¹ Oku handi omudahwa mukulu adosa, erhi: "Ka kwo binali ntyo? ² Stefano ashuza, erhi: "Bene wirhu na balarha muyunve, Nyamuzina w'irenge abonekeraga Larha Abrahamu amango aciri e Mezopotamiya erhi arhaciyubaka e Harani, ³ Amubwira, erhi: "Orhenge omu cihugo cinyu na muli benw winyu oje omu cihugo nakuyereka". ⁴ Arhenga obo omu cihugo c'e Kaldeya aji yubaka e Harani. Ishe erhi afa Nnamahanga amurhenza yo amulerha mw'eci cihugo muyubasiremwo buno. ⁵ Muli eco cihugo arhamuhga bwime, ciru aha nkahirwa okugulu. cikone amulaganya obwime ye n,omulala gwage enyuma zage. ⁶ Nyamuzinda aderha ntya, iburha lyawe lyayishi lama elubugo omu cihugo ca bene, bashi bajira baja bana balibuze myaka magana ani. ⁷ Ci Nyamuzinda aderha oku er'Ishanja lyanabahire omu buja cikone niene najemanye okwaryo, enyuma lyaho banayishi rhenga banankolere hanahano. ⁸ Nyamuzinda aha kandi Abrahamu endagano y'oku kembulwa inyo erhi Abrahamu aba amaburha Izaki' amukembula oku lusiku lwa kali munani, Izaki aburha Yakobo anamukembula na Yakobo akujira balya bashakuluza ikumi na babirhi. ⁹ Obwagalwa bwarhuma bashakuluza bashomba Yozefu, bamuguza mpu ahekwe e Misri cikone Nnamahanga ali haguma naye. ¹⁰ Amulikuza omu malibuko gage goshi amujira murhonyi na mushinganyanya omu masu ga Faraoni, mwami w'e Misri, naye amujira murhegesi w'e Misri na aha mwage hoshi. ¹¹ Ishali lyazuka omu Misri n'omu Kanani haguma n'amalibuko manji, bashakuluza babula ebi bakalya. ¹² Erhi Yakobo ayunva oku engano eri e Misri, arhumayo burhanzi rhanzi ba shakuluza. ¹³ Obwa kabirhi Yozefu amanywa na bakulu bage na Faraoni amanya ecisisi cage. ¹⁴ Lero Yozefu arhumiza ishe Yakobo na benewabo boshi oku banali makumi gali nda na barhanu. ¹⁵ Yakobo ayandagalira e Misri yo afirire na bashakuluza. ¹⁶ Babaheka e Sikemi banababisha omu nshinda Abrahamu aguliraga bene-Hemori nsaranga e Sikemi. ¹⁷ Amalaganyo Nnamahanga alaganyagya Abrahamu erhi gba hofi, omulala gwayushuka gwanagandaza bwenene omu Misri, ¹⁸ kuhika owundi mwami orhali manyire Yozefu ayima. ¹⁹ Oyo mwami aba mwengahushu oku buko bwirhu, alibuza balarha, ciru akabaseza mpu bakabulire orhubonjo rhwabo lyo rhuleki lama. ²⁰ Ago mango Musa burhwa, ali ashinganine emalanga ga Nnamahanga. Alerwa miezi isharhu omu mw;ishe. ²¹ Erhi abaamakabulirwa mwali wa Faraoni amurhola, amulera nka mwana wage. ²² Ntyo Musa ayigirizibwa obwenge bw'abantu b'e Misri, aba mulume muzibu omu kuderha n'omu kukola. ²³ Erhi ayunjuza myaka makumi ani, akengera bene wabo bene Izraheli alonza okujibarhangula. ²⁴ Ntishi kurhi abwine bali barhindibuza muguma, amurhabala anawiholera, a irha mu Misri muguma. ²⁵ Alimanyire mpu bene wabo bayunva oku Nnamahanga alibaciza n'oku boko kwage, cikone bohe barhatwaga ihuzi huzi. ²⁶ Erhi kuca arhimana abadwirhe balwa aderha mpu abafunga, ababwira erhi, bira bani muli baguma! cirhumire mwankashoshobana ntya mwene na mwene? ²⁷ Olya walihalalire owabo amuhagalika, erhi, ewe ndi wakujiraga mukulu erhi muciranuzi wirhu? ²⁸ Nkaba walonza onyirehe nkakulya injo wayirhaga olya muntu w'e Misri? ²⁹ Erhi Musa ayunva ako kanwa, aciyakira, ajiyubaka omu cihgo c'e Madiyani, aburhirayo na bana babirhi baburhabana. ³⁰ Erhi myaka makumi ani egera, malahika amubonekera mu ngulumira y'ishaka, omw'irungu ly'e ntondo ya Sinayi. ³¹ Erhi Musa abona okwo arhangala, erhi aciderha mpu ayegera lyo abona bwinja, ayunva izu lya Nyakasane, erhi, ³² nie Nyamuzinda wa bashakuluza bawe, Nyamuzinda wa Abrahamu, Nyamuzinda wa Izaki na Nyamuzinda wa Yakobo. Musa erhi akola ali ageramwo omusisi arhaciderhaga mpu