1 Kirokiuma Yesu mwahindaniyaabathumwa buwe ikumi babiri, mwahabo Kaala na makaweribinga abatsimu boshi nilamya abakoni. 2 Matumabobayafule engulu ya bwami bwa Ongo nilamya bakoni. 3 Mwabwirabo ati :Mo luendo lwenyu mutahekaa Kiro na kindu. Mutahekaa,mutso,kutse shaho kutse kalyo kutse faranga. Obuli mundu aheke lukimba luuma kuroshi. 4 Obulinyumba mwandahumbiriramo, mubyemo kuhika ekiro mwandatoka momuyi oyo 5 Nobuli muyi abandu bandatinda Ubakokye,muyitokere muwo . He kwitokamo,mukungutire bo Elifu lyeko bishando byenyu. Ekyo kyandabya kiminyikalo ko bandu abo. 6 Aho abatumwa mobaenda,niabathoka mu mirongo niya muundi. Baenda abafula engulu mbuya nilamya abakoni ahoshi. 7 Herode mukulu wekihuo kyi Galilaya monvwa Ebinwa byoshi ebyo.Mwatabaana, kushangwa bandu baenda baneena bati: Ni Yoani mu lubiki yo wa lubukire. 8 Na bandi bati ni Eliya muminyeretsi yo wamahuluka Kandi.Na bandi bati ni muuma waku baminyeretsi ba kera yo wama lubuka. 9 He Herode mwaneena ati : Ningye o wenewene kyonyahamulaa nyiti batse omutwe wa Yoani Ewo ni mundundi oyo yo nyonvwa emyatsi yiwe ? Bushana Herode mwashondya ishunga ku Yesu. 10 Abatumwa mobashubula ,bamathanga ifulira Yesu yebinwa byoshi bakolaa. Honyumakwaho Yesu mwabwirabo hale hake na bandu.Mobya komuyi we Betesaida. 11 He omuhindano wa bandu mwaminya ko Yesu mwaya eyo,mobamukwamirirayo.Mwakokyabo kubuya, mwatanga elifulirabo omwatsi Oyo aneenire ko binwa bya Ongo. Nabo babyaa bakoni mokati kabo,mwalamyabo. 12 Bwabere bwaoroba, abatumwa ikumi na babiri ba Yesu mo bahika aho ali ni mwibwira bati: Mukengwa !hano tuli hale no muyi. Bushana ngautabwira bandu baende mo mirongo eyiri hofihofi nomo tunzali, bushana babone buonjero ne byerirya. 13 Yesu Mwabwirabo ati :Muhebo kalyo imwebene. Nabo mobashuba mushubitsya bati: tutawithe kalyo,he emikati atano ne mahere abiri.Wanzire nitwaya ulira abandu boshi aba bo kalyo? 14 Abandu babyaa Aho hahaha hofi bayira bangana bihumbi bitano .Yesu mwabwira abia buwe ati: Mwikatse abandu mo bithuto bituto bya bandu makumiatano atano. 15 Abia mobakola ngoko Yesu abwirabo,mobikatsya abandu boshi. 16 Yesu mwatsimba emikati ithano na mahere abiri ayo,mwashumba amesho momwanya nisima Ongo. Honyumakwaho mwatsitsangatsitsangaro.Mwaharo Abia buwe bushana baabirero abandu. 17 Abandu boshi abo mobalya niuta.Abia mo bashongyashongya byobyashakaa,mobotsutsya bitonga ikumi na bibiri. 18 Kiro kiuuma Yesu mwabya ahatali bandit nishaba Onto,na bia buwe emusike kwiye. Amabutsyabo ati Abandu abaneena bathi Nyirindi? 19 Abia mobamushubitsya bathi Bauma abaneena bathi iwe we Yoani mulubiki, na bandi bathi iwe we Eliya,nabandi nabo bati iwe uli muuma woko baminyeretsi bakera yo walubukaa. 