¹ Yesu Kirisito mwathoka ko lwichi lwa yorodani nawite ko Maka yo mutima mweru.No mutima mweru Oyo mwa mutwala mo bwarara ² Mwabya eyo Ebiro makumi ane,Sitani aenda amulengako.Ebiro byoshi mwatalya Kandi.Ebiro ebyo byabere byahwa Mwafua njala. ³ Aho Sitani mwamubwira ati:Iwe kwenene wamabyaa iuli mwala wa Ongo, bwira elibwe eli libinduke mukati. ⁴ Yesu mwamushubitsa athi :Kishakirwe momashako abuirire ati: Omundu athindabyeho bushana kuroshi. ⁵ Honyumakwaho Sitani mwirukitsya Yesu Yolulu kutsibu.Aho naho mwamukangya amami woshi womokihuokino. ⁶ Nimubwira ati:Nyakuha obutheke boshi no bwamami aye.Kushangwa ebyoshi ebyo nyahabawabyo, Nangye nangahabyo mundu woshi yonyishashire. ⁷ Aho,wanyifukamira mwinyiramya ebyoshi ebyo ni byabya biwe. ⁸ Yesu mwamushubitsa athi: Kishakirwe mo marshall abuirire iuti:Uende uramya ninyakuwethu Ongo waste, bomukolera Iye musha. ⁹ Nokonduli yo yoshi,Sitani mwatwala Yesu yomo muyi wa Yerusalemu mwamihira ko mukutu we nyumba ya Ongo ni mubwira ati: Kwenene wamabyaa iuli mwala wa Ongo yiushe ahishi, ¹⁰ Kushangwa Kishakirwe momashako abuirire kuti : Ongo andahamula engashani buwe bakutheye. ¹¹ Kandi Kishakirwe momashako abuirire kuti: Bakuheka mo minwe yabo, Kushangwa ekishando kyawekitatsikala kibwe. ¹² Yesu mwamushubitsa ati: Kishakirwe momashako abuirire kuti :utaenda Ulenga ku ninyakuwethu Ongo wawe. ¹³ Sitani abere amala Irena ku Yesu mo nzira woshi, mwatamuleka,ihika kuundi muulu. ¹⁴ Yesu mwashuba mo Kihuo kye Galilaya niali nakaala ko mutima mweru.Engulu yiwe moyahika mokihuo kyoshi ekyo. ¹⁵ Aenda akangiritsya abandu homo Sinagogi Yabo.Nabandu boshi nyabamutsingya. ¹⁶ Yesu mwaya mo muyi wi Nasareti owoshukiramo. Ekiro kye Sabato kyabere kyahika,mwingira mo Sinagogi ngoko abyaa abere.mwimana bushana asomere abandu bwekinwa Kya Ongo. ¹⁷ Mahabwa mubungo wekitabo kyamuminyeretsi Isaya naye mwabungulawo,mwahikira Aho hashakirwe ati: ¹⁸ Omuthima wa ninyakuwethu alikwingye.Kushangwa amanyishombola nyiende nyikangiritse engulu mbuya ko batsene.Amanyituma nyifulire bobali mo muliki omwatsi ko baminulwa.Naso mbumi nato ko salola.Nabobanubibwa babye niyi bwara. ¹⁹ Nyifulire abandu bo mwatsi ko mwaka amahika wo ninyakuwethu wakanganyamo obubuya buwe ko bandu. ²⁰ Enyumakwaho Yesu mwa bungabunga ekitabo mwahakyo omukoli wo mo Sinagogi mwayikala.Nabandu boshi babya bikere mo Sinagogi eyo mo bamuhandako emesho. ²¹ Aho Yesu mwatanga abwirabo ati: Amashako abuirire mwamonvwa, wonyithoka ibasomera amabererera Munobwire . ²² Abandu boshi baenda abamoera Yesu nishweka bushana ne binwa bubuya ebyo aena.Mobatangainena bati: Oyu ndi ni muala wa Yosefu ! ²³ Yesu mwabwirabo ati : Nyetsikundu mwandanithea mo muani Ono,owaneenire ati :Mushake,yilamya wowene!kandi mwanibwira muti :mothonvwa ebyoshi wakolaa