¹ Ekiro kiuuma, Yesu abyaa ni mene emusike wengetsi yi Ngenesareti.Omuhindo wa bandu babya na bamuindiritsa Bali abashondya ionvwa ekinwa Kya Ongo. ² Mashunga matho abiri emusike wengetsi , abarobinibathoka uwo,niyabashunga ehikira byabo. ³ Yesu mwashambira mu bwatho Biuma bwoko matho abyaho.Nobwatho obo bwabyaa bwa Simoni,Yesu mwamubwira ati :funda obwatho bomo ngetsi hale hake ne musike.Mwikala mo bwatho obo nithanga ikangiritsya omuhindano wa bandu. ⁴ Abere amamala ikangiritsya mwabwira Simoni ati:Funda obwatho bo ahali mechi male, muushe ehikira hyenyu murobe ko mahere. ⁵ Simoni Mwamushubitsa ati :Mukangiritsya,moturoba mo kiro kyoshi he muthima.He Kushangwa wowamaneena nyausha ehikira. ⁶ Mobausha ehikira mongetsi.Mobita mahere mangi kutsibu ihika ko Kika ehikira hyabo nieshonda ibereka. ⁷ Mobakohetsya balikyabo babyaa mo bundi bwatho bahike baangirirebo. Balikyabo babere bahika mobotsutsya amato abiri woshi hofi bashende. ⁸ Simoni Petero Abere ashungaa ebyo, mwafukama embere sa Yesu.Mwaneena ati : Ninyakuwethu,yifunde hale Nangye, kushangwa nyiri mukoli we bitsibu! ⁹ Simoni hauma na balikyabo boshi mo bashweka kutsibu bushana no bungi bwamahere bitaa. ¹⁰ Yakobo na Yoani baala ba Sebedayo barobi balikyabo Simoni,nabo mo bashweka kutsibu.Hewetuwe Yesu mwa bwira Simoni ati:Utubahaa ! itoka Munobwire wabya murobi wa bandu. ¹¹ Aho, mobashubutsya amato wabo emusike we ngetsi.Mobashia ebyoshi nikwama Yesu. ¹² Yesu Abere ane mo muuma we muyi ye kihuo ekyo, mohahika mundu aliko bibenzi ko mubiri woshi.Omundu abereashunga Yesu mwafukama siwe nobusha mobwahika ahishi ni mushaba kutsibu ati: Eh ninyakuwethu, sa wamashasha wanganyilamya. ¹³ Yesu mwalambulaeminwe mwamukolako nineena ati: Nyishashire;ulame. Aho naho ebibenzi ebyo mobyamuthokako. ¹⁴ Yesu mwamuhamula ati:uthabwira mundu mushana nebi.Hewetuwe uende uyayikangye ko muheri.Honyumakwaho kwaho uhulukye ebihembo Ngoko omuomba wa Musa ahamulire, kwikingania ko wamalama. ¹⁵ Mokithaleka engulu ya Yesu ithaenda mo bandu.Bandu bangi mo baenda abahindana bushana bonvwe ebyo Yesu aenda na kandi balamibwe makoni wabo. ¹⁶ Hewetuwe Yesu aendaayihigula kubo, Niya handu hatali bandu bushana niyashaba Ongo. ¹⁷ Kiro kiuuma Yesu niakangiritsa bandu. a Bafarisayo niakangiritsa bo muomba mutima batokaa mo miyi yoshi wekihuo kye Galilaya ,ni Yudeya,nomo muyi we Yerusalemu nabo babyaa bikereho.Yesu aenda alamya abakoni mo maka waninyakuwethu Ongo. ¹⁸ Bandu bauma mobahika ni bahikire kipoyi kiriko mukoni , wamakonongola. Niabashondya imwingitsa mo nyumbabamuhire embere sa Yesu. ¹⁹ He mobabusha nzira yi mutsukyamo bushana na bandu bangi .Bushana Nebyo mobashamba ko lutwe lwe Nyumba eyo. Mobatokya ko bikayi bamamukimya mo bandu embere sa Yesu nianali ko kipoyi kiwe. ²⁰ Yesu Abere ashunga