20 Aho Yesu mwashubitsyabo athi :Nemwe omuneena muti Nyirindi kwenzi! Petero mwashubitsya ati : Niwe Kirisito yo Ongo athumaa. 21 Yesu mwahamula Abia buwe banalinda babwira nomundu nomuuma omwatsi Oyo. 22 Kandi mwashuba bwira bo ati:Ingye mwala wo mundu bitholere ninyaalwa kutsibu nithindwa nabakulu nabandu, nabakulu baba hero,na bakangiritsya bo muomba.Nyanditwa,nekiro kyakashatu nandalubuka. 23 Honyumakwaho Mwabwira aboshi ati :ali atsingire inyikwama aende anyitinde yowene.Atsinge iheka omusalaba uwe bulikiro,ninyikwama. 24 Kushangwa youshondya ilamya obuingo buwe andahetsyabo. Hewethuwe yo wandahetsyabo bushana na ngye,andalamyabo. 25 Namundu mwangabona abashoki boshi bwekihuo, hewethuwe amayihetse nibihya, andabona ndundi ki? Hatali! 26 Bushana nekyo mundu woshi yo wanadaenda anyifira shoni,nifwira Ebinwa byaye byo shoni, nangye muala wa mundu kutyo nyandamufwira shoni. Ko byandabya bithyo komuulu nyahika mo lukengerwa lwaye,nalo lo na lukengerwa lwa tata, na olwa songashani babuirire. 27 Kwenene Enyibabwira, mokati Kabali hanobauma batindafwe batetsi balola ko bwami bwa Ongo. 28 Habere hahwa biro munane Yesu aneenire Ebinwa Ebyo, mwatsimba Petero,Yoani na Yakobo mwiruka nabo Ku kitwa bushana niaya shaba Ongo. 29 Abere anemushaba, obusu buwe mo bwabinduka ne songimba siwe mosasana ningenga kutsibu. 30 Omo lukengerwa olo mo kwahuluka Bayira babiri Musa na Eliya. 31 Abayira ba biri abo nabasimola hauma na Yesu ngoko andamala omulimo uwe nifwira Yerusalemu 32 Mo muulu oyo Petero balikyabo babaa nibayireto burengwe. He mobabuka bamashunga olukengerwa lwa Yesu nabayira babiri abo nibimene hauma naye. 33 Mo ndambi abayira babiri abo bamikanaa na Yesu, Petero mwamubwira ati: Mukangiritsya, bikwirire twikale hano.Natuhimbe ho hema ishatu: nguma yabya yiwawe,eyindi ya byaa ya Musa, neendi yabyaa ya Eliya. Petero abyaa niatechi abyo aenda aneena. 34 Mo ndambi Petero abere anemuneena atyo,Mokuhuluka kifu kinene nishwikabo. Abia abo mobubaha balola ekifu ko kyamashwikabo. 35 Mo kifu ekyo mo mwathoka mulenge nianeena ati:Oyu ni mwalaaye yo nyashombolaa .Muende omumutea matwi ! 36 Mo ndambi omulenge onvwikaa Oyo,abia abo mobashunga ko Yesu nikere yowene. Ebinwa byashungaa aho,mobaiberera bukutu,mobatabwirabyo mundu nomuuma mo biro ebyo. 37 Bwabere bwakya,Yesu nabia buwe bashatu abo mobandaala ko kitwa.Muhindano munene wabandu mwamuendera. 38 Mo muhindano Oyo, mundu muuma mwahambala mulenge munene ati: Mukangiritsya, enyikushaba thausha elisho lyoko mwanaye. Kushangwa yo nyiwite ko yowene! 39 omutsimu anaenda anyihuma kwiye,aho naho nialeka niahambala nimutitimania,nerifulo niryotsula ko bunu. Omutsimu atali anamutokako tsuba, nakandi anamunubya kutsibu. 40 Monyashabire abia bawe babinge omutsimu oyu, he mobalemirwe! 