agalamire alole. ³³ Nyakasane amubwira, erhi: "Hogola enkwerho zawe omu magulu bulya aha oli hali hantu hatagatifu. ³⁴ Kobinali nabwine amalibuko g'olubaga lwani luli e Misiri, nayunvire emirenge yabo, nankola nabacungula, lero oyishage nkola nakurhuma e Misiri ³⁵ Oyu Musa balairaga erhi baderha, mpu: "Ndi wakujiraga mukulu na muciranuzi?, ye Namuzinda arhumaga nka mukulu na nka mucunguzi oku burhabale bw'olya Malahika wamubonekeraga mwer'erya ngulumira y'ishaka. ³⁶ Y e wabakuzire omubuja oku bisomerine n'ebirhangaza binji oku lubaga lw'e Misiri. ebwa nyanja ndukula n'omw'irungu omu myaka makumi ani. ³⁷ Ye n'olya Musa wabwiraga abana b'e Izraheli oku Nnamahanga azamuhe omulebi oli akani warhenga muli bene winyu." ³⁸ omu ciguhe c'omwirungu erhi ali na Mlahika wamudesagya okunntondo y'e Sinayi na bashakuluza abwirwa ebinwa by'obuzine mpu arhuhise kulibyo, ³⁹ cikone balarha barhamukengaga; ciru bamukoba banacifinja okushubira e misri. ⁴⁰ Mwako kasanzi babwira Haruni mpu: Rhujirire ba Nyamuzinda bankarhushokolera, bulya rhurhamanyiri oyu Musa warhurhenzaagya e Misri oku abire. ⁴¹ Zonezo nsiku bajiraga enyama barherekerera eyo nshushano, banajirira eciremwa c.enfune zabo olusiku lukulu. ⁴² Lero Nyamuzinda anacibahindulira omugongo anabaleka mpu bakaharamya emirhwe y'oku nkuba, nka kulya biyandisirwe omu citabu c'Abalebi, mpu: 'ka hali embagwa mwambagire erhi hali enterekero mwanterekirire bene Izraheli mwerya myaka makumi ani mwali omw'irungu? ⁴³ Mwaka barhula eciralo ca Malaki n'enyenyezi ya Nyamuzinda winyu Rifani, ezo nshushano mwajiraga mpu mukaharamya, nnani nkolalaga na mukuniza kurhaluka e Babiloni. ⁴⁴ Omw'irungu balarha bagwerhe ecihando c'endagano, kulya anali rhegesire owarhumaga Musa mpu acijire oku nshushano abaonaga. ⁴⁵ Errhi baba bamacihabwa, balarha baciheka omu cihugo banyagaga galya mashanja Nnamahanga alibirhagako embere zabo, Yoshwa ye wali cirongozi cabo kuhika amango ga ⁴⁶ Daudi Arhona emwa Nnamahanga anashenga mpu ashobole enshokano y'okuyubakira Nyamuzinda wa Yakobo enyumpa. ⁴⁷ Solomono ye wayishiri yubakira Nyamuzinda enyumpa. ⁴⁸ Ci ow'enyanya arhabera omu nyumpa yayubakagwa n'amaboko ga bene bantu, nkoku omulebi adesire, erhi: ⁴⁹ Emalunga yo ntebe y'obwami bwani, n'igulu co cirhi c'amagulu gani, nyumpa mci mwanyubakira erhi hantu haci nankarhamukira? cinwa ca Nnamahanga eco. ⁵⁰ Ka kurhali kuboko kwani kwajiraga ebyo byoshi? ⁵¹ Mwe bacikanyi cirhagomba aga marhwiri n'emirhima erhakembulagwa, muyorha mulahira okuyunva Muka Mutagatifu, kulya basho bali ko munali ninyu. ⁵² Mulebi ohi basho barhalibuzagya? ⁵³ Banizire abakagi leba okuyisha k'Omushinganyanya, olya muzindi lenganya mwana muyirha naye. Mwe lubaga mwahabagwa amarhegeko na baMalahika murhanagashimbaga." ⁵⁴ bayunva ebyo binwa, bakunira bwenene banaka kugurhira Stefano amino. ⁵⁵ Ci yehe bulya ali yunjwire Muka Mutagatifu, anacigalamira enyanya abona irenge lya Nyamuzinda na Yezu ayimanzire ekulyo kwa Nyamuzinds. ⁵⁶ Stfano aderha, erhi: oli namabona amalunga gayigusire n.omwana wa mwene muntu ayimanzire ekulyo kwa Nnamahanga." ⁵⁷ babanda orhuhababo bafuka amarhwiri banacimwirhunikakwo boshi caligumiza. ⁵⁸ N'erhi baba bamamurhenza omu lugho, bamubanda amabuye. Abahamirirzi bali barherekizize emyambalo yabo aha magulu g'omwana w'obusole izino lyage ye Sauli. ⁵⁹ Erhi baba bakola badwirhe bamubanda amabuye, Stefano akashenga, erhi: "Yagirwa Yezu oyankiire omuka gwani". ⁶⁰ Okuhandi anacifukama ayakuza n'izu linene, erhi : "Nyakasane orhabaholaga eci caha". Erhi amala okuderha ntyo arhengamw'omuka.