¹ Namaja omu busani bwani, Muhya wani, nolinasarula n'obuku n'amashahi gani; ndinalya omuke g'obuci bwani, ndinanywa idivai n'amarha gani. Damali, bira bani, munywe, munywe bwenene, bazigirwa bani. ² Nalingwishire, chi omurhima gwani guzine, yunvirhiza! Muzigirwa wani alikomomba! Nyigulira, mwali wirhu, muzigirwa wani, nguku yani, mushinganyanya wani, bulya irhwe lyani liyunjwire lume, n'enviri zinyunjwire mirhonyi y'obudufu. ³ Nahogwire iropo lyani; kurhi nashubigi riyambala? Nashusire amagulu, kurhi nashibigigazinza? ⁴ Muzigirwa wani agezize okuboko omu murhule gw'olumvi; N'omurhima gwani gwadurhubala. ⁵ Nagendi muyigulira; amaboko gani gakula entubano y'obuku, n'eminwe zani konoko, oku kamikiro k'olunvi. ⁶ Nayingulira omuzigirwa wani, chikone ahunduka agera; navunika omurhima, Namulonza, ntamubonaga, namuhamagala, arhanshunzagya. ⁷ Abalanzi bw'okugeragera omulugo bambona, banshurha n'okunyagaza, banyaga omushangi gwani. ⁸ Mbayingizire mwe banyere b'eyerusalemu, Mukabona omuzigirwa wani, gurhi mwayishi mbwira? nahozire enyanya ly'a omuzigire. ⁹ Oyo muzigirwa wawe gurhi ayasire? Oyo olimwinja kulusha abakazi boshi, gurhi ayusire oyo muzigirwa wawe, lyo orhuyinga ntyo? ¹⁰ Omuzigirwa wani alimwinja, na mutukula, arhankahabwa omu bihumbi ikumi. ¹¹ Irhwe lyage liri nka noro echire, emiri zage, mashami ga mirhanda nyiru akahungwe. ¹² Amasu gage gali nka ganguku eri oku nshoko, ziri za yoga omulwishi, n'omu marha; ¹³ Amarhama gage gali nka malingo ga mubona bona, erhenga mwo amalashi. Akanwa gage nka bwasa bwa lisi, ebulaga emirhonyi y'obuku. ¹⁴ Enfune zage shangabuye za noro, ziyunjwire mabaye. n'enda yage eri nka muntinda gw'ihembe, guli nka nka kulya baguyambika enjuma. ¹⁵ Amagulu gage nka mitungo ya mabuye meru, gayubakirwe oku noko; Enshusho yage, kwo ashushire nka elebanoni, minja nka nduluma. ¹⁶ Akanwa kage kagwerhe emyanzi minja, Alimushagalusi, yoyu musigirwa wani, na mwira wani, wani banyere b'Eyerusalemu.