¹ Yesu abere amamala ineena Ebinwa byoshi ebyabwiraa abandu baenda abamuhulikiritsa,mwaya mo muyi wi Kaperenaumu ² Komuyi oyo kwabyaa mukulu mutima wabasirikani babaroma.Omukulu oyo abyaa awite muombe yo atsingire kutsibu. Omuombe Oyo abyaa nitohire . ³ Omukulu oyo monvwa ebyo bandu baenda abaneena ku Yesu.Aho Mwatumuhira Yesu yo bangumwa bauma ba Yuda bamushabe ahike alamye omuombe uwe. ⁴ Abangumwa Abo babere bahi ho Yesu abyaa, mobamushaba kutsibu nineena ati :Omundu oyu atholere umukolere ebyo akushaba ⁵ Kushangwa iye anatsingira oluanda lwetu,kandi iye yo watuhimbiraa esinagogi. ⁶ Aho Yesu mwaenda na bauma abo.Abere ahika hofi nenyumba yo ukulu,Omukulu Oyo mwahuma Hira buwe bamubwire Yesu athi: ninyakuwethu utailuhya ihika, kushangwa ingye nyitatolere iwe uingire omwaye. ⁷ Kyo kinaleka nyitanyakushondya ngyowene; hewethuwe iwe Neena kinwa kiuuma kuroshi omuombe aye alama. ⁸ Kushangwa Nangye nyiwite bakulu bobanyiteeka.Na ngye kutyo, nyiwite bashirikani bo nyinateeka.Nyamabwira Muzima nyiti Enda! niaenda.Nanyamamubwira niti hika! naye nyiahika.Kandi,nyamamubwira omuombe aye nyiti:kola kino!Naye niyakolakyo. ⁹ Yesu abere onvwa ebyo mwashweka bushana no mukulu wabashirikani oyo :Mwabindukira omuhindano wabandu babyaa bamukwamire mwaneena ati: Enyibabwira,nomokihuo kyi Isiraeli ndetsi bashunga mundu walukiritso lunene ngulu. ¹⁰ Abo batumawa nomuku wabashirikani mobashuba eka.Mobeya omuombe nalamire. ¹¹ Enyumakwaho Yesu mwaya mu muyi muuma mwaenda ahulwamo Naina.Abia buwe nomuhindando munene mobaendania naye. ¹² Abere ahika hofi nolukyo lweruba lwabyaa lutimbire ko mwiyi,mwahindana nabandu bo baenda abayatha ekinda Kya mutwala. Omutsana oyo abyaa kyusha kyamushumbakatsi.Bandu bangi momuyi oyo nibaherekeretsye omushumbakatsi oyo. ¹³ Ninyakuwethu abere ashunga omushumbakatsi mwamufwira Shashi kutsibu, mwamubwira ati :utaliraa! ¹⁴ Yesu mwayifunda hofi nasanduku eyo, mwakola kuro. Abandu babyaa bahekirero mobimana.Yesu mwaneena ati: Mutsana,enyikuhamula,buka! ¹⁵ Omutsana yowabyaa a fwire mwahika.Mwikala mwatanga ineena.Yesu mwamuheretsa nyinyauwe. ¹⁶ Abandu boshi mobafwa buba,bobasingya Ongo niabanena bati : Muminyeretsi mukulu amahuluka mokati Kwetu ! Mobashuba Neena bati : Ongo mwahika ishabula abandu buwe! ¹⁷ Omwatsi webyo Yesu akolaa mwaenda mo kihuo kyoshi kyi Yudeya nomo bindi bihuo byoshi byabyaa bitimbire kukyo. ¹⁸ Ebinwa byoshi ebyo abia ba Yoani mobamushubulirabyo.Bushana Nebyo Yoani mwabirikira mubo mo babiri. ¹⁹ Mwatumabo eyiri Ninyakuwethu amubutsye bathi: Iwe we Masiya wahikire?kutse tulinde undi? ²⁰ Abia abo mobahika ho Yesu abyaa . Mobamubwira bati: Yoani mubatisya amathuthuma yo uli tukubutsye tuti:Iwe , iwe Masiya wahikire?kutse tulinde undi? ²¹ Mo ndambi eyo Yesu mwalamya bandu Bangi bo baenda abaalwa namakoni,nabo babyaa birema, nabo babyaako emitsimu .Na mwaha kutyo esomhumi s'ombumi so lukoo lwishuba lola. ²² Honyumakwaho Yesu mwashubitsya abia ba Yoani ati :Mueende muya bwire Yoani Ebinwa mwama shunga nebyo mwa monvwa. Esomhumi sahera esilola,ne birema byahera ebienda,na ba benzi abalamibwa,na batwitwi bahera abonvwa, nabaholi abalubukibwa, na bachene abafulirwa engulu mbuya. ²³ Amaashanirwa omundu youtindahetse Olukiritso luwe mwingye! ²⁴ Abia ba Yoani abo mobashubula.Yesu mwatanga ubwira muhindano wa bandu omwatsi wa Yoani ati:Mwanyaa mo bwarara niomuyashungayo kuko? Ni lusheke lo lunatengamibwa nomuyaa?Kiro! ²⁵ Ewo mwayaa lola Ku ki?Mundu wambite ngimba se kitsiro kinene?Kiro! Abo banaenda Ambala esongimba se kitsiro kinene nibya mo bushoki,mo monyumba womwami mo bikere! 6 Mwanyaa lola Ku ki? muminyeretsi?Ea , Enyibabwira iye alengitse muminyeretsi. ²⁷ Na bushana noyo bishakirwe mo mashako abuirire ati:Monvwe!Nyatumawa omuendi aye anyishondolere, bushana akukometse enzira. ²⁸ Enyibabwira mo bandu boshi bomo kihuo kino,muthali youlengitse Yoani. Hewethuwe namo bine bityo omuke kutsibu mo bwami bwa Ongo,Oyo ni mukulu kwimulengya. ²⁹ Abandu boshi na bakarani b'ekoli mobahulikirisaya amakangiritsa wa Yoani ,mobaminya ko Ongo anaenda Akolaa ebitunganene ihika ko ndambi mo balikwa na Yoani. ³⁰ Hewethuwe a Bafarisayo nabakangiritsya bo muomba ibo mobatinda ebyoshi Ongo ashondaa ikolerabo.Bushana nekyo mobayihindira ilubikwa na Yoani. ³¹ Yesu mwashuba neena ati :Abandu bamunobwire nyangalinganiabo nandi ? Na bashoshekanibwe na ndi? ³² Bashoshire ngaba bana bikere mo mbua nabatelemeranako bati:Motubabuhira akapuli mo mutali omushata!Motubwimbira nyimbo sa kiriro momutali omulira ! ³³ Kushangwa Yoani mubatisya mwahika nianiyima akalyo,niayima ishoma tifayi ngendo nyingi. He mo mwaenda omuneena muti: Aliko mitsimu. ³⁴ Ingye muala wo Mundu nyabere nihika, enyirya, nishoma nemwe omuneena muti:shunga umundu oyu ! Ni wa kahehu kandinikibikomundu mukundirya,Kandi nimwira wabakarani b'ekoli na bandi bakoli babitsibu. ³⁵ He abandu boshi abakiritse mo bwenge bwa Ongo,betsi ko obwenge buwe buthunganene. ³⁶ Kiro kiuuma Mufarisayo muuma mwabirikira Yesu ahike alye ko kalyo mo Nyumba yiwe.Yesu mwingira mo Nyumba yo Mufarisayo oyo mwikala. Na mwathangira irya. ³⁷ Mo muyi oyo mwabyaa mukatsi muuma mukoli we bitsibu.Omukatsi oyo abere onvwa ko Yesu alya ko kalyo mo Nyumba yo Mufarisayo Oyo,mwahikamo nihekire murangi wa marasi wa Kirisito kinene. ³⁸ Mwimana enyuma ya Yesu hofi ne bishando biwe niane mulira emishoniya yiwe moya tanga ieretsya ebishando bya Yesu. Honyumakwaho mwashangulabyo mo nzwiri siwe.Mwafumbata ebishando bya Yesu nihakababyo amarasi ayo. ³⁹ oMufarisayo oyo yowabirikira Yesu abere ashunga Ebyo,mwatanga ineena mu mutima uwe ati :Omundu oyu angabere muminyeretsi kundu ,angaminyire ngomukatsi oyo amukolako ngalyate kandi angaminyire komukatsi oyu ni mukoli we bitsibu. ⁴⁰ Yesu mwabwira o Mufarisayo oyo ati : Simioni nyiwite kinwa nakubwira. Simioni naye mwamushubitsa ati : Mukangiritsya neena. ⁴¹ Yesu mwaneena ati :Kwabyaa bandu ba bibiri bo babyaa no mwinda wa mundu muuma.Muuma wakubo abyako mwinda wa tinari maana atano,naundi abyako bwinda wa tinari makumiatano. ⁴² Abandu babiriabo,ngokobatabyaa no butoki bwerifula eminda eyo,oyo wabwekaabo aho mwashashira ababiri abo.Ewo mo bandu babiri abo nindi yo watsingiraa kutsibu omwindiki? ⁴³ Simioni mwashubya ati :Enyianitsya nithi niyo washashirawa omwinda munene.Yesu mwamubwira ati :wamashubya kubuya. ⁴⁴ Honyumakwaho Yesu mwamubindukira oyo mukatsi abyaa, mwamubwira Simioni ati :Washunga omukatsi oyu?Monyingira mo mwawe momoutali umba emechi we rinaba bishando. He omukatsi oyu,amanabya ebishando byaye mo mishonia yiwe, na amashangulabyo mo nzwiri siwe. ⁴⁵ Mouthali unyifumbata mwinyietsa.He omukatsi oyu honyitahikira monyumba Eno,atatangire alika ifumbata ebishando byaye. ⁴⁶ Mutali unihakabya amafuta Ku mutwe yaye, he iye mwanihakabya marasi ko bishando byaye. ⁴⁷ Bushana nekyo, Enyibabwira nyithi :Namo ebsibu byemukatsi oyu nibingi, hewethuwe nyamaanyira ebyoshi.Ni bushana nekyo akangya kwanyizire kutsibu. Hewethuwe omundu yo wamalire ianyirwa kule, anaanza kuke. ⁴⁸ Aho Yesu mwabwira omukatsi Oyo ati : Ebitsibu byawe byamaanyirwa. ⁴⁹ Abandi bandu bo baenda abalya hauma na Yesu mobathanga ibutsania ibo kwibo bati:Oyu nindi yo angaanyira ebitsibu ? ⁵⁰ Hewetuwe Yesu mwabwira omukatsi Oyo ati :omukatsi oyo ati : Olwikiritso lwawe makusha kushabula.Enda mo buholo.