¹ Lola, oku amagulu gawe gayinjiha omu nkwerho, Endashi yawe, erhi nka mbehe erhali mwo kantu, mukolo go mufundi mkulu. ² Omunyunyu gwawe guli nka birhahuli bigonze, birhanabulaga idivai, liliyengere; enda yawe eshushire endugiro y'engano, ezonzirwe n'obwaso bwalisi; ³ Amabere gawe gali nka banashafu babirhi, mahasha ga kashafu. ⁴ Lyosi lyawe nka kasholo k'ihembe; Amasu gawe kwo gali nkanyagero za eheshboni; Hofi n'olunvi lwe Beth-rabi; Izulu lyawe nka kasholo ke lebanoni, kayerekire e Dameski. ⁵ Irhwe lyawe lilili nka ntondo ye Karmeli, n'emviri zawe. zisogorosire, mwani asimire emisuko yawe, ⁶ Ngakulya eri mwinja enasimisize amasime garhakwanini. ⁷ Olugero lwawe luli nka mishugushugu. N'amabere gawe nsisi murhanda. ⁸ Nadesire, okunarhwera ogo mushugushugu, n'okunarhwera ogo mushugushugu, n'okurhola bihadu byago. na ambere gawe gabe nka sisi za mizabibu, n'obwehe bomuka gwawe nka mapera. ⁹ Na akanwa kawe nka idivai linja, emo muzigirwa wani lililya miruka bunyibunyi, lililyandagala murhunwa rhwa abagwishire. ¹⁰ Ndi w'omuzigirwa wani, n'obulonza bwage kuli nie. ¹¹ Yisha, muzigirwa wani, rhuje ebwa mashwa, rhujire akarhwabwani omu bishagala. ¹² Rhugende mucera-cera churu n'ebwa mashwa g'emizabibu rhulole erhi ya yasize, n'obwaso bwayo nka bufundisire nka bwa mikokomanga; Eyo muda nakubwira hihwe ly'obuzire bwani kuliwe. ¹³ Amandragou aliga kula obwehe; bwago; n'amalehe minja garhuli ahaluso, Amahyahya na agamira, ga ngasi lubero, aganakubikire muzigirwa wani.