41 Aho, Yesu mwashubya ati : Imwe bandu ba Munobwire mutawite lwikiritso,Kandi muli babi kutsibu. Nyandaenda enyibya nemwe nihulikiritsa Ebinwa byenyu i hika Kiro ki? Nyiletere Omwana awe oyo yo hano! 42 Mo ndambi omwana abyaa niaya ahali Yesu, aho naho omutsimu oyo mwahuma omwana yo ahishi nimutitimania kutsibu. Hewethuwe Yesu mwakemera omutsimu.Mwalamya omwana oyo nimushubulitsya ishe. 43 Abandu boshi mo bashweka kutsibu kwishunga amaka manene wa Ongo.Mo ndambi abandu boshi abo babyaa nibane mushweka bushana ne byoshi Yesu aenda akola. Yesu Mwabwira abia buse ati : 44 Mutee matwi bushana monvwe Ebinwa enyishonda ibwira Ingye muala wo Mundu nyandahirwa mo minwe ya bandu. 45 Hewethuwe Ebinwa ebyo Yesu abwirabo, mobataminyabyo nga bineenire bitiki. Byabyaa nibibishire Kubo bushana bataminyaabyo. Na mobubaha imutsya nga bineenire bitiki. 46 Kiro kiuuma abia ba Yesu mobakubisania baminye indi ngayo mukulu mokatikabo. 47 Yesu abyaa niamemala iminya emianitse Yabo. Bushana nekyo mwatsimba Omwana mulere amamuhira hofi naye. 48 Mwabwira bo ati:Oyo ukokya omwana mulere yo uli ngoyu mwitsina lyaye, ningye amakokya.Noyo unyikokya,kutyo akokya oyo wanitumaa.Ni kwenene omulere mokati kimwe boshi Oyo yo mukulu. 49 Aho Yoani mwaneena ati : Mukangiritsya,motushunga ko mundu yo ubinga emitsimu ko litsina lyawe. Hewethuwe motumuhangira bushana atali womo kikembe kyetu. 50 Yesu mwamubwira ati:Mutamuhangiraa kushangwa Oyo utali nziu kwimwe niwoko luanda lwenyu. 51 Ebiro Yesu angirukibwe mo lubula byabyaa hofi nihika.Bushana nekyo,mashunga ko bitolere irukire I Yerusalemu. 52 Mwatuma bandu balebe bamutange. Abandu abo mobaenda ningira mo murongo muuma wa Basamariya, Kushangwa bashondetse Yesu yo buonjero. 53 Hewethuwe abandu bomo murongo oyo mobatinda imukokya, kushangwa aenda aya Yerusalemu . 54 Abia buwe Yakobo na Yoani Babere bshaunga ebyo,mobaneena bati: Ninyakuwethu, wanzire tushabe omutsanwa atoke mo lubula bushana atsikyebo? 55 Yesu mwabinduka nikemerabo. 56 Aho , Yesu nabia buwe mobaenda kuundi murongo 57 Mondambi Yesu nabia buwe babyaa bakinali mo nzira,mundu muuma Mwabwira Yesu ati: Nyandaenda anyikukwama ahoshi wandaya. 58 Yesu Mwmuabwira ati :Emiterere inayira mashamba, ne bironge ebinayira nyutu. Hewethuwe ingye muala wo Mundu ndayira naho nyangaonjera. 59 Yesu Mwabwira undi mundu ati : Nyikwame .He Omundu oyo mwaneena ati: Nyinyakuwethu,thalaka natatanga iyitha tata. 60 Yesu mwamushubitsa ati :Lika abaholi baende bayate abaholi babo. He iwe uende uyafulire abandu be myetsi yo bwami bwa Ongo. 61 Undi mundu Mwabwira Yesu ati : Ninyakuwethu, nyaenda anyikukwama, hewethuwe taleka nataya laana nekihanda kyaye. 62 Yesu mwamubwira ATI:Omundu yo uthathanga irima niatahashuba lola enyuma. Oyo ukola atyo atatolere ikolera o Bwami bwa Ongo.