¹ Saulo ye wahamirizize olo lufu. Olo lusiku haba burhindibuze bunji omu lurhamba lw'e Yeruzalemi. boshi bashandabana omu mirhundu y'e Yudeya n'e Samariya. Entumwa zone zasigala. ² Abantu barhinya Nnamahanga babisha Stefano, banamulakira bwenene. ³ Naye Sauli erhi adwirhe ashereza olurhamba, akasheshera omu nyumpa akaba mulume akaba mukazi ashimanyire akagwarha n.okubahira omu mpamikwa. ⁴ Balya bashandabanaga, bagera hoshi hoshi omu cihugo baja bayigiriza akanwa ka Nnamahanga. ⁵ Filipo erhi abaamayandagalira e Samariya aja ayigiriza Kristu. ⁶ Olubaga lwoshi lwanunirwa n'enyigirio zage bulya bulya bakagi yunva baderha ebirhangazo akagi jira banakagi bibona. ⁷ Kwo binali banji balimwo shetani akabarhengamwo aj'ayama na banji bali bahozire ebirumbu n'ebirema byakagi fuma . ⁸ Mweco cishagala abantu basima bwenene. ⁹ Kone mw eco cishagala mwali omulume mpu ye Simoni, ali mukurungu anakagi someza abantu b'e Samariya n'okuciderha muntu mukulu. ¹⁰ Abarho n'abakulu boshi ye bqkagi hirakwo omurhima. Bakagiderha, mpu: "Oyu muntu bwo buhashe bwa Nyamuzinda, ocihamagala mukulu". ¹¹ Bali muhizirekw'omurhima ntyo, bulya kurhenga mira akagi basomeza n'obukurungu bwage. ¹² Ci erhi baba bamayemera Filipo wakagi bayigiriza emyanzi y'Akalembe kw'obwami bwami bwa Nnamahanga n'izino lya Yezu Kristu, abalume n'abakazi babatizibwa. ¹³ Simoni naye aayemera n'erhi ayusibatizibwa arhacirhengagakwo Filipo. Akasomerwa erhi akabona eby'okusomeza bizibu akagijira. ¹⁴ Erhi Entumwa zalie Yeruzalemi ziyunva oku Abasamariya bayankirire akanwa ka Nnamahanga, zabarhumira Petro na Yowane. ¹⁵ Erhi bahika babasengerera mpu bahabwe Muka Mutagatifu; ¹⁶ bulya mulibo ntaye ali sagiyandagalira, bali babatizibwe kwone oku izino lya Nawirhu Yezu. ¹⁷ Lero Petro na Yowane babalambulirakwo amaboko bayankirira Muka Mutagatifu. ¹⁸ Erhi Simoni abona oku omu kulambulirwa kwa'amaboko g'Entumwa bamayankirira Muka Mutagatifu, abaha ensaranga adera, mpu: ¹⁹ "Mumpe nani obo buhashe lyo oyu nalambulirekwo amaboko ayankirira Muka Mutsgatifu ²⁰ Petro anacimushuza, erhi: "Okahera we n'ensaranga zawe, amanyire mpu wanaguoa enshokano ya Nnamahanga n'ensaranga. ²¹ Ntacigabi na nta mwanya ogwerhe mw'ebi bulya omurhima gwawe gurhashinganini embere za Nnamahanga. ²² Ociyunjuzagye k'obo bubi bwawe onshenge Nyamuzinda, kwa nkanaba akurhenza ezo nkengero omu murhima. ²³ kobimali mbwine oku oyunjwire ndulwe ya bubi onali mushweke n'emigozi y'ebyaha". ²⁴ Simoni ashuza aderha, mpu; 'Onshengerage Nyakasane lyo ntabyo bingwarhaga mwebi byoshi odesire." ²⁵ Bohe erhi baba bamahamiriza n'oku yigiriza akanwa k Nyakasane, bashubira e Yeruzalemi baja bayigiriza emyanzi y'Akalembe omu mirhundu minji y'Abasamariya. ²⁶ Malahika wa Nyakasane abwira Fiipo erhi, yimuka ogenda e ntambi z'ebushoshokero bw'izuba omu njira eyandagire e Yeruzalemi kuja e Gaza erya munda ebairungu. ²⁷ Ayimuka agenda, Obwo mulume muguma w'e Etioyopiya,ali mulamba murhonyi wa Kandasi, mwamikazi w'e Etiyopiya na murhegesi w'ebirugu byage byoshi; aliharamya e Yeruzalemi. ²⁸ Alikola agaluka ashubuka erhi atamire omu ngale yage anadwirhe asoma omu citabu c'omulebi Izaya. ²⁹ Muka utagatifu abwira Filipo, erhi: "Kanya ogwarhe eyo ngale." ³⁰ Filipo anacikanya ayunva ali asoma omu citabu c'omulebi Izaya, amudosa erhi: "Koyunvirhe ebi odwirhe wasoma?" ³¹ Naye erhi: "Gurhi nankayunva na ntaye oli wampugulaa?" Ahamagala Filipo mpu ayishe batamale omu ngale bonaye. ³² N'ecigabi c'emyanzi akagisoma c'ali ceci, ahekwa ka cibuzi cashibagwa, ngakulya mwanabuzi mutudu emalanga galungere. ³³ Omu butudu bwage bamutwira olubanja ndigi wanashambale ishanja lyage? bullya obugumaguma bwage bwahanyirwe omw'igulu . ³⁴ Olya mulamba anacidosa Filipo, erhi: "Mashi mbwira oyu omulebiaderhire ntya? Ka yene nisi erhi wundi?" ³⁵ Filipo arhondera okuderha, arhondereza kuli ebyo binwa by'amandiko, amuyigiriza emyanzi y'Akalembe ka Yezu. ³⁶ Okubali omu njira barhinda aha amishi gali, olya mulamba amubwira erhi: "Amishi aga, bici bicimpanzize okubatizibwa?" ³⁷ Naye Filipo amubwira akaba oyemire n'omurhima gwae goshi, olya mulamba aderha erhi neci nyemire oku Yezu Kristu ali mugala wa Nnamahanga, ³⁸ ayimanze engale bahonokera omu mishi, Filipo bne olya mulamba buzinda amubatiza. ³⁹ Erhi barhenga omu mishi omuka gwa Nyakasane gwaheka Filipo olya mulamba arhacimubonaga, n'omwishingo munji agendekerera n'enjira yage. ⁴⁰ Filipo arhigana akola ali omu Azoti, agenda honaho e Kaizariya aja ayigiriza emirhundu yoshi anageziremwo.