¹ Mone ne muwele kusangulwa amo noi Kilisitu, mukebe bi mwigùlù kwekane Kilisitu,mwikane kùboko kùlùme kwa Kabesha Mpùngù. ² muninge bya mwigùlù a bino bi ano akanje. ³ kibalo mu kîle no bukome bwenyu bubisikwe amo no Kilisitu mumo munda gya Kabesha Mpùngù. ⁴ Mukùùtùka kwa Kilisitu bùkome bwetù, ù kyaba kya mwakaùtwèlwa amo nêge mu bùbo bùtùmbè. ⁵ Ahon mugyage mitèlè gyenyu gi munda gya kanje, Makosi, busompe,lwiso lùbè, maninga gabè, no lwiso ù kùtota mikisi, ⁶ A kibalo kya bibyo ù kwekushela bukalabale bwa Kabesha Mpùngù. ⁷ Mu bibyo no benye byo mutambile kala mu byaba bya mwikene mo. ⁸ mone kwa n'nansino mwi bite kùla nenyu, nsùngù, bùkalabale, no bùbè, no bitukino malùmbù mu tùnya twenyu. ⁹ na mukabealani bumpi, kibalo mushulile belele bumuntù bwa kala, amo no bilongwa byege; ¹⁰ no kushala bu muntù buhya, bwa kulongwa bùhya bù mwigùle gùlya wèbùhangile. ¹¹ ahon akuki Muyuda bù mushantaila, mwalè bù musùla, mugeni bù musensi, mugya bù mwana-habo kibalo Kilisitu ù byonse mu byonse. ¹² Nfulo gya ahon, kibalo mwibatongwe ba Kabesha Mpùngù, balùmbùlùke ba kampibwe, mushale mutèma gwa lùsa, mutèma gwa kyano, kikokesi, bútalale, kîsiko, ¹³ mukwesigekena, no kwelekena myanda, ntè kwe muntù wa kumuhùmbùlùla mwinege, amukyèla lùsa monka mwa tùkyelelwe lo lùsa no Kolo. ¹⁴ No kùtenteka e gùlù mwishèke bùkampwe ù lugobo lwa kùkùla. ¹⁵ no talala gya Kilisitu gi kalenkanye mu mitema gyenyu; ù kya mwitilwe kùba mubèlè gùmoholo, byonka mube bantù bakufwisha. ¹⁶ Mwanda gwa Kilisitu gwikane munda gyenyu mu nghēni gyonse, mukulanga no kwèlùlekena mu nghīmbo gya mitoto no nghīmbo, mu mulogo gwa mutèma no mukùmwimbèla Kabesha Mpùngù mu kya buntu munda gya mitèma gyetù. ¹⁷ No kyonse kya mwakwèla, kukinenghēnwa, bù ku mugèlo, mulonge bonse wi sina lya Kolo Yesu, mukumufwisha Kabesha Mpungu Tata kwe ge ¹⁸ Benywe banabakasi, mukokele balùme benyu monka muyenenwe mwi Kolo. ¹⁹ benywe banabalùme, mukampwe bakasi benyu namukai nabo lùhùma. ²⁰ Benywe bana mukokele ba byali benyu mu myanda gyonse, mwanda kino kilùmbùlùke munda gya Kolo. ²¹ Benywe ba tata, namukalunguli bana benyu, mwanda na bakaimya lùkùjagèlo. ²² Benywe bagya, mukokele babo bakumonwa ku mubèlè kwana ù ba mashetù bùgya ku myanda gyonse, a bùgya bwa meso ya mhm mhm, monka mwa kwèkampèsha bange bantù, ola ku mutèma wa kikokesi, gwa kumusibata Kolo. ²³ kyo kyonse kyasa mwile, mwile kyo ku mutèma bî kwe Kolo, amwa kwèlèla kibalo kya bantù, ²⁴ No mumanye kwana mwakatambùla kwe Kolo musinga gwa bùyana, kibalo mwa kumwelela Kolo Kilisitu. ²⁵ Kibalo gùlya wa kwèla musi musitè wèkatambùla tusume kulondana no kùbùlwa sitè munda mwege no akulè kukampèlelwa