¹ Benywe ba tata bùbya, mwibahe bagya benyu bilya bya site lyabo no bilya bibayenene, no kumanya kwana no benywe mwino Kolo mwigùlù ² Mugelèlèshe kwene milombelo, mukukesha nkelùnkelù mukulomba no mukufwisha; ³ no kutulombelela no betwe byo, kibalo Kabesha Mpungu atubigwele mushango gwa gùlya mwanda gwege, mwanda twesambe kilya kibiso kya Kilisitu, kibalo kya kikyo ni mukwekwe. ⁴ Kibalo nîlangye, monka mwa mp'yenene kwesamba. ⁵ mugelèlèlè mu nghēni kùgebwa gyabo balya be anje no kùlaùla kyaba. ⁶ myanda gyenyu gibe no lùsa masigi gonse, gibe gyale gitobe mukele, mwanda mumanye mukumwèndwela muntù ge gense. ⁷ Tikiko mwina, mwingli mulùlùmbùlùke mukampibwe kwè Kolo, ge sa amilobole myanda gyane gonse; ⁸ Namwila kwa mulè kibalo kya kyonka kikyo, mwanda mumanye bya tùlè, noge sa ahempùle mitèma gyenyu. ⁹ Amo no Onesimo, mwanetù mulùmbùlùke, mukampibwe, noge wâwenyu, babo basa bamilomble myanda gyonse gya ano etu. ¹⁰ Alisitalako, ukwikilwe amo nane, wakumiimuna, amo no Mako mukwabo no Belenaba, ù ge gùjo wamwaambùla ndagogya myanda gyege, mumutambùle ntè waika kwa mulè. ¹¹ No Yesu wakwetwa Yusuto, babo bâlè, no babo bêngli amo nane kibalo kya bùkolo bwa Kabesha Mpungu, no bo babele bahempuli kwande. ¹² Epafula, mûntù wa kwenyu, mugya wa Yesu Kilisitu, wakumwimuna, no masigi gonse ge wakwèla bukankamane kibalo kyenyu mu gyege milombelo mwanda mwimane b'oloké si no kusibata mu kiswa mutèma yonse kya Kabesha Mpungu. ¹³ kibalo n'nakusitekekya kwana wè no gwêne mukanka a kibalo kyenyu, no ku balya be kuko Laodikia, byonka no babo be kuko ku Hielapoli. ¹⁵ mwi bemune babo bâlè kwetù be ku mpena gya Laodikia ù no Nimfa, no kiwèlo ku mu nsese gyege. ¹⁶ ntè mwabija kutanga lunolupapulo wenyu mongye bukele mwile lo ku kiwelo kya Laodikia gùtangwe nênyu. ¹⁷ Mumulombole Alikipo, lolekya mugèlo goelwe mwi Kolo no kwèla ¹⁸ lwimu lwane nene Polo, kukuboko kwane nene mwine, mwijùkane kukwekwa kwane. Kyabùntù kibe amo nenyu.