¹ Nghîmba gya myaka kumi no gina ahon nsemukile no kùbanda Yelusalema amo no Belenaba byonka mutwalile no Tito amo nâne. ² No nene ngele kibalo mpùtwèlwe, mambile kwè bejùkenya bùsauli bùlya bwa n'na kusawela bashantaila, ahon nakwèla mu bubisa kibalo kya babo be no ntumbo, mwanda nnakabi bi wakulaka lùbelo bu gùlya ùbele walaka lùbelo mu silesile. ³ Mone Tito ùbele nâne noge bù byokùba ùbele Muyunani, amwininkwe kutwesibwa yando. ⁴ Mone kibalo kya bakelenge ba mbeya bumpi batwelisibwe mu bubisa, babo batwelile mu bubisa kibalo basingùlùle bwana habo bwatùbele nabo mungya Kilisitu Yesu, mwanda batùtweshe mu bùgya. ⁵ ahon betwe bù kyaba kimo atwèbèkile kùnsè gyabo, kine site kwana bùsauli bùlùmbùlùke bwekane munda gyenyu. ⁶ Mone balya be no bùtùmbè bwa kwana beno bitenta (mwababelele nabyo byonse kwandè abimpùgùlwèle, Kabesha Mpùngù ekùtambùla lùkebo lwa muntù), n'nanisamba byoka babo bantùmbo aba ntenteke kantù kwandè, Mone kyaba kabasingùwele kwana mpelwe kusahùla myanda gilùmbùlùke ku basùla monka muelelwe Petelo kuba Yuda, ⁸ ( kibalo ge gùlya ùnyõnghwene Petelo kuba mukendi gwa bâle ù gegenka unyõnghwene kuntakèsha kùgya kù bashantaila) ⁹ Byonka mwabawèlèle kusingùlùla kya buntù kya mpelwe ; Yakobo no Kefa amo no Yohano babo bê no ntùmbo nobo ù bihanda, ba njugumwine nene no Belenaba kùboko kùlùme mu kiwano, kwana bentwe tùbagale kùsaùla ku bashantaila nobo bagyate ku bâlè. ¹⁰ Onka ahon betù konkomekile kisima kimo: twèjùkane balanda no kikyo ntangeshe n'nandè mwile kyo kwa mukanka. ¹¹ Mone Kefa lwesîle Antiokia, nibùlene nege mpala kwa mpala, mwanda waba muyenene tusume. ¹² kibalo ahon atangi bantù ala-ala lwababele mukusha kuhima kwe Yakobo ge ubele walya no bantù bashantaila, mone kyaba kyabasile babo bâle ge wetolile kibalo kya kùtèna babo bale. ¹³ No babo bange baYuda begalabwele kuba kùluba lwege, ù no mwine Balanaba ùtwalèlèlwe a kikyo kisima kya KWIBISA bwabo, ¹⁴ mone nene lwa mwene lwendo lwabo a lwa kugya bùlùle mu lilya site lya mwanda gilùmbùlùke, ulombwele Kefa kitango kya bantu bonse kwana; nte gwe mu Yuda wakulonda ngikeno gya bashantaila, nogyo a gya bayuda, kibalo kya ke wakutakesha bashantaila balonde ngikeno gya bayuda? ¹⁵ Betwe bayuda ba kubyalwa, atwe babe munda gya bashantaila, monka mwa mule bamanyine kwana muntù ekùkalelwa nsambù kibalo kya bilongwa bya kulama bisila, ahon kibalo kya lwètabesho lwa tùle alo mwi Yesu Kilisitu, betwe betabèshe mwi Yesu Kilisitu tùkalèlwe nsambu kibalo kya lwètabesho mwi Kilisitu, a kwana kibalo kya bilongwa bya kulama bisila, mone kwale kwana kibalo kya bilongwa bya kùlama bisila akulè muntù wekakalelwa nsambu ¹⁷ Mone betwe bene nte twakeba tùkalelwe nsambù munda mwa Kilisitu, tumonekile kùba ba ngila bùbe, aho kwana Kilisitu elè mwingili wa ba ngila bùbe? mhm. ¹⁸ KIbalo ntè n'nampipa byonka bilya bya mp'ongwele ahon n'namoneka kùba no nene noge ni mwine mulùbinkane. ¹⁹ Mone nene nte kibalo kya bisila , kyèlèle byo kibalo mpisi mwi Kabesha Mpùngù ²⁰ Nene nsùswèlwe amo holo no Kilisitù, mone ni pô, ahon a nene byonka ù ge Kilisitu wê pô munda mwane, no bubo bùkome bwande nâbo ano mu mubele, ni nabo mu lùkùjagelo munda lya Mwana Kabesha Mpungu Kilisitu, kibalo ù kampilwe no kwèhana ango lyege kibalo kyane. ²¹ Nshalabuli kya bùntù kya Kabesha Mpùngù ntè site lya moneka kibalo kya bisila ahon luki lwa Kilisitu lubele lwa sile.