¹ Kristu arhujijire ntagengwa mpu lyo rhucunguka okunali. Musimikage muli okwo kuba ntagengwa, munacîlange murhag'ishub'iba baja. ² Yumvagi! Nie plo ndesire nti erhi mwakakembûlwa* mpu muje omw'idini ly'abayahudi, kwo kuderha oku ntabyo Kristu amujirira. ³ Nnonzize bwenene okushub'imubwira lindi liguma oku ngasi yeshi okembûlwa museze okuyumva amarhegeko* goshi. ⁴ Mwe mulonza okujirwa bashinganyanya emalana ga Nnâmahanga omu njira y'okuyumva ogw'amarhegeko, mwacîberwire kuli kristu, mukola muyemirwe olukogo lwa Nnâmahanga. ⁵ Rwehe, rhulangalire oku Nnâmahanga arhujira bashinganyanya emalanga gage, byo rhuli rhwalinda ebyo, oku buhashe bwa mûka mwimana okola umau kurhulukana obwemere bwirhu. ⁶ Bulya erhi ankaba rhulungine haguma na Yezu Kristu, okukembûlwa* n'okurhâkembûlwa byoshi byo na bîguma , Obwemere bukolesa obuzigire bwo bukulu. ⁷ Mwali murhondire okulibirha bwinja! Nndi warhumirage mwaleka oku yumva okw'eby'okuli bidesire? ⁸ Ebi bamubwiraga omu kumuyemeza, arhali emwa Nnâmahanga omuhamagala byarhengaga. ⁹ Kula badera mpu engezo nsungunu enarhundise omugati gwoshi. ¹⁰ Cikwone nyakasane anjijire mpu ncîkubagira mwe ammanyisize okunali oku mwagerêreza akani. cikwone omuntu oli wamuhira mw'akavulindi, ciru akaba ye nndi, Nnâmahanga amuhana. ¹¹ Niehe, bene wirhu erhi nankaciyigiriza nti kukwanine abantu bakembûlwe, bicigi birhuma bagenderere okunshimbulula? Akaba bya by'okuli, kwo kuderha oku emyanzi nderhera kristu wabambagwa oku musalaba erhankacisarhaza omuntu yeshi yeshi. ¹² Yajewe! Abali bamuhira mw'akavulindi bagenderere mâshi, muli eyo mikolo yabo, bacîcûze! ¹³ Mwehe, bene wirhu mwahamagalagwa ukuba bantagengwa. cikwone murhajiraga okwo kuba bantagengwa mpu lyo mulama omu njira y'irala linyu ly'omubiri. Ci oku mwakâkolerana ¹⁴ Bulya amarhegeko goshi gali muli eri liguma mpu: "ozigire owinyu nk'okw'ocîzigira wenene." ¹⁵ Cikwone erhi mwankânjira nka nsimba z'erubala okukâyagazanya n'okukâjirirana buligo, mucîkomage, buzira ntyo mwasherezanya. ¹⁶ Yumvagi ebi ngwerhe namubwira; Muleke Mûka mwimana amushokolere omu kalamo kinyu, cikwone murhazigaga mwarhegekwa n'irala libi ly'omubiri. ¹⁷ Bulya irala lirhu ly'omubiri lirhabonna kwo na Mûka, naye Mûka ajira irala lirhabanana kwo n'irala ly'omubiri gwirhu: Ago marala gombi gaba gashombine kwo kwakanarhuma murhahikiriza oku mwakalonzize. ¹⁸ erhi Mûka Mwimana akamushokolera, ago mango erhi amarhegeko garhmurhegesiri. ¹⁹ Rhuyishi bwinja kurhi abijiro by'omûbiri bicîyerekana mwo: bicîyerekana omu kugona, omw'izinga n'omu kujira amabi. ²⁰ omu kugashaniza abazimu, n'okujira amakurungu. Abantu ba barhambulwe n'obukunizi, n'akamashigwe. Bacîberule mwo obwiyungule bal'itwika mwo emirhwe erhâderha kuguma. ²¹ Babe ba bumvu, na balalwe, na bada,bye n'ebindi bijiro bya mwene ebyo. Mmurhônzirage nk'oku nanali namâjira, okw'abantu bajira ntyo barhâbone obwami bwa Nnâmahanga*. ²² Cikwone ebijiro bya Mûka Mwimana byo by'ebi: obuzigire, obusime, omurhûla, obulembêdu, okukogo, omurhima mwinja, okujira aminja, ²³ obutûdu, n'obucese bw'omurhima. Amaregeko garhahanzizi ebyo ciru n'ehitya! ²⁴ Abantu ba yezu bâyisire obworhere bwwabo bw'omubiri, n'irala lyagwo, n'amîru gujira. ²⁵ Mûka mwimana arhuhîrhe obuzine; kukwaninage ashokolere n'ebijiro birhu nabyo. ²⁶ rhurhacîbonaga, rhuleke okukâsholoshonzanya nisi erhi okubîkirana obumvu.