¹ Honyumakwaho Yesu mwatimba mo miyi no mo mirongo bushana nikangaritsya,nifulira abandu bo ngulu mbuya yo bwami bwa Ongo.Abya bauma na batumwa buwe ikumi ni biri. ² Kandi abyaa hauma na bakatsi bauma,abo atokayako emitsimu ni lamyabo makoni.Mo bakatsi abo mwabyaa:Mariya womo muti wi mangadala, Mariya oyo Yesu mwathokyako emitsimu irinda. ³ Na Yane muka kusa. Ye Kusa oyo yo wabyaa imanire obushoki bwa Herode.Na mo bakatsi abo mwabaa Suzana, nabandi bakatsi bangi.Ni abakatsi bobaenda abahana ko bushoki bwabo mwawathikya Yesu na bathumwa buwe. ⁴ Bandu bangi baenda abatoka mo buli muti, bushana bayahindane na Yesu.Yesu mwatsirabo muani ati: ⁵ Muheri muuma mwaya biba mbuto mwishwa liwe.Mo ndambi aenda a biba esombuto siwe, mbuto siuma mosatoera emusike wenzira. Abandu mobalyatangato,ne mironge moyalyato. ⁶ Esindi moshatoera ko mabwe.Sabere salasha ,samuma bushana ne busha mechi mo kitaka. ⁷ Esindi moshatoera momishaki.Emishaki eyo moyalasha hauma ne sombuto,moya indiritsatho. ⁸ Esindi itho mosatoera ko kitaka ki kwirire.Sabere sakula mosaheka biuma.Buli kikumba mokyaheka mbulu ianaiana.Yesu abere amala ibwirabo Ebyo, mwaneena ati :Yowite matwi wionwa onvwe ! ⁹ Abia ba Yesu mobamubutsya ngomwani oyu ashondi ineena atiki. ¹⁰ Yesu mwashubitsyabo athi:Imwe momwamahabwa minya binwa bibishire byomo bwami bwa Ongo.He abandi ibo litolere ninyabwirabo mo muani, bushana baende abalola, he ni bathishunge.Baende abahulikya, he nibationvwe. ¹¹ Kandi Yesu mwaneena ATI:Athya komuani ono aneenire: Embuto ni Ekinwa Kya Ongo. ¹² Esombuto satoeraa homusike wenzira,sishoshekanibwe na bandu bobanonvwa ekinwa Kya Ongo, Honyumakwaho eSitani niyahika niyatokyakyo mo mitima yabo, bushana batikiritsyaya nishabulabo. ¹³ Ne esombuto sathoeraa ko mabwe,sishoshe kanibwe na bandu bobana uhulikiritsya ekinwa Kya Ongo nikokyakyo mo lumoo. Hewethuwe ekinwa ekyo kitashikaa kutsibu mo mitima Yabo. Abanakiritsya Kyo mokatambi kake kuroshi,erilengwako elinabya lyahikirabo nibamikakyo. ¹⁴ Nasindimbuto sosatoera momishaki, sishoshekanibwe na bandu bobanonvwa ekinwa Kya Ongo. Hewethuwe eminubo nobushoki neritsingira ebindu byomo kihuo kino,eminayindiritsya ekinwa ekyo mo mitima yabo. Bushana nekyo,bataheka biuuma byerire. ¹⁵ Ne esombuto sathoeraa mo kitaka ki kwirire,ito sishoshekanibwe na bandu bobanonvwa ekinwa Kya Ongo mwitsitsinia ihika ko Kika kyiheka biuuma. ¹⁶ Yesu mwashuba neena kandi ati : Hatali omundu yo wanganokya etara nishwikaro kitonga kutse ihiraro omwishi wengingo. Hewethuwe anaenda ahiraro kwihango bushana abobingiramonyumba bashunge ko kyakakala. ¹⁷ Obuli kindu kibishire kyanda bishulwa kubuya.nobulikindu kyokikoleka mo bubishobishokyandaminyikala kubuya kubuya. ¹⁸ Bushana nekyo muyiteye ko binwa byomonvwa! Kushangwa ni Omundu yo uwite kindu yo unahabwa