¹ Ngahi omuzigirwa wawe ajire, wani mwinja olushire abanali bakazi? Omuzigirwa wawe ngahigi anayerekire? lyo rhumulonza kuguma. ² Omuzigirwa anayandagalire omu busani bwage, ebwa malingo gali gakula irehe linja, lyo ayabulira mwo. ³ Ndi wage naye ali wani, aliakeresa obuso bwage ahasomosire. ⁴ Muzigirwa wani, Oli mwinja nka Tirsa, Osimisize nka Yerusalemu, we yobohwa nki ibendera. ⁵ Ohindule obusu bwawe kuli nanani, bulya kuba ganyobohize bwenene. Emvire ziri nka buso bwa mpene, Ezigwishire omu katulo g'egileadi. ⁶ Amino gawe gali nka buso bwa bibuzi, biri busoka bya rhengi shukwa; birika ngasi chiguma cibusire amahasha, na ntachiguma chafirirwe. ⁷ Amarhama gawe gali nka kokomanga, enyuma lyo omushangi gwawe. ⁸ Abagoli bali makumi galindarhu na abaherula makumi gali munani, n'abanyere barhakanjwa; ⁹ W'enguku yani, mushinganyanya wani, oliwene, mwana chusha wanina. Ye muzigirwa wa wo wamuburhaga, Abanyere bamubonaga hamagala munyiragi; Abagoli n'Abaherula bamubona, bamukuza, n'okuderha. ¹⁰ Ndi oyo walola nka mwera cera, mwinja nka mwezi, achire nk'izuba, wakuyobohya, nka abadwirhe ibendera? ¹¹ Nayandagalira omu busani bw'amalehe, lyo ndola emburho zimezire omu lubanda; ndole erhi emizabibu eshabusire, ne erhi ekokomanga ziyasize. ¹² Erhi nbantashimanya, omurhima gwani gwa mpeka omugarhi mitungo ya bakulu bani. ¹³ Galuka galuka mshulami galuka galuka, lyo rhukulolako bulya gurhi mwalonza okulolako omshulami, Nkakula balolako engoma y'eMahanaimu?