè kùlemba gùlya wê no mulùme. ²⁸ Mone betwe benywe bakelenge, mwi bana ba kilageno bî Isaka. ²⁹ Mone nte gulya ubyalilwe ki mubele ususwele gulya ubyalilwe mu musipilitu na bi ano. ³⁰ Kisintwa kya gana ntè? kùmba mugya mwanege, kibalo mwana wa mugya ekayana amo no mwana habo. ³¹ Ù ahon benywe bakelenge betwe a twèbana ba mugya mhm mhm betwe twe bagùlya mwine-habo.