Olukiritso lwabandu Abo,mwabwira omukoni Oyo ati:mwiraye ebitsibu byawe byamaanyirwa. ²¹ Abakangiritsya bo muomba na Bafarisayo abo mobathanga iyanitsa niyibutsya bati:Oyu nindii yo uthatsya Ku Ongo ? Ni ndi yo wangaanyira ebitsibu atali Ongo yowene? ²² Yesu mwaminya emianitse yabo mwabutsyabo ati:Bushana na ki amuanitsya mutyo mo mitima enyu? ²³ Ingo Munobwire!niki kyokolo ineena ambu: wamaanyirwa ebitsibu byawe , kutse ineena mbu: hangana uende? ²⁴ Enyishondya muminye kwingye muala womundu nyiwite amaka wianyira ebitsibu hano ishi.Honyumakwaho Yesu mwabwira owamakonongola athi: Ingye ngyo ni kubwira nyiti wimana! Tsimba ekipoyi kyawe ushube eka. ²⁵ Konakatambi oko Omundu oyo mwahangana embere sa bandu mwatsimba ekipoyi ekyabyaa aonjereko mwashuba ewe niaane mutsingya Ongo. ²⁶ Abandu boshi bamashukumana,bamatsimbwa no buba, bamasingya Ongo,niabanena bati: Munobwire twamashunga ebitikotiko! ²⁷ Enyumakwaho Yesu mwathoka mo Nyumba omo.Mwashunga Ku mukarani muuma wekoli eritsina liwe ni yo Lawi Oyo abyaa nikere ahaenda alihisira ekoli.Yesu mwamubwira ati:Nyikwame. ²⁸ Lawi mwaimana, mwashia ebyoshi nikwama Yesu. ²⁹ Honyumakwaho Lawi mwakolera Yesu yo linye linene monyumba yiwe.Mo Nyumba eyo mwabyaa bakarani Bangi bekoli na bandi bandu baenda abalya hauma nabo. 0 a Bafarisayo nabakangiritsya bo muomba bomo kikembe kye Bafarisayo abo babere bashunga ebyo mobanyifweba,nibwira abia ba Yesu bathi:Nikikyokileka omulya ni shoma hauma na bakarani bekoli nabakoli be bitsibu? ³¹ Yesu mwashubitsabo athi:Abatsibuire bathashondya Mushake hewethuwe ni abakoni bobanamushondya . ³² Ingye nyithahikaa ibirikira abathunganene embere sa Ongo, hewethuwe nyahikaa ibirikira abakoli bebitsibu bushana babinduke bathoke mo bitsibu byabo. ³³ a Bafarisayo mobamubwira Yesu bathi:Abia ba Yoani nabuwethu kutyo abanaenda abayima akalyo nishaba. Hewethuwe abuwawe Ibo abaenda abalya ni shoma. ³⁴ Yesu mwashubitsyabo ati:Mwangabwira abo bathabirikirwa ko muheruki muti batalyaa noyo utaherukya niakinalya nabo?Kiro! ³⁵ Ebiro byandahika oyutaherukya andatokibwa mubo.Ni mo biro ebyo mobandaenda abayima akalyo. ³⁶ Yesu mwashuba tsirabo omuani Ono ati:Hatali mundu yo wangatsya kibandiko ko lukimba luhya luhya nilandirakyo ko lukimba lukulire.Kushangwa omundu amayira athyo niama berenge olukimba luhyaluhya,nekibandiko ekyo kithatokako kitangatsimbana no lukimba lukulire. ³⁷ Kandi hatali mundu Oyo una Hira etifayi nyihyanyihya mo mahwehwe, wakera.Oyo wangakola athyo angaleka etifayi nyihyanyihya Niya berenga amahwehwe, etifayi niyashesheka na mahwehwe niyabiha. ³⁸ Hewethuwe litolere etifayi nyihyanyihya niyahirwa mo mahwehwe mahyamahya. ³⁹ Kandi hatali mundu wamashoma ko tifayi hire yowangashuba shondya tifayi ya kera.Kushangwa nineena ati:Eyihire yoyikwirire kutsibu.