i Kaperenauma,kolabyo na momuyi enyu Ono. ²⁴ Mwashuba bwirabo athi: Kwenene hatali muminyeretsi younakokibwa kubuya ko wabo. ²⁵ Kwenene Enyibabwira nyithi mo kihuo kyi Isiraeli mwabyaa bashumbakatsi bangi mo muulu wo muminyeretsi Eliya.Momuulu oyo envula moyamala miaka ishatu na myetsi ndatu buthawa.Mokwabya njalatsibu mo Kihuo kyoshi. ²⁶ Mo bashumbakatsi boshi aba Ongo mwatatuma Eliya awathikye muuma wakubo.Hewethuwe mwamutuma kumuuma woko muyi wi Serepata mo kihuo kye Sitona. ²⁷ Kandi mo kihuo kyi Isiraeli mwabyaa ba benzi bangi mo muulu womuminyeretsi Elisha.Hewetuwe mohatabya nomuuma wakubowalamibawa, he Namani musha womo kihuo kye Suriya. ²⁸ Abandu abandu boshi bo babyaa mo Sinagogi eyo babere bonvwa ebyo mobakapikira(tsibuka). ²⁹ Mo bimana bamaliita Yesu mo muyi,bamamukurira ko katwa ko moyi oyo abyaa ahimbireko.Nyabashondya bamukunire mo mutiri. ³⁰ He Yesu mwasheshera mokati kati kabo amayiendera. ³¹ Honyumakwaho Yesu mwandaalira mo muyi we Kaperenauma mo kihuo kyi Galilaya.Ekiro kye Sabato kyabere kyahika mwakangiritsa abandu. ³² Abandu mobashweka kutsibu bashunga Emikangiritsa yiwe, Kushangwa Ebinwa biwe byabyaa ni bishikire. ³³ Mo Sinagogi eyo mwabya Mundu niliko mutsimu.Omundu Oyo mwahambala kutsibu ati: ³⁴ Ahaaa!Yesu waNazareti mbeuthushyondakoki?wahikaa bushana nitubihya?Nyikwetsi kubuya. Iwe uli mubuyirire watumawa na Ongo! ³⁵ Yesu mwakera kutsibu omutsimu Oyo athi:Tsira ! Nauthoke ko mundu Oyu!Ahonaho omutsimu mwahuma Omundu oyo yo aboshi mokati ka bandu,mwamutokakotsya. muthamwaatsa. ³⁶ Abandu boshi mo bashweka kutsibu ni babwirana bati:kinwa muhanda ki eki ?kuthyo Omundu oyu,abinga emitsimu ko bandu mo mo maka na Kaala ati ithokekubu ahonaho naro niyathoka. ³⁷ Bushana Nebyo engulu ya Yesu moya enda mokihuo kyoshi ekyo. ³⁸ Yesu mwathoka mo Sinagogi eyo mwaya ewa Simioni.Abere ahikamo mweya nyatsala wa Simioni niatitimana bushana na kapururu.Mobashaba Yesu amulamye. ³⁹ Yesu mwunama niabindukire eyiri omukatsi Oyo, mwakemera kapururu ako,nako kamamulika.Aho naho mukatsi Oyo mwimana niteekerabo kalyo. ⁴⁰ Eritsuba kyabere lyalenga mobalethera Yesu yo abandu boshi bo baalwa namaali minamina.Yesu mwaenda ahira ko buli mukoni wa kubo kweminwe nimulamya. ⁴¹ Nemitsibu moyathoka ko bandu Bangi nieyihambala yithi:Iwe uli mwala wa Ongo! hewethuwe Yesu mwakemeraro nikaaro ithaneenaa, Kushangwa yabyaa niyetsi ko ni Kirisito. ⁴² Bwabere bwakya,Yesu mwathoka momuyi mwaya ho hatali bandu.Omuhindo Mwanga imushondya.Babere bamushungako mobashonda imukikira busha atashuba shiyabo. ⁴³ Hewethuwe Yesu mwabwirabo ati :Litolere nyifulire engulu mbuya yo bwami bwa Ongo yomo yindi miyi naro.Kushangwa Ongo anyithumaa bushana nekyo. ⁴⁴ Aho Yesu aenda afulira abandu be ngulu mbuya yomo so Sinagogi somo kihuo kye Yudeya.