¹ Kibalo n'nankùkeba benywe mumanye bya gùle mukanka gwane kwa mulè, no kwe balya bena Laodikia, no balya basha limone lùkebo lwane mu ki mubele; Kibalo bahempùlwe mu mitema gyabo, mukweshenia mubùkampwe nobo bahebwe bùheta bonse bwa kumanya kine site kibiso a Kabesha Mpungu, u ge Kilisitu; ³ Kibalo munda gyege bùheta bonse bwa nghenyi no lute lubisame. ⁴ Nanisamba guno mwanda, kwana namukabebwa no muntù ku myanda gya malenganya. ⁵ Kibalo ntè si nënyu kùmubèle, ola ni nenyu ku mutèma, mukulogelelwa no kumona bwèno bweno bwa mule nabo no bukome bwa lwetabesho lenyu mwi Kilisitu. ⁶ Kwana munka mwa mumutambwele Kilisitu Yesu, Kolo, muelelele byonka nanso munda gyege; ⁷ Bē no kisina no bahimpwe kwele; mwibemikwe bùlùlè si mwi lwètabèsho, monka mwa mulagelelwe kala mu kano kanje, mukugelesha kuhimya malenge. ⁸ Mukosoke namukakwatwi ki makasa mu lwege lweni lwa muntù sile-sile lùjùle kibehasi kine kikole, mungya bùyana bwa bantù, ulondana no bifundwa bya kalakala bya ano a kanje nobyo a bya mugela gwa Kilisitu. ⁹ Kibalo munda gyege mwikane mugwano gonse gwa Kabesha Mpùngù, mungya mubelè ¹⁰ No benywe byo mwibagwanine kwelè ge kùba twê lya kihango no lùhùsa. ¹¹ Mwelè ge mwi bâlè ba yando basibakalwe kù maboko, mukùshùla mubele gwa nyama, mu yando gya Kilsitu. ¹² Mushikilwe amo noge mu lubatisho, no ku luùlo musangukile amo noge, mukubeska lukùjagelo mu bùkome bwa Kabesha Mpùngù umusangwele mu bagya kalùngù. ¹³ No benywe mwa mubelele baki a kibalo kya bùbe bwenyu no kusi kùtwela yando ku mubele gyenyu umihele bùkome amo noge mwe welele kùtùkyela lùsa kù bùbè bonse. ¹⁴ mwe wèlèle kusima kisinto kyandèkèlwe kikyo kya kutusaùla mu bwege bùkalabale, mwa bibele mukutùlwesha, no kwiimya na gikabi byonka ko, no kusumika byo ku musalaba; ¹⁵ byewele kushùla bu mwanga no lùhùsa no kùbeka byo kùba ùtù kwa bukankamane, noge bimuswagele ku gùgo musalaba. ¹⁶ Ahon muntù ne kamikakil kibalo kya bilèbwa no binywibwa bù masigi ga mulogo, no kù kibalùka kya kwesi, no line sabato; ¹⁷ gigyo myanda kînfwa kya myanda gikasha, mone mubele gwege Kilisitu. ¹⁸ Muntù ne kamiswinyi kitenta kyenyu kibalo kya kutalalekya kwenyu kumugela gwege no kutota mikendi-gùlù, no kwekamu bimonwa byege no mitatù ya sile, mu nghēni gyege gya mubele; ¹⁹ bu kwene kukwatesa twe, kibalo kwe ge mubele gonse gùgwane no kùkwatèlèshibwa, no nkwato gya migosi mu kùkùla ku binengenwa bya kuima kwè Kabesha Mpùngù. ²⁰ no nte muwele kukya amo no Kilisitu no kusiga bilya bifwundwa bya kalakala bya ano akanje, kibalo kya ke mwakwelekelela mu kwebeka kunse gya bisila bi ngikani gya ano akanje. ²¹ Na mukakwati, namukatobi, na mukakumi; ²² ( myanda gyonse giyo gya koneka mu biilanwa ); monka mukugelesha mu bilago no bifundwa bya bantù? ²³ gigyo myanda gya kumonwa bi myana ya nghēni kumugela gwa ntotelo gya musùgwele benywe bene, no mu kikokesi no kwene kutobesha mibele kwa buusi, bibonse abyakwela kantù bù kamo kwa kusibela lwiso munda gya mubele.