kindi. He oyo utawite kindu atanyaulwa nekyo aanitsya ko awiteko. ¹⁹ Kiro kiuuma baala babo Yesu na nyinya uwe mobaya mushondya. Hewetuwe mobatakotsya imuhikako bushana no muhindano wa bandu. ²⁰ Abandu mo bamubwira Yesu Baala benyu ne nyoko bimene hombua banzire ni bakushunga. ²¹ He Yesu mwabwirabo athi:Baala betu ne mali ni bobanonvwa ekinwa Kya Ongo Nikola nga ko kineenire. ²² Kiro kiuuma Yesu mwashambira mu bwatho bauma hauma na bia buwe. Mwabwirabo ati:tushabukire ko undi mwishirya wengetsi nabo mubaenda. ²³ Babere banali abatsa engetsyo, Yesu mwayatho.Aho naho mbeho nzibu moyayituma ko ngetsi. Amechi mwatanga ingira mo bwatho,nabo Mobabya hofi nishenda. ²⁴ Mobayifunda ahali Yesu bama mubukya bamaneena bati: Mukangiritsya, Mukangiritsya,thwahwa! Yesu mwabuka mwakemera kutsibu embeho ne mibimbi,nabyo mobya bombera, mohabya shereri. ²⁵ Aho, Yesu mwabutsyabo ati : Olukiritso lwenyu lulihayi ?Nabo mobubaha nishweka kutsibu niababwirana bati: Oyu ni mundu muhandaki ? youtheka nembeho ne mibimbi nabyo nibyamushikya! ²⁶ Enyuma kwaho,Yesu Na bia buwe mo bashabuka engetsi niobeka obwatho mo mihuo kya Bangererasi mwishirya we Kihuo kye Galilaya . ²⁷ Yesu abere akinali akima mo bwatho, mundu muuma womo muyi mwayifunda ahali Yesu. Omundu oyo abyako batsimu.Mu biro bingi niatashubire imbala lukimba, niatashubire ikala monyumba he Kono masinda. ²⁸ Abere ashunga Yesu mwahambala,mwawa embere sebishando bya Yesu, mwahambala kutsibu ati :Yesu muala wa Ongo yu uli eluulu we byoshi unyishondyako ki? Enyikushabaa utanyinubyaa! ²⁹ Mwaneena atyo, Kushangwa Yesu abyaa niamatheeka omutsimu Oyo atoko ko mundu ayo.Omutsimu Oyo aenda amunubya ngendo nyingi. Bushana nekyo baenda abamumina mu buhulula no mo nyuma nimwatanga romboka, he aenda atsabya.Omutsimu Oyo aenda amuhikya ko Kika kimutwala aho hatali bandu. ³⁰ Yesumwabutsya ati :Eritsina lyawe iwendi ?naye mwashubya ati : Eritsina lyaye ingye Kikembe.aneenaa Ebyo kushangwa abyaako batsimu bangi. ³¹ Emitsimu eyo moya Shaba Yesu titi: Atausharo mo kyuna kire Kyo kwirunga. ³² Naho habya luhyo lwangulube,saenda asishondya kalyo ko katwa.Abatsimu abo mubashaba Yesu bati :kishikishi, tuhamule twingire mo songulume esi.Naye mwahamulabo. ³³ Aho naho abatsimu abo mobatoka ko mundu Oyo, mobingira mo songulube etho. Oluhyo loshi lwesongulube eso mosa hurumuka ko kitwa niesitibitha eyiri engetsi, aho nabo mosatoongera mo getsi nesoshi mosashenda. ³⁴ Abalishya basongulube etho babere bashunga kwebyo,mobaenda tsuba mo muyi no motunzali niyafulira abandu bomwatsi Oyo. ³⁵ Abandu mo balola kubyo bitabya. Babere bahika ho Yesu abyaa,mobeya omundu yo watokako abatsimu nikikere hofi ne bishando bya Yesu.Abyaa niahera ambite kandi nihera awite bwenge bikwirire. Abandu mo bubaha. ³⁶ Abandu mobashunga kwebyo byatsukaa,mobaambulirwa abandi ngoko omundu yo wabyaako abatsimu atalamibwa. ³⁷ Aho abandu boshi bomo kihuo Kya Bangerasi Mobabya nobubakutsibu. Bushana nekyo mo babwira Yesu bati:athokerebo mo kihuo Kyabo.Aho Yesu mwashambira mo bwatho mwashuba eyathokaa. ³⁸ Omundu yowatokako abatsimu,mwalembalemba Yesu ati :Nyangaendire nawe !He Yesu Mwamushubitsa nimubwira ati ³⁹ Ushu ewawe,uyafulire abandu be byoshi Ongo amakukolera. Omundu oyo mwatimba mo muyi woshi niane mufulira abandu be yoshi Yesu ashamukolera. ⁴⁰ Yesu abere ashubula bandu bangi mobaya muko Kya, Kushangwa aboshi babyaa nibamulindire. ⁴¹ Mondambi eyo mukulu muuma we Sinagogi eritsina liwe ni yo Yayiro, mwahika amafukama embere sa Yesu. Mwalembalemba Yesu ingire omwe. ⁴² Kushangwa omutasha uwe abyaa niatohire. Abyaa muthasha kyusha, niawite myaka hofi ikumi nibiri. Yesu abere anemuya ewa Yayiro, muhindano munene wa bandu aenda amuindiritsa. ⁴³ Omuhindano oyomwabyaa mukatsi muuma oyo wabyaa namamala myaka ikumi ni biri niane munuba mo bukoni bwitokamo musasi. Abyaa niamemala obushoki buwe boshi ko bashake . Hewethuwe mohatabya nomuuma wakubo yo mulamya. ⁴⁴ Omukatsi oyo mwahulukira Yesu yenyuma na mwakola ko pindo yo lukimba Konakatambi oko obukoni bweritokamo musasi mo bwalama. ⁴⁵ Yesu mwabutsa ati : Ni ndi yowamanyikolako? Abandu boshi mobayiana ko batali yo wamamukolako.Aho Petero mwamubwira ati: Mukangiritsya,uthashungire ko muhindano woshi Oyu owakutimbireko nikuhatatania? ⁴⁶ Hewethuwe Yesu mwaneena ati :Mundu muuma mwanyikolako nyamonvwa kuli Kaala kamanyitokamo. ⁴⁷ Omukatsi Oyo abere amashunga ko bama muminya, mwayifunda ho Yesu abyaa niatitimana bushana nobuba. Mwafukama embere siwe.Mwanulira mokati ke bandu boshi kyokitaleka niyamukolako nako mwakalama ahonaho. ⁴⁸ Aho Yesu mwamubwira ati :Mwali saye, Olukiritso luwe lwamakulamya.Yiendere nobuholo. ⁴⁹ Yesu abere akinali aneena mo kwahika mundu muuma niatoka ewa Yayiro, mukulu wa Sinagogi.Mwamubwira ati:Oh mukengwa! Mwali waye atakiriho.Utashuba luhya omukangiritsya ! ⁵⁰ Yesu abere onvwa ebyo,mwabwira Yayiro ati :Utubahaa,wikiritsye kuroshi naye alama. ⁵¹ Yesu mwahika ewa Yayiro.Mwatatsiaa ingira monyumba na bandi bandu atali Petero ,Yoani na Yakobo na babuti bomwana. ⁵² Abandu boshi baenda abalira nihononokala bushana no luholo lwomutasha oyo. Hewethuwe Yesu mwabwirabo ati :Mutaliraa, kushangwa omutasha oyu atafwire,he alitulo! ⁵³ Babere bonvwa Ebyo,mobamusheka, Kushangwa ibo babyaa ni bechi ko muthasha oyo amalire ifwa. ⁵⁴ Hewethuwe Yesu mwatsimba omutasha yoko kuboko mwahambala kutsibu nineena ati :We muthasha,buka! ⁵⁵ Omutasha Oyo mwashuba, aho naho mwaimana.Yesu mwabira abandu ati bahe omutasha oyo yo kalyo. ⁵⁶ Ababuti bo muthasha oyo mo bashweka kutsibu. Yesu mwahangirabo ati batanalinda babwira mundu byobitakoleka.