1 Kiro kiuuma kye Sabato, Yesu aenda atsuka mo Masha wangano .Abia buwe banda abatsa ebikumba byengano, mobahonolabyo mo minwe na mobalyaro. 2 Bafarisayo bauma mobabwirabo bathi:Imwe! bushana ki omukola ebyo omuomba ethu ahangire ikola ekiro kye Sabato ? 3 Yesu mwashubitsyabo ati:Muthahera mwatasoma ebyo omwami Daudi Akolaa mo ndambi Iye na bandu abyaa nabo babere bawira? 4 Mwatingirira mo Nyumba ya Ongo,nitola emikati yo bandu bahembaa Ongo ?ndi mwalyaro niha abandu abyaa nabo,nabo abaheri basha nibo bahamulirwe irya emikati yiri ngeyo! 5 Honyumakwaho Yesu mwabwirabo ati:Ingye muala womundu ingye mukulu we Sabato. 6 Kindi Kiro kye Sabato Yesu mwingira mo Sinagogi mwakangiritsa abandu.Nomo Sinagogi eyo mwabyaa mundu muuma ekinganza kiwe Kyamalyo nikonongokire. 7 Amakangiritsa bo muomba na Bafarisayo baenda abayiteeretsa nga Yesu alamya mundu oyo mo kiro kye Sabato. Bakolaa batyo Kushangwa babone kinwa bangamusitakira. 8 Hewetuwe Yesu mwaminya emiyanitse yabo.Mwabwira Omundu wikianja nikonongokire ati:Hangana wimane mokatikati ke bandu, Mwahangana amaimana mokati kabo. 9 Honyumakwaho Yesu mwabwirabo ati:Enyibabutsanyithi: omuomba ethu ahamulire ikolaki ekiro kye Sabato ?Ikola bubuya ?kutse ikola bibi? Ilamya Mundu kutse imwita? 10 Yesu mwatimbya ko boshi kwa mesho, mwabira Omundu oyo ati: Lambula ekianja kyawe. Naye mwalambulakyo,nekianja kiwe mo kyalama. 11 He abakangiritsa bo muomba abo na Bafarisayo mobakapikira.Bamatanga ibutsania ngakuno bayire Yesu yo bati. 12 Mobiro ebyo Yesu mwirukira ko kitwa bushana niyashaba Ongo.Mobwama mukerayo niane mushaba. 13 Bwabere bwabyaa Yesu mwabirikira Abia buwe,mwashombola mubo mo ikumi na babiri mwalukabo mo batumwa. 14 Nabatumwa abo babano :Simoni,yo Yesu aha eritsina lya Petero, na Ndereya mwala wabo,na Yakobo na Yoani,na Filipo, na Baritolomayo, 15 na Matayo na Tomasi,Yakobomwaala wa Alufayo , Simoni womo kikembe kya Baselote, 16 na Yuda mwala wa Yakobo na Yuda Esikariyote, yo wahoteraa Yesu. 17 Yesu mwandaala itoka ko kitwa bauma na batumwa buwe abo. Abere ahika habothebothe mwimana.Mweya ho kikembe kyabia buwe na bandi bandu bangi nibahuluka mo Kihuo kyoshi kyi Yudeya ni Yerusalemu,nomo bihande byemiyi ye Tiro ne Sitona emusike wengetsi. 18 Abandu abo bahikaa bushana nihulikiritsa Yesu,nilamibwa amakoni wabo.Nabo baenda abanubibwa ne mitsimu nabo kutyo moba lamibwa. 19 Abandu boshi baenda abashondya imukolako, Kushangwa akaala kaende akamutokamo nilamyabo 20 Yesu mwatimbya ko bia buwe kwe meshonibwirabo ati:Mwamaashanirwa imwe bache, kushangwa obwami bwa Ongo ni bwenyu. 21 Mwamaashanirwa Imwe muwirire lino, Kushangwa mwandukuta.Mwamaashanirwa imwe omulira Munobwire kushangwa mwasheka. 22 Mwamaashanirwa imwe,Omundu Abandu bayire, Bahatindire,ababahangya,ababatonga,bushana na ngye mwala wo Mundu. 23 Omuulu ebyo bandaenda ebibahikira, muende omuishanganda mo lumoo, kushangwa luhimbo lunene lulindirire mo lubula.Nikutyo obwishekulu wabo banda abanubya abaminyeretsi na bandu. 24 He imwe bashoki muli bahanya, kushangwa mwamalire ibona ebutseme bwenyu. 25 Nemwe momuutire lino,mulibahanya, kushangwa mwanfwanjala.Nemwe momusheka lino, mulibahanya kushangwa mwandabya mokiro na mwandaalira. 26 Mulibahanya mo ndambi Abandu boshi ababahalamba, Kushangwa nibathyo ko bwishe kulu wabo baendaabahalamba abaminyeretsi bamabesi. 27 Yesu mwashuba neena ATI: Hewethuwe imwe momunyihulikiritse Nini byo nyibabwira: so nziu senyu muende omutsingirato.Nabo bobanaa muende omukolerabo bubuya, 28 Abo bamabatakira muende omushabirabo Ongo aashanirebo.Nabo babanubya, muende amushabirabo Ong. 29 Omundu amakubanda ikofi kwithema iuma umuhe nerindi.Nomundu ama kunyaa ekoti umushiire ne simisi awe. 30 Omundu amakushaba kindu utamwimakyo,kutse amakunyaa kindu kyawe uthashuba mushabakyo. 31 Ebyo omushondya abandu babakolere, Nemwekutyo mukolerebyo bo. 32 Mwamaenda omutsingira bobanabatsingira kuroshi,mwangabona isimwa lihi?Hatali! ndi nabakoli babitsibu naboabanatsingira bobatsingirebo 33 Kandi mwaenda amukolera ebibuya bo banaenda abaisser kuroshi, isimwa lihilyo mwangabona ndi nabakoli be bitsibu nabo a akolerania bathyo ! 34 Kandi mwaenda omubweka bo mwatsi ko babafuha isimwa lihi mwangahabwa? ndi nabakoli bebitsibu nabo abanabweka bobafuhabo! 35 Hewethuwe imwe muende omutsingira esonziu senyu.Muende omukolerato bibuya.Kandi mueende omubweka buthahirayo maha wishubitsibwa.Aho nimwabona luhembo lunene, kandi mwabya kundu kundu Bana ba Ongo oweluulu we byoshi.Kushangwa Iye anakolera ebibuya kubobatasima na bakoli be bitsibu. 36 Mueende omushashirana nga tatakwana basahashira. 37 Yesu mwashuba neena ati :Muthaenda omukola ko bibi byabandi handy nemwe kutyo batindaende abalola ko bibi byenyu.mutaenda amuha abandi bandu bo malipisi, nemwe kutyo mutindehabwe malipisi.Hewetuwe mueende omuanyirana nemwe kutyo mwende anyirwa. 38 Muende amuhana, nemwe kutyo bandabaha.Nebyo mwangahabwa byandabyani bilengire bubuya,nibishokire, nibitengenibwe,kandi nibyotswire kubuya mo nithanga byenyu. Ngoko munalengera abandi, nemwe kutyo ko Ongo andabalengera. 39 Kandi Yesu mwabwirabo omuani Ono ati:Embumi yangashondolera eyindi mbumi? Ihi! Amayira athyo ababiri boshi kundu kundu ni bathoera mo kyuna! 40 Omwia atalengitsye omukangiritsya uwe. hewethuwe omwiya yo mwamala ikangiritsibwa kubuya niye yo wangabya ngo Mukangiritsya uwe. 41 Bushana naki ushunga ko kati Kali molisho lya mwaala enyu, he utali outsomana omuti owali mo lisho lyawe? 42 Bushana naki ubwira mwaala enyu uthi :Lekanitokye akati ko Kali mo lisho lyawe, hewethuwe mo lyawe nimukinali muti? Iwe muyimbya!Thanga watokya omuti owali molisho lyawe, nimowalola kubuya ngoko watokya akati akali mo lisho lya mwalenyu! 43 Kandi Yesu mwaneena ati:Hatali muti akwirire wantaheka biuma bibi,kutse Hatali muti muni wangaheka biuma bikwirire. 44 Obuli muti andaenda aminyikala ko biuma byawo.Kutse bye misabibu ko mishakishaki. 45 Na kutyo Mundu mu buys andaenda aneena binwa bibuya byobitoka momutima use.hewetuwe omundu mubi iye,ebibi andaenda aneena ebinatoka mo bibi byo byotswire mo mutima uwe. Kushangwa obunu bwomundu obunaneena byo byotswire mo mutima uwe. 46 Yesu mwashuba neena ati : Bushana naki omunyahula mutyo: ninyakuwethu, ninyakuwethu, Kandi nimutali emukola ebyo nyibabwira? 47 Nyabakangya ngokwashoshire omundu oyonyikwamire no mundu yo uhulikiritsya Ebinwa byanikola ngako bineenire. 48 Ashoshire nga mundu ahimba Nyumba.Mwatanga ituma kutsibu mokitaka ihika okwibwe. Nokwibe eryo kwahiraa omutsingi ahimbako enyumba.Konyumba eyo hewethuwe enyumba eyo mo itatengana kushangwa niyitsibuhire. 49 Hewethuwe omundu yo wonvwa Ebinwa byaye buthakola Ngoko bineenire, ashoshire mundu yo wahimbaa enyumba yiwe ko kithala butatima Aho ahira omutsingi.Olwitsi lwabere lwotsula ametsi walo mwayihuma ko nyumba eyo Ahonaho moyathera nitsibukala loshi.