¹ Hola benywe bena Galatia basi no nghēni, ù geni umilogile, benywe balya Yesu Kilisitu wemwenye e saka kuba ususukile? ² n'nakukampwa manye kintù kim kwa mule, benywe mutambwele musipiltu ku bilongwa bya bisila, bù ntè kuntegelesi gihime mu lwètabesho? ³ Hola musamube beendalale mu mu swelo guno? Nghimba gya gya kubamba mu musiliyu, mwakeba kweyenenya mu mubele? ⁴ mwa twela mu masusu gakata bi gano silesile? nte gâ sile sile, ⁵ Mone gulya wakwimiha musiplitu no kwèla businto abukata bwenyu, hola akulonga bibyo kuilongwa bya bisila, bù ku ntegelesi kwakuhimina mulwetabesho? ⁶ Byonka n'nansilya bîtabèshe Bùlahama no kubalwa nsambù, ⁷ Ahon mumanye kwana balya be mulwètabesho babo ù be mu muso gwa Bùlahama. ⁸ no kisikèlo kimwene kala kwana Kabesha Mpùngù ukalile nsabù bashataila ku lwabo, lwètabèsho lusawèlwe kala no Bulahama, mwanda gùlùmbùlùke go nago: a kibalo kyobe bashantaila bonse bakeselwa malyese. ¹⁰ Kibalo balya bonse be bilongwa bya isila be kunse gya mafingo, kibalo kyândekwe kwana: mutebwe mulago muntu ge gense usha gelelesha bilya byandekwe mu mukanda gwa bisila alonge. ¹¹ Kibùlùlù kwana akule muntu wèkabalwa nsambù kibalo kya bisila ku meso ga Kabesha Mpungu; kibalo mulumbuluke wekekana kwa lwetabesho. ¹² No Tolati a lwètabesho, mone muntù wakwèla bino binenghēnwa, wèkekana mu bino byonka binenghēnwa. ¹³ Kilisitu wetuhandishe mu mafingo ga bisila, ntè ùtelwe mulago a kibalo kyetù, monka mwandekelwe: watebwa mlago gùlya gense mukolekwe ku mutè; ¹⁴ kibalo lyese lya Bùlahama l'îkèlèle kubashantaila monka mwi Yesu Kilisitu, kibalo tutambule kilageno kya musipilitu mu lwetabesho. ¹⁵ Benywe bakelenge, nakwesamba mu bù muntù. bù kilageno kya bantù, kyo kùmoneka , akiso kônwa bù kwene kwalabùla mwana. ¹⁶ mone kibalo kya Bùlahama bilageno byonse byaninwé, no kùlùbyalo lwege lonse. e kweamba kibalo kya mbyalo mhm wakwesamba lobe lubyalo ù ge Kilisitu. ¹⁷ N'nakwesamba bino binenghēnwa, kilageno kikùlùkùlù kinyemisibwe no Kabesha Mpùngù mwine , kisila, kisangenwe miaka mia gina no makumi gasatu abiso kwalabùlwa mu jela gya kusima kikyo klageno. ¹⁸ Nte buyana bwe kuba kibalo kya bisila, a byonka kibalo kya kilageno, mone Bulahama ù elwe kilageno no Kabesha Mpùngù. ¹⁹ Kisila kîntù ké? kibikilwe kibalo kya bùbè monka mwikashela lùlo lùbyalo lùhelwe kikyo kilageno; kikyo kisila kîtakisibwe no mikendi-gùlù kwètela kiitabi. ²⁰ ntè kwè musungi a musungi wa gùmo, mone Kabesha Mpùngù gùmoholo. ²¹ Ahon kisila akiwâni no kilageno kya Kabesha Mpùngù? a n'nansho kô. ntè kisila kisilisibwe kibalo kya kusisha bùkome, ahon sitè liswele kùba kibalo kya kisila. ²² ahon bisintwa bikwikile byonse kunse ya bube, kibalo balya bêtabeshe bahebwe kilageno mu lwetabesho lwa Yesu Kilisitu ²³ Mone ahon agèbwa lwa kùsha kwa lwètabèsho, tuyekelelwe kunse gya kisila, twebakwekwe mu lwetabesho lwekaùtùlwa nghîmba gya ahon. ²⁴ Ahon Tolati libele mulangi wa kwitwila kwe Kilisitu, tùkalèlwe nsambù mu lwetabesho. ²⁵ Mone ahon lwètabesho lwawa kuhika, a twè kùnse lya mulangi. ²⁶ kibalo benywe bonse mwi bana ba Kabesha Mpungu, mu lwetabesho, mwi Yesu Kilisitu. ²⁷ KIbalo benywe bonse ba mubatisibwe no kùtwesibwa munda gya Kilisitu, mwi bashale Kilisitu, ²⁸ Akùle muyuda bù muyunani, akule mugya bu mwana abo, ukùlee mwana mulùlùme bu mwana mukasi, kibalo benywe bonse mwi bùmo munda mwa Yesu Kilisitu. ²⁹ Ntè benywe mwi bena Kilisiu, ahon amwi lubyalo lwa Bulahama no mpyana